06/06/2025
Amantaa Muslimaa ☪️ kan hordoftaniif dhaamsa kooti, Share godhaa biraan naaf ga'aa !
Nagaan Kiristoos isiniif Haa ta'u, uummata muslimaa gidduu waggootaaf jiraadheera, jaalala keessan yoo ta'e malee jibba keessan dhaladhee of keessatti argee hin beeku, addumaan immoo jaalala isin walii walii keessaniif qabdan hedduu kan nama ajaa'ibudha, daa'imummaa kootti aniyyu isin wajjin salaataan ture, hiriyoonni koo hundi muslima waan ta'aniif maatii dhoksee Maqaa koo illee jijjiirradhee hhh Dhoksaatti muslima ta'een ture, ergasiiti Kiristoos ilmi Waaqayyoo ofii isaa karaa hin mamsiisneen natti mul'atee, quraanas, Sagalee Waaqayyoos Wal bira qabee akkan dubbisu sammuu koo naaf banee dhuma irratti egaa faarfataa isaa na taasifateera Waaqaaf lafa irratti galanni isaaf haa ta'u malee.
Amma kanan irraa dubbachuu barbaadu, namoonni tokko nu gidduu turan, namoota buddeena kana garaa guuttachuudhaaf Karra Hoolotaa kan summii sooran, dubbiin Waaqayyoo iji 1 kan isaan keessa hin jirre garuu raajota kan ofiin jedhan, Gaafa sabni itti dammaqu immoo amanticha keessaa bahanii isin bira immoo dhufanii Waliin dhahuu kan jalqaban, kutaa quraanaa keessaa toora tokko utuu hin dubbisiin barsiisaa fi sheeka keessan iyyu gadi kaa'anii barsiisuu kan fedhan darbee darbee nan arga. Elaamee Musliimotaa, Jarri kun as nu bira Yeroo turanis kan gooftaa hin turre kan garaa isaanii turan, dhugaaf utuu hin taane Buddeenaaf adeemu turan, Mana Waaqayyoo mana daldalaa godhanii turan, sammuudhuma duwwaa kanaan barsiisota of fakkeessanii waan nyaatanii bulan argachuuf diraamaa hojjetaa turan.
Amma immoo gaafa Abbaan Waldaa Kiristoos Yesus qaccee isaa ol fudhatu daldala isaanii dhiisanii baqatanii isinitti nammaa jiru. Business isaan nu biratti eegalan akka Yaadan ta'uu waan dideef isinitti nam'aa jiru waan ta'eef silmiiwwan kana irraa of baraaraa. Nu bira kan dhufaa oolu ani isinitti hin himu isinuu beektu waan ta'eef. Akka Biyya keenyaatti amantaan saffisaan guddachaa jirus kam akka ta'e sirriitti beektu, nu biratti garuu baay'inni hiika hin qabu qulqullina malee.
So namoonni akkas akkasii sichiyyu heddummachuu malu, garuu of baraaraa.dhibaa'ummaa isaanii isa Tajaajila jala dhokfatanii ittiin buddeena nyaachaa turan sanatu deemsisuu dinnaan isinitti baqatanii buddeena nyaachaa jiru.
Maal akkamiin namni har'a muslima ta'ee har'uma quraana barsiisa ? Maal amantaan seera qaba, in baratama, in qoratama malee akkamiin duuriyyeen garaaf joortu har'uma dhuftee barsiisaa isiniif taati? Dubbii kana sirriitti itti ilaalaa.
Itti dabalee immoo nu biratti barsiisaan cimaa, nama dhaabatee amantaa namaa arrabsee amantaa isaa gaara godhu utuu hin taane, maaliif akka amane nama sirriitti hubate, macaafa qulqulluu nama dubbisu, Hafuura qulqulluun kan guutame, yoo amantaa namaa kaasuun barbaachise illee naamusa fi kabaja guddaadhaan Waa'ee dhugaa namatti hima malee, nama harrabsuun nu keessa akka hin jirre beektu.
Jarri kun immoo muslima ta'anii daqiiqaa 5 booda tiktok irra yaabanii Kiristoos fi Kiristiyaana arrabsuu jalqabu. Maalidha kaayyoon kanaa?? Dhuguma dhugaatu akkas gochaa jiraa ?? Lakki. Maalidharee? BUDDEENA !
Hafuurri hamaan namicha maraatuu sana keessaa bahee dhaqee booyyeetti akkuma nam'ee boyyoliin sun bowwaatti kukkufanii dhuman, har'a immoo Ergamtoonni garaa, Protestant keessaa yaa'anii muslimatti godaanuu madda galii irratti hin baramin godhatanii jiru.
Nu biraa waan baayyee balleessanii dhufaa jiru waan ta'eef karra keessan utuu cufattanii gaariidha. Soba isaaniitu irriba isaan raffisuu dinnaan isinitti baqachaa jiru, irratti dammaqaa ta'uu baannaan ittiin miidhamtu.
Obboloota kiristiyaanaa, Nuyi immoo Waaqayyoon haa kadhannu, Kiristoos qaccee isaa waan ol fudhate natti fakkaata. Daldaltoonni Waldaa keessa dhaabatanii ilma Waaqayyoo dhoksanii of mullisan, badhaadhummaa Waaqa irraa dhiisanii Qannoo lafa irraa Warri barsiisan dhugaa beekuu fi baruu erga hin barbaannee karra hoolotaatti summii facaasaa hin jiraatani, hedduun isaanii sichuu gadi yaa'u.
Waan dubbistaniif Galatoomaa !
Bikila Kebede 2025
