17/02/2026
இயக்குநர் ராஜூ முருகனின் எழுத்துக்களின் தாக்கத்தாலும் ,அவரது கதாபாத்திரங்களின் பயணங்களின் நீட்சியுமாகவே buhari junction சேனலில் மனிதர்களின் கதைகளை பதிவுசெய்ய தொடங்கினேன்.
My lord திரைப்படம் கிட்னி திருட்டு தொடர்பான கதைக்களம் என்பதால்,சென்னையில் நான் சந்தித்த சுமதி அக்காவை அழைத்துக்கொண்டு மைலார்டு திரைப்படத்திற்கு போயிருந்தேன். .சுமதி அக்கா ஓர் வாடகைத்தாய்,12 வயது சிறுவனுக்கு கிட்னியை தானம் செய்தவர்.
இருக்கையில் சசிக்குமாராகவே மாறிப்போயிருந்த சுமதி அக்காவிற்கு,கிளைமேக்ஸ் பெரும் நிம்மதியை கொடுத்திருந்தது.
படம் முடிந்தும்…
அவர் இருக்கையை விட்டு எழுந்திருக்கவில்லை.
அந்த அமைதியில், பல வருடங்களின் சுமை இருந்தது.
அவரை ஆசுவாசப்படுத்திய பிறகு,
ராஜூ முருகன் சாருக்கு நான் அழைத்தேன்.
“சுமதி அக்காவை நீங்கள் சந்திக்க முடியுமா?” என்றேன்.
ஒரு நிமிஷம் கூட யோசிக்காமல்,
“உடனே அழைத்து வாருங்கள்” என்றார்.
அந்த சந்திப்பு…
அந்த உரையாடல்…
அத்தனை துயரங்களுக்குப் பிறகும்
இன்னொருவருக்காக கலங்கும் மனசு…
அன்பும் மனிதாபமும் தான்
இன்னும் இந்த மானுடத்தை இயக்கிக் கொண்டிருக்கிறது என்பதை
ஆழமாக உணர்த்தியது.
சில கதைகள் சினிமாவை விட பெரியவை.
சில மனிதர்கள் கற்பனைக்கும் அப்பாற்பட்டவர்கள்..!
Full video in buhari junction YouTube channel
