15/08/2026
शेळगाव महाविष्णूत स्वातंत्र्य दिन उत्साहात साजरा
शेळगाव महाविष्णू : भारतीय स्वातंत्र्य दिनानिमित्त शेळगाव महाविष्णू येथे विविध शासकीय, सहकारी व शैक्षणिक संस्थांच्या कार्यालयांत तिरंगा ध्वज फडकवून स्वातंत्र्य दिन उत्साहात साजरा करण्यात आला. सकाळपासूनच गावात देशभक्तीचे वातावरण निर्माण झाले होते.
ध्वजारोहणापूर्वी गावातील विविध शाळांमधील विद्यार्थ्यांनी प्रभात फेरी काढली. यावेळी विद्यार्थ्यांनी विविध जनजागृतीपर घोषणांसह देशभक्तीपर घोषणा देत गावातून प्रभात फेरी काढली. ‘भारतीय स्वातंत्र्य दिनाचा विजय असो’, ‘भारत माता की जय’, ‘वंदे मातरम्’ अशा घोषणांनी परिसर दुमदुमून गेला. विद्यार्थ्यांच्या उत्स्फूर्त सहभागामुळे गावात सकाळपासूनच देशभक्तीमय वातावरण निर्माण झाले होते.
शेळगाव ग्रामपंचायत कार्यालय, विविध कार्यकारी सेवा सहकारी सोसायटी, जिल्हा मध्यवर्ती सहकारी बँक शाखा, महाराष्ट्र ग्रामीण बँक, प्राथमिक आरोग्य केंद्र, पशुवैद्यकीय दवाखाना, जिल्हा परिषद प्राथमिक शाळा, जिल्हा परिषद माध्यमिक शाळा, अंगणवाडी केंद्र तसेच कै. बाजीराव देशमुख विद्यालय आदी ठिकाणी संबंधित अधिकारी, पदाधिकारी व मान्यवरांच्या हस्ते ध्वजारोहण करण्यात आले.
यावेळी प्रत्येक ठिकाणी ध्वजारोहणापूर्वी राष्ट्रपिता महात्मा गांधी व भारतरत्न डॉ. बाबासाहेब आंबेडकर यांच्या प्रतिमांचे पूजन करून पुष्पहार अर्पण करण्यात आला. त्यानंतर श्रीफळ फोडुन ध्वजारोहणाचा कार्यक्रम पार पडला. उपस्थितांनी तिरंगा ध्वजाला मानवंदना देत राष्ट्रगीताचे गायन केले.
ग्रामपंचायत कार्यालयातील ध्वजारोहणास ग्रामपंचायत अधिकारी, सरपंच, उपसरपंच तसेच ग्रामस्थ उपस्थित होते. विविध कार्यकारी सेवा सहकारी सोसायटीत चेअरमन व संचालक मंडळाच्या उपस्थितीत, तर जिल्हा मध्यवर्ती सहकारी बँक व महाराष्ट्र ग्रामीण बँक शाखेत संबंधित बँक अधिकाऱ्यांच्या हस्ते ध्वजारोहण करण्यात आले. प्राथमिक आरोग्य केंद्र व पशुवैद्यकीय दवाखान्यातही संबंधित अधिकाऱ्यांच्या हस्ते तिरंगा ध्वज फडकविण्यात आला.
जिल्हा परिषद प्राथमिक शाळेत मुख्याध्यापक मदन साठे यांच्या हस्ते ध्वजारोहण करण्यात आले. यावेळी ‘वंदे मातरम्’ या राष्ट्रीय गीताचे गायन करण्यात आले. त्यानंतर तिरंगा ध्वजाला सलामी देत ‘जन गण मन’ या राष्ट्रगीताचे गायन करण्यात आले. यानंतर ‘जय जय महाराष्ट्र माझा’ या महाराष्ट्र गीताने वातावरणात देशभक्तीचा उत्साह निर्माण झाला. यावेळी मुख्याध्यापक, शिक्षक, शालेय व्यवस्थापन समितीचे अध्यक्ष व सदस्य, विद्यार्थी तसेच ग्रामस्थ उपस्थित होते.
दरम्यान, कै. बाजीराव देशमुख विद्यालयात संस्थेचे अध्यक्ष लक्ष्मीकांत देशमुख यांच्या हस्ते ध्वजारोहण करण्यात आले. विद्यार्थ्यांनी ‘वंदे मातरम्’, ‘जन गण मन’ तसेच ‘जय जय महाराष्ट्र माझा’ या गीतांचे गायन केले. यावेळी मुख्याध्यापक, शिक्षकवृंद, विद्यार्थी व ग्रामस्थ उपस्थित होते.
गावातील विविध शाळा, शासकीय कार्यालये व संस्थांमध्ये तिरंगा ध्वज डौलाने फडकत असल्याचे चित्र पाहायला मिळाले. ‘वंदे मातरम्’, ‘जन गण मन’ व ‘जय जय महाराष्ट्र माझा’ या गीतांच्या गायनाने परिसरात देशभक्तीचा उत्साह संचारला होता. विद्यार्थ्यांच्या प्रभात फेरीपासून ते ध्वजारोहणापर्यंत संपूर्ण गावात देशभक्ती, राष्ट्रीय एकात्मता आणि स्वातंत्र्याचा उत्साह दिसून आला. विविध ठिकाणी उत्साहपूर्ण व देशभक्तीमय वातावरणात स्वातंत्र्य दिनाचा कार्यक्रम संपन्न झाला.
#शेळगाव_महाविष्णू
#स्वातंत्र्यदिन
#१५ऑगस्ट
#स्वातंत्र्यदिन2026
#भारतीयस्वातंत्र्यदिन
#देशभक्ती
#वंदेमातरम्
#जनगणमन
#जयजयमहाराष्ट्रमाझा
#भारतामाता
#महात्मागांधी
#डॉबाबासाहेबआंबेडकर
#प्रभातफेरी
