Wislane Capital

06/10/2025

بداية إصلاح ملاعب القرب 🔧⚽

05/10/2025

كرة القدم تنافس داخل التيران، أما برا التيران فتبقى الأخلاق والاحترام فوق كل شيء
فالماتش ديال الكوديم والوداد كانت كاينة شوية ديال الهضرة بزاف
على أمرابط وعلى الاستفزازات اللي وقعات، ولكن بصراحة راه هادشي عادي فجو التيران.
الجمهور كيشجع بطريقتو، وكيحاول يأثر على الخصم باش يخرجوه من التركيز، وهادشي كيعرفوه مزيان حتى اللعابة اللي لعبو فالشرفي، حيت الضغط الجماهيري جزء من اللعبة.
ولكن منين يسالي الماتش، كيبقى غير الاحترام، حيت فالآخر راه كلنا كانعرفو قيمة امرابط ❤️⚽

ولجمهور من حقك تضغط على الخصم لكن بلا سبّ ولا عنصرية…

04/10/2025

الوجه الحقيقي ديال الشباب الواعي: خرجين بطريقة سلمية، بأخلاق ورسالة واضحة…

02/10/2025

كل الاحترام لشباب تطوان وفاس لي عطاو صورة حضارية فمظاهرات سلمية 100%، ورسالة قوية بلي المطالبة بالحق ماشي بالعنف ولكن بالنظام والرزانة. وكنقول للّي عارف راسو ما غاديش يقدر يضبط الأمور ولا ينظم الدراري لي معاه : بلا ما تخرج، راه غادي تزرف راسك. الأوامر يمكن تبدلات، المظاهرات السلمية ما كيتقمعوش، ولكن إلا بان فيها الشغب،....

02/10/2025

خلو التظاهر سلمية . المطالب خاصها توصل بطريقة حضارية بلا تخريب ولا استفزاز. التعبير العقلاني هو اللي يخلي الصوت قوي
بنادم ماتحمسش

01/10/2025

المتظاهرين اليوم هضرو على مشاكل التعليم، ومن بعد تطرقو لمشكل النقل العمومي فمكناس، خصوصاً شركة سيتي باص مكناس، وطالبو بخدمة في المستوى وطوبيسات كتليق بالسكان.

01/10/2025

عكس بزاف ديال المدن، رجال الأمن ففاس خدمو بعقلانية وخلاو الوقفة السلمية تبقى سلمية، بلا قمع وبلا خسائر. الشباب عبرو على رسالتهم بطريقة حضارية، وصلو الصوت ديالهم بلا ما يتضر حد. ومني سالات الوقفة، كل واحد مشى فحالو سالم غانم.

01/10/2025

حرق المقاهي والمحلات التجارية غاتكون تعدتي على مواطن بحالك وضيعتيه فرزقو نتا خارج باش طالب بالصحة والتعليم من الدولة ماشي باش تعدى على مصدر رزق مواطن يقدر يكون اب لشباب خارجين معاك فنفس الوقت

30/09/2025

من قلب مظاهرة حمرية مكناس : شباب كايهتفوا - باركة من البوليس.. زيدونا فالمدارس!

30/09/2025

الآن: مظاهرة سلمية بحمرية للمطالبة بالصحة والتعليم

30/09/2025