Station 1 RADIO

31/08/2026

𝐖𝐀𝐋𝐀𝐍𝐆 𝐏𝐀𝐒𝐎𝐊: 𝟓 𝐏𝐑𝐎𝐁𝐈𝐍𝐒𝐘𝐀 𝐒𝐀 𝐂𝐀𝐑 𝐀𝐓 𝐈𝐁𝐀 𝐏𝐀, 𝐈𝐍𝐔𝐓𝐔𝐒𝐀𝐍𝐆 𝐌𝐀𝐆𝐏𝐀𝐓𝐔𝐏𝐀𝐃 𝐍𝐆 𝐀𝐋𝐓𝐄𝐑𝐍𝐀𝐓𝐈𝐕𝐄 𝐖𝐎𝐑𝐊 𝐀𝐑𝐑𝐀𝐍𝐆𝐄𝐌𝐄𝐍𝐓, 𝐋𝐄𝐀𝐑𝐍𝐈𝐍𝐆 𝐌𝐎𝐃𝐄

MANILA — Dahil sa inaasahang patuloy na malakas na pag-ulan dulot ng enhanced Southwest Monsoon o Habagat, inatasan ng Malacañang ang mga tanggapan ng pamahalaan sa Benguet, Kalinga, Abra, Apayao at Mountain Province na magpatupad ng Alternative Work Arrangements (AWA) sa Setyembre 1, 2026.

Saklaw ito ng Memorandum Circular No. 133 na inilabas noong Agosto 31, na sumasaklaw sa 15 probinsya na maaaring makaranas ng pagbaha at pagkaantala sa daloy ng trapiko dahil sa patuloy na pag-ulan.

Kabilang sa iba pang sakop ng direktiba ang Ilocos Norte, Ilocos Sur, La Union, Pangasinan, Batanes, Nueva Vizcaya, Zambales, Tarlac, Pampanga at Bataan.

Inilabas ang direktiba kasunod ng rekomendasyon ng National Disaster Risk Reduction and Management Council (NDRRMC) dahil sa banta ng urban flooding at traffic disruptions.

Gayunman, magpapatuloy ang operasyon ng mga ahensyang nagbibigay ng basic at health services, disaster preparedness and response, at iba pang mahahalagang serbisyo.

Ipapatupad din ang Alternative Learning Modes (ALM) at iba pang learning continuity measures sa mga pampubliko at pribadong paaralan sa mga apektadong lugar, maliban kung may ibang direktibang ilalabas ang mga local chief executive.

Maaari rin namang magpatupad ang mga lokal na punong ehekutibo ng localized cancellation o suspension ng klase at trabaho sa mga tanggapan ng pamahalaan sa kanilang mga lugar, alinsunod sa umiiral na batas at regulasyon.

Kalinga, nagpatupad din ng direktiba

Kasunod ng direktiba ng Malacañang, naglabas ang pamahalaan ng Kalinga ng Memorandum Order No. 439, Series of 2026, na nag-uutos ng Alternative Work Arrangements sa mga tanggapan ng pamahalaang panlalawigan ngayong Setyembre 1.

Ipapatupad din ang alternative learning modes sa mga paaralan, habang mananatiling bukas ang mga tanggapan na nagbibigay ng mahahalagang serbisyo.

Samantala, ang mga kick-off activity para sa 126th Philippine Civil Service Anniversary na “GANDANG HR: The Kalinga Public Service Convergence Lumina-wa Kalinga,” kabilang ang Walk for Health at Opening of the Governor’s Cup, ay iniurong mula Setyembre 1 patungong Setyembre 3, 2026.

Ang memorandum ng Kalinga ay nilagdaan ni Acting Provincial Governor Atty. Davey Odiem alinsunod sa Memorandum Circular No. 133 ng Malacañang.

31/08/2026

15 MINOR SA PINGET, BAGUIO BULLYING CASE, 5 ARAW SUSPENDIDO

BAGUIO CITY — Labinlimang menor de edad na sangkot sa umano’y bullying at pananakit sa Pinget National High School ang sinuspinde ng limang araw, habang inihahanda ng pulisya ang posibleng pagsasampa ng kaso depende sa resulta ng assessment sa mga bata at sa desisyon ng pamilya ng biktima.

Ipinataw ang limang araw na suspension bilang administrative disciplinary measure sa isinagawang multi-stakeholder meeting sa paaralan noong Agosto 28, 2026, ayon sa Baguio City Social Welfare and Development Office (CSWDO).

Dumalo sa pulong ang Child Protection Committee (CPC) ng paaralan, Barangay Councils for the Protection of Children ng Pinget, Pinsao Proper at Pinsao Pilot, CSWDO, BCPO Station 2, mga magulang at guardian, at mga estudyanteng sangkot kabilang ang menor de edad na umano’y sinaktan.

Ayon sa CSWDO, ang suspension ay ipinataw ng CPC alinsunod sa mga naaangkop na probisyon ng Department of Education Order No. 06, series of 2026.
Gayunman, nilinaw ni Baguio City Police Office (BCPO) City Director P/Col. Ruel Tagel na ang suspension ay administrative penalty lamang at hindi hadlang sa posibleng pagsasampa ng criminal o civil case.

15 menor de edad, sasailalim sa assessment

Ayon kay Tagel, 15 estudyante, pawang menor de edad, ang natukoy na sangkot sa insidente.
Isasailalim sila sa assessment ng CSWDO upang matukoy kung mayroon silang discernment o kakayahang maunawaan ang kanilang ginawa at ang posibleng epekto nito.

Kapag nagpasya ang pamilya ng biktima na magsampa ng reklamo, maaaring ihanda ng pulisya ang kaukulang kaso matapos makumpleto ang kinakailangang assessment.

Maaari ring umaksyon ang BCPO kahit walang reklamo mula sa pamilya, kung naaangkop, alinsunod sa mga probisyon para sa Children in Conflict with the Law (CICL).

Kabilang sa posibleng ikaso ang physical injuries, depende sa resulta ng medical examination ng biktima. Maaari ring suriin ang posibleng grave coercion o threats kaugnay ng alegasyon na pinilit ang biktima na lumuhod o humiga at magpa-picture sa ilalim umano ng banta ng karagdagang pananakit.
Gagamitin sa paghawak sa mga menor de edad ang mga probisyon ng Republic Act No. 9344, o Juvenile Justice and Welfare Act of 2006, na inamyendahan ng RA 10630.

CSWDO, magsasagawa ng intervention

Magsasagawa ang CSWDO ng individual assessment sa bawat menor de edad upang matukoy ang angkop na intervention program at masuri ang mga pangyayaring nakapalibot sa insidente.
Bukod sa suspension, napagkasunduan din ang mga hakbang para sa proteksiyon ng biktima, rehabilitation at support services, pati legal at social welfare interventions para sa mga batang sangkot.

Nakipag-commit din ang mga barangay ng Pinget, Pinsao Proper at Pinsao Pilot na palakasin ang community-level interventions para sa proteksiyon ng mga bata.

Magkakaroon ng follow-up meetings upang bantayan ang pagpapatupad ng mga napagkasunduang hakbang at matiyak ang kaligtasan at kapakanan ng lahat ng batang sangkot.

Timeline ng Pinget incident

Naganap umano ang insidente bandang alas-3 ng hapon noong Agosto 26 sa labas ng Pinget National High School at kinasasangkutan ng Grade 9 at Grade 10 students.

Isang video ng umano’y pananakit ang kalaunang kumalat sa social media at nagdulot ng panawagan sa mga awtoridad at paaralan na aksyunan ang insidente.

Noong Agosto 28, naglabas ng pahayag ang Pinget National High School na kumokondena sa bullying, karahasan at pang-aabuso at nanawagan sa publiko na itigil ang pag-share ng video dahil menor de edad ang mga sangkot.

Sa parehong araw isinagawa ang multi-stakeholder meeting kung saan napagpasyahan ang limang araw na suspension at iba pang intervention.

Nanawagan din ang Baguio City Government at BCPO sa publiko na huwag nang ipakalat ang video at hayaan ang mga awtoridad at social workers na dumaan sa tamang proseso sa paghawak ng kaso.
Sinimulan na rin ng BCPO Cybercrime Unit ang mga hakbang para ipatanggal sa online platforms ang mga post at video na may kaugnayan sa mga menor de edad.

Patuloy na ina-assess ng mga kinauukulang ahensya ang kaso habang isinasaalang-alang ang proteksiyon, kapakanan at due process ng lahat ng menor de edad na sangkot.

31/08/2026

38-anyos sinuntok at sinaksak ang step-father; Suspek tumakas, tinugis, natimbog

SANTIAGO CITY, Isabela — Nauwi sa pananaksak ang pag-inom ng mag-amain sa Barangay District 2, Cauayan City, Isabela, matapos umanong magkaroon ng pagtatalo ang isang 56-anyos na lalaki at ang 38-anyos niyang stepson noong Agosto 30, 2026.

Ayon sa Cauayan Component City Police Station (Cauayan CCPS), magkasamang umiinom ng alak ang biktima at ang suspek sa kanilang tahanan nang mauwi umano sa pagtatalo ang kanilang pag-iinuman.

Batay sa paunang imbestigasyon, nagkaroon umano ng pagtatalo matapos pigilan ng suspek at ng kanyang ina ang biktima na puntahan ang isang taong nais nitong komprontahin.

Sa gitna ng pagtatalo, umano’y sinuntok ng suspek ang kanyang stepfather. Lalong uminit ang kanilang pagtatalo hanggang sa umano’y saksakin ng suspek ang biktima.

Agad dinala sa pagamutan ang 56-anyos para sa medical treatment.

Samantala, tumakas umano ang suspek matapos ang insidente ngunit agad itong tinugis ng mga awtoridad.

Sa isinagawang hot pursuit operation, natunton at naaresto ang 38-anyos na suspek at dinala sa Cauayan CCPS para sa dokumentasyon at kaukulang disposisyon.

Inihahanda ng pulisya ang posibleng pagsasampa ng kaukulang kaso laban sa suspek.

Isa pang away-kamag-anak nauwi sa pananaksak

Ang insidente ay kasunod ng isa pang karahasan na kinasangkutan ng magkakamag-anak sa Isabela noong Hulyo.

Sa isang insidente sa San Pablo, Isabela, isang lalaki ang nasawi at tatlo ang nasugatan matapos umanong pagsasaksakin ng isang ama at dalawa niyang anak ang kanilang mga kaanak sa isang lamay. Ayon sa mga awtoridad, nagsimula ang insidente matapos magkaroon ng reklamo tungkol sa ingay ng mga kamag-anak na umiinom sa burol.

Muling pinaaalalahanan ng mga awtoridad ang publiko na iwasan ang labis na pag-inom ng alak at agad na umiwas sa mga komprontasyong maaaring mauwi sa karahasan.

31/08/2026

𝐖𝐈𝐍𝐍𝐈𝐍𝐆 𝐍𝐔𝐌𝐁𝐄𝐑𝐒 𝐟𝐨𝐫 7:00 PM AUGUST 31, 𝟐𝟎𝟐6

40*39

Bet responsibly!
STL-Ganar El Juego Corporation
Palm Building,
Purok 4, Quirino, Luna, Apayao.

31/08/2026

Ngayong Araw ng mga Bayani, tara at maki-“JUST FOR LAUGHS!” 😂

Kung makikilala ka bilang isang bayani, ano ang gusto mong maalala ng mga tao tungkol sa’yo? 🤔

💬 I-comment ang inyong pinaka-witty, funny, at creative na sagot—at sabihin kung bakit!

At siyempre, huwag kalimutang makinig sa Station 1 Radio, 3:00–6:00 PM!

TAP TO START LISTENING- Listen to: http://listenonlineradio.com/ph/station-1-radio

31/08/2026

MGB: KASIBU MINING EXPLORATION DUMAAN SA PROSESO, KONSULTASYON MAY SERTIPIKASYON

TUGUEGARAO CITY, Cagayan — Dumaan umano sa mga itinakdang proseso at may kaukulang sertipikasyon ng isinagawang konsultasyon ang mining exploration activity ng North Luzon Mineral Resources Corp. (NLMRC) sa Kasibu, Nueva Vizcaya, ayon kay Mines and Geosciences Bureau (MGB) Region II Director Engr. Mario Ancheta.

Sa panayam ng Radyo Pilipinas Tuguegarao noong Agosto 30, 2026, nilinaw ni Ancheta ang panig ng MGB kaugnay ng nagpapatuloy na tensiyon sa pagitan ng mga residenteng tumututol sa mining exploration at ng mga grupong nagsasagawa ng aktibidad sa lugar.

Ayon kay Ancheta, hindi basta isinagawa ang exploration activity dahil dumaan umano ito sa mga prosesong kinakailangan bago mabigyan ng kaukulang pahintulot.

“Dumaan sa proseso ang pagsasagawa ng exploration activity,” ani Ancheta.
Binanggit din ng MGB official na may mga sertipikasyon kaugnay ng mga isinagawang konsultasyon sa mga komunidad na sakop ng proyekto.

Ang pahayag ni Ancheta ay kasunod ng sunod-sunod na komprontasyon sa mga anti-mining barricade sa Kasibu, kung saan ilang residente ang naaresto nitong mga nakaraang linggo.

Sa pinakahuling insidente, 11 anti-mining protesters ang iniulat na naaresto matapos ang standoff sa isang barricade na humaharang sa mga sasakyang patungo sa exploration at drilling site ng NLMRC.

Itinanggi naman ng Kasibu Police na kinakampihan nito ang mining company at iginiit na rumesponde lamang ang kanilang mga tauhan sa isang police assistance call at upang mapanatili ang peace and order.

Nauna rito, tatlong anti-mining protesters din ang naaresto noong Agosto 19 sa isang barricade sa Barangay Paquet kaugnay ng pagtutol sa pagdadala ng fuel at iba pang suplay patungo sa lugar ng exploration.

Patuloy namang iginigiit ng mga residenteng tutol sa proyekto ang kanilang mga pangamba sa posibleng epekto ng mining exploration sa kanilang lupa, kabuhayan at kapaligiran.

Samantala, sinabi ni Ancheta na bahagi ng mandato ng MGB ang tiyaking nasusunod ang mga batas, patakaran at regulasyon sa pagmimina.

Patuloy ang pag-uusap ng mga kinauukulang panig habang sinisikap ng mga lokal na opisyal na maiwasan ang panibagong komprontasyon sa lugar.

31/08/2026

ETO NA ANG Roll Back na pinakaantay.

Sa Diesel abot ng P3.83 per liter, Gasolina P0.32 sentimos.

31/08/2026

“NASAAAN ANG TRANSPARENCY?” Estudyante, Kinuwestiyon ang Pagpili ng Barangay Scholars sa kanilang komunidad

CAGAYAN — “Nasaan ang transparency?”
Ito ang tanong ng isang college student mula sa isang barangay sa Cagayan kaugnay ng pagpili ng mga benepisyaryo ng Bagong Pilipinas Barangay Presidential Scholars Program, matapos umano siyang hindi mabigyan ng impormasyon tungkol sa proseso ng aplikasyon para sa nasabing ayuda.

Bahagi ang programa ng Bawat Barangay Makikinabang Program (BBMP) sa ilalim ng Presidential Socio-Civic Projects Fund. Batay sa DILG Memorandum Circular No. 2026-038, tumatanggap ang bawat barangay ng ₱200,000, kung saan ₱100,000 ang inilaan para sa limang Bagong Pilipinas Barangay Scholars na tatanggap ng tig-₱20,000.

Ano ang pamantayan sa pagpili?
Ayon sa DILG guidelines, ang barangay ang responsable sa pagpili ng limang incoming fourth-year college students para sa School Year 2026–2027.
Dapat ay bona fide resident ng barangay ang mga benepisyaryo at kabilang sa mga pamilyang vulnerable o maaaring mapilitang huminto sa pag-aaral dahil sa problema sa pananalapi.

Binibigyan din ng prayoridad ang mga estudyanteng ang pamilya ay walang miyembrong nakatapos ng tertiary education.

Maaari ring magtakda ang barangay ng karagdagang eligibility criteria, ngunit ang mga ito ay kailangang maayos na dokumentado at ipatupad sa “just, fair, and transparent manner.”

Estudyante: Walang inanunsyong application
Lumapit ang estudyante sa GuruPress Cordillera noong Agosto 27 upang ihayag ang kanyang mga pangamba sa umano’y kakulangan ng transparency sa proseso. Hiniling niyang huwag ilabas ang kanyang pagkakakilanlan para sa kanyang proteksiyon.

Ayon sa kanya, walang pampublikong inanunsyong application process sa kanilang barangay kaya hindi nalaman ng ibang college students na maaari silang mag-apply o maisaalang-alang bilang benepisyaryo.

Kinuwestiyon din niya ang pagpili sa ilang benepisyaryo na umano’y may kaugnayan sa mga opisyal ng barangay.

“Similar po sa case sa isang munisipyo sa Cagayan, yung mga beneficiaries, mismong kamag-anak ng barangay officials po namin,” aniya.

Kinuwestiyon din ng estudyante kung pasok sa itinakdang qualifications ang mga napiling benepisyaryo, partikular ang pamantayan para sa mga estudyanteng nagmumula sa mga pamilyang may matinding problema sa pananalapi.

“Nakalagay po sa qualifications na dapat poorest of the poor pero in their case po sila lahat may kaya, hindi rin po mga first generation college students,” aniya.
Sinabi rin niyang hindi ipinaalam sa mga estudyante na bukas ang scholarship program para sa aplikasyon.

“Wala rin pong nangyaring application, sila-sila lang po ang nakaalam sa scholarship program, ni hindi nila sinabi sa amin na open na po ang application, sila-sila lang po ang nagselect na lang,” aniya.

Dahil dito, sinabi niyang maaaring hindi nabigyan ng pagkakataon ang ibang college students na magpahayag ng interes o maipakita ang kanilang kwalipikasyon.
“Hindi nga rin po nila pinaalam sa amin na meron po palang scholarship na ganyan para po sana ay nakapag-apply pa ang iba,” dagdag niya.

Aniya, mas mahalaga ang malinaw na impormasyon sa kanilang lugar dahil relatibong malayo ang kanilang barangay at hindi lahat ng residente ay may regular na access sa internet.

₱20,000 para sa scholars
Ang Bagong Pilipinas Barangay Presidential Scholars Program ay nagbibigay ng isang beses na ₱20,000 “finisher fund” para sa mga kwalipikadong college students upang makatulong sa kanilang mga gastusin sa pagtatapos ng pag-aaral.
Naniniwala ang estudyante na may iba pang college students sa kanilang barangay na maaaring higit na nangangailangan ng tulong pinansyal at dapat ding nabigyan ng pagkakataong mag-apply.

Para sa kanya, hindi lamang kung sino ang nakatanggap ng ayuda ang isyu kundi kung naging malinaw, patas at bukas sa mga kwalipikadong estudyante ang proseso ng pagpili.

Hiniling niya sa mga opisyal ng barangay na tiyaking patas ang pagpapatupad ng mga government assistance program at maayos na naipapaalam sa mga residente ang mga oportunidad na maaari nilang mapakinabangan.

“Sana po ay maging mas transparent kayo sa mga mamamayang inyong pinaglilingkuran. Iwasan din po sana ang ‘palakasan system.’ Tandaan niyo po na kayo ay mga opisyal ng barangay at hindi lamang ng inyong pamilya. Huwag niyo pong kalilimutan na tungkulin niyo po ang maglingkod nang patas at pantay sa lahat ng inyong nasasakupan,” aniya.

Barangay, hinihingan ng panig
Sinubukan ng GuruPress Cordillera na makuha ang panig ng Punong Barangay kaugnay ng proseso ng pagpili ng scholars at mga tanong na inihain ng estudyante. Gayunman, hindi pa nasasagot ang mensahe sa oras ng pagsulat.

Sinuri rin ng GuruPress Cordillera ang pages ng barangay na binanggit ng estudyante upang tingnan kung may inilabas na call for applications, impormasyon tungkol sa selection process o listahan ng mga napiling benepisyaryo. Wala namang nakita ang publication na naturang mga post.

Ang nakita lamang na kaugnay na page ay ang SK page, ngunit hindi rin umano updated ang mga post nito.

Hindi pa personal na nakapunta ang GuruPress Cordillera sa barangay upang masuri ang kanilang physical bulletin boards o iba pang posibleng lugar kung saan maaaring nai-post ang impormasyon. Dahil dito, hindi pa independiyenteng nabe-verify ng publication ang pahayag ng estudyante na walang public announcement o application process.

Upang maprotektahan ang source, hindi inilalabas ng GuruPress Cordillera ang pagkakakilanlan ng estudyante at iba pang detalye na maaaring makapagpakilala sa kanya.

Bukas ang publication sa anumang sagot, paglilinaw o paliwanag mula sa mga opisyal ng barangay kaugnay ng isyung ito.

31/08/2026

TAP TO START LISTENING- Listen to Lorraine and Grace on Afternoon Trip. Join the discussion from 1 PM to 3 PM. Or scan the QR code in the comment section.

RANDOM QUESTION:
- Pinaglaban ka na rin ba? Kung hindi pa drop your thoughts, pag-usapan natin yan. Kung pinaglaban mo siya pero ikaw hindi nya pinaglaban, gungunam.

HIGHLIGHT TOPICS:
- Weather update
- National Heroes' Day
-PSWDO-Kalinga invites Men, Women to enroll in 45-Day Basic Sewing Training

TUNE IN, JOIN US!

Listen to Station 1 Radio live online for free from Philippines. Stream 24/7 - no signup required. Play instantly on ListenOnlineRadio.com.

31/08/2026

13 ANTI-MINING PROTESTER, ARESTADO! Pulisya Itinanggi ang Pagkampi sa Mining Firm

KASIBU, Nueva Vizcaya — Arestado ang 13 residente na tumututol sa mining exploration matapos mauwi sa standoff ang pagtutol ng mga anti-mining protesters at pulisya sa isang community barricade sa Kasibu noong Agosto 28.
Ayon sa mga awtoridad, inaresto ang mga residente matapos tangkaing alisin ng pulisya ang human barricade na humaharang sa mga sasakyang patungo sa exploration site ng North Luzon Mineral Resources Corp. (NLMRC).

Iginiit ng mga residente na tutol sila sa mining exploration dahil sa pangamba sa posibleng epekto nito sa kanilang lupa, kabuhayan at pinagkukunan ng tubig.
Inakusahan din ng mga residente ang pulisya ng pagkiling sa mining company matapos makita ang mga pulis na kasama sa pagbabantay sa mga sasakyang nagdadala umano ng fuel patungo sa lugar.

Itinanggi naman ito ng Kasibu police, at sinabing rumesponde lamang ang kanilang mga tauhan sa isang 911 call at ginagampanan ang kanilang tungkulin upang mapanatili ang kaayusan at kaligtasan sa lugar.

Ayon kay Kasibu Police Chief Lt. Lloyd Guillermo, unang sinubukan ng mga pulis na kausapin ang mga nagba-barricade at ipaliwanag ang posibleng legal na epekto ng pagharang sa daan bago isinagawa ang mga pag-aresto.

Pinakahuling sagupaan sa mining dispute
Ang pagkakaaresto sa 13 residente ay pinakahuling insidente sa nagpapatuloy na alitan kaugnay ng mining exploration sa Nueva Vizcaya ngayong taon.

Noong Enero, nagsagawa ng human barricade ang mga anti-mining protesters sa Dupax del Norte upang pigilan ang pagpasok ng mining equipment sa isang exploration site. Umabot sa korte ang usapin matapos atasan ng Regional Trial Court ang ilang protesters na magpaliwanag kung bakit hindi sila dapat ma-cite for contempt dahil umano sa pagtutol sa pagpapatupad ng writ of preliminary injunction.

Noong Mayo, naglagay naman ng mga barricade ang ilang komunidad sa Kasibu upang pigilan ang pagdaan ng exploration equipment at iba pang suplay na konektado sa operasyon ng NLMRC.

Noong Agosto 5, lalo pang uminit ang sitwasyon matapos ma-deploy ang mga pulis at sundalo sa isang community barricade sa Barangay Paquet.

Noong Agosto 19, tatlong miyembro ng Kasibu Inter-Tribal Response for Ecological Development ang naaresto sa isang barricade matapos ang komprontasyon kaugnay ng pagdadala ng fuel na iniulat na gagamitin para sa mga equipment sa lugar. Nakapagpiyansa naman ang mga ito.

Ang pinakahuling pagkakaaresto noong Agosto 28 ay muling nagbigay-pansin sa matagal nang pagtutol ng ilang residente sa mining exploration sa lugar.
Negosasyon, isinasagawa

Nanawagan naman si Nueva Vizcaya Gov. Jose Gambito ng mga hakbang upang hindi na lumala ang sitwasyon.

Matapos ang negosasyon na dinaluhan ng mga protesters, lokal na opisyal, pulisya at kinatawan ng kumpanya, napagkasunduan umanong pansamantalang hindi papasukin sa exploration site ang mga tauhan, equipment at suplay ng NLMRC habang nagpapatuloy ang mga pag-uusap.

Nanindigan naman ang mga residenteng tutol sa proyekto na dapat mabigyan ng mas malaking papel ang mga komunidad sa mga aktibidad na maaaring makaapekto sa kanilang lupa, kabuhayan at kapaligiran.

Samantala, patuloy na iginiit ng pulisya na tungkulin nilang ipatupad ang batas at panatilihin ang peace and order, at itinanggi nilang kinakampihan nila ang mining company.

Patuloy ang negosasyon sa pagitan ng mga panig habang nananatiling mainit ang usapin tungkol sa mining exploration sa Kasibu.