Afar Voice

Afar Voice Afar Voice is an independent media that covers Horn of Africa affairs and connects it to the world.

Founded by dedicated volunteers, we invite you to contribute to our growth. We are seeking assistance in terms of financial support and team collaboration.

Israa-il xaagih raceena elle qaddoossennal Ameerikah Prezidanti Donald Trumpi A ayyaamitteh Israa-il Prezidantih yan Is...
12/07/2025

Israa-il xaagih raceena elle qaddoossennal Ameerikah Prezidanti Donald Trumpi A ayyaamitteh Israa-il Prezidantih yan Isaac Herzogit Telefoonuh angoorowuk Israa-il Cokmih buxa Israa-ilik Naharsí malaak Binjamiin Natanyaahol Xayyoosseh tan Umaadoobi waytok Qafuuta kaah aban innah baxaabaxsa le macalitte abak geytimam warsan.

Israa-il Prezidantih yan Isaac Herzog Ameerikah prezidanti Donald Trumpi Natanyaahoh Qafuuta wagsiisak Kaal xayyooseh yan Qafuutah Esseroora Cineh yanim qaddoosen.

Israa-il Prezidantih yan Isaac Herzog ameerikah xaagih raceenaanî luk abeh yan yaabal iyyeemih Ameerikah Prezidanti Donald Trumpî luk kaxxa qallaa kee kataysiinu linoomuh taagah anu kaxxaam kaa assakaxxeeh kay mabla kaaduk Assakaxxeh Takkay Ikkah Israa-il doolat Isí moddaqiino le baaxo kinniimih taagah Israa-il Nizaam( madqaa)inkih nassakaxxem faxximta axcuk yaabem warsan.

Israa-il Prezidantih yan Isaac Herzog Binjamiin Natanyaahoh Qafuuta wagsiisak Donald Trumpi kaal xayyooseh yan Qafuutah Essero cineh yanim qaddoosak Natanyaahok Xayyoowteh tanim Umaadoobi baatil kinnim yescesse.

Ameerikah Prezidanti Israa-ilik Naharsí malaakah Qafuuta Akah Takkeh taninnah Akah macalak geytimam Ameerikal tan Israa-il Qokoltah tan Exxaaxi Donald Trumil Qagaaqagisak xayyoossah tan Esseroorak ugut abak abah yan macalitte kinnim qaddoosen.

Israa-il Prezidantih yan Isaac Herzog Israa-ilik Naharsí malaak Binjamiin Natinyaahoh Qafuuta elle takkem duuddah tan gititte Kusaaqisak geytimam yescessen.

Qiisi ugaas kee Qiisak Kedoh abbobti Baxaabaxsa le Ammuntutteh migaaqal Soomaalilandih Gubat raqtah tan Zeylaq dariifa b...
12/07/2025

Qiisi ugaas kee Qiisak Kedoh abbobti Baxaabaxsa le Ammuntutteh migaaqal Soomaalilandih Gubat raqtah tan Zeylaq dariifa bukkosoonuh kaxxa macal akkuk geytimtam kee Qiisi Abam faxah yan Ganoo kee addah Umcuusut raddeh tan Soomaalilandih Doolat kee Soomaalilandik Zeylaq dariifal Geytimtah tan Kedooda Qiisi abak geytimah yan angagoyyittet adaf Takkuh Maqar taamoomi abak geytimta.
******
Awayî waktih Soomaalilandih Doolatih gubat Geytimtah tan Zeylaq Dariifa Qiisat raaqisoonuh baxaabaxsa le sababitte abak kaxxa giclo akkuk geytimtam warsan.

Zeylaq Dariifal Duma Qiisak Lafa leh namma kedo Axcih Mammaasan kee Forlaba Sitta elle waak sugteeh Mango udduur Qiisi Kedoodah fanal bood kee Kooxaw elle akkuk sugem takkay ikkah Asaaku Qiisak Djiboutil taniimiiy, itiyoopiyal taniiy, Soomaalilandik Zeylaqal tanim Kee Qiisak Baxaabaxsa le Diyasppora Maliyyah caagiida akah Kubxisak Zeylaq dsriifa Qiisi lowsiisih gubat tet Hoonuh kaxxa macalitte Akah akkuk geytimtam warsan.

Awayih udduur Zeylaq Qiisi Lowsiisit Hoonuh Qiisi addaa kee addal luk sugen Kookaxaw xabah cabba heenih Faxe baaxol yan Qiisi Inki mabla haysittaay Maaliyyak faxximtam arac hayya heenih Zeylaq Soomaalilandih Gubak Yayyaaqoonuh Kaxxa macal abak geytiman.

Qiisi Zeylaq Dariifa Soomaalilandik Mannal bukkusaamih Ikraaro daffeeseh geytimaah? inta ximmo wagtenno:

👉 Qiisi Zeylaq Soomaalilandik Bukkusuh "Ceer Qiisa" (Qiisak Qaadâ madqah ) migaaqal Qiisah ubukku intam inkih Gaba edde tassagalleh Tan kaxxa Waynabo Soomaalilandik Zeylaqal December alsak 14-2025 Yassakaxxoonuh Qiisi Uguus (Sultaan) Ugas Mustafa Macammad Ibraahim Miraacisah yan Qiisak Baxaabaxsa le Kedoodah abbobti Inktiinol kaxxa taama abak geytiman Qiisak addal tanim kee Irol tanim inkih Tama waynabo Meqe gurral takkuh Faxximma intah tan qokolitte abak geytimaanam warsan.

Tama Caagid Nagay maqar baahuh Djiboutî xinto addaak Kaxxa qokol abak geytimtam warsan.

Soomaalilandih doolat Qombol Ceer Qiisah(Qiisí madqah) Daffeyna Zeylaqal akke waytuh Zeylaqak Silen Rasih miroocti Baxaabaxsa le Sadí Maybalaalaqooqi Ayyaaquk temeetem Takkay immay Soomaalindih Doolatat Tekkeh tan xukkook(Ammuusiyyaak) gexxaamah Kimaal Soomaalilandih doolatak Maysaxxagâ malaak "Ceer Qiiseh" waynabo Zeylaqal takkem oggolte aysixxiguk maybalaalaqa yeyyeeqeh yanim warsan.

Takkay Ikkah Soomaalilandil Kaxxam Maqar le Tan Gadabursih exxak Ugaasah(Sultaanah) Yan num Kee Gadabursih Makaabon Yeyyeeqeh tan maybalaalaqal Zeylaqal Qiisi "Ceer Qiisa" (Qiisak makaabannâ madqah) waynabo Zeylaqal takkem Oggole waanam kee Qiisi Toh abek Gadabursih Kedoh xaylo Faxximta maaqatta beelem yiysixxigen.

Gadabursih Sultaan kee Makaabon Teyyeeqeh tan Maybalaalaqah Saduh Qiisi Sultaanaay, Makaabon kee Qiisi Tu taaxago kaxxam Assacakkuk geytimtam warsan.

Gersi Gambik Soomaalilandik Geytimtah tan Iscaaqh Kedo Kaaduk "Ceer Qiise" Soomaalindik Zeylaqal Yakkem kaxxaam Sadak geytimtam warsan.

Tonnaah Samaroon Exxa kaadu Qiisi December Alsak 14-2025 gexisam faxah yan "ceer Qiiseh" waynabo kaxxaam sadak geytimaanam warsan.

Yengele Qiisi Gersi baaxooxak Ceer Qiisah (Qiisak Makaabannâ madqah) waynaboh Zeylaq akah dooreenim Qiisi Zeylaqat leh yan Falmaa kee Lowsiis fayxi axcuk Soomaalilandik Baxaabaxsa le Kedoodah makaabon kaxxam sadak geytimta.

December alsak 14-2015 Zeylaq magaalal Tekkem faxxa waynaboh Taakume bicitte abak geytimaanam kee Zeylaqa Qiisaa kee Soomaalilandih Ummattah fanal bood ugtaamak Too dariifal kaxxa bohoy yanim warsan.

Kassiisih :Zeylaq Qafárah yaabuke Axcih Qali Qaarif burhaanak kaxxa abba Abu bakar Baashah Cukmih gubat sugteh tan baaxo kinnim kassinna.

Turkiyak Amnii kee Aytí buxah Caagiidah Akaxaami Teyyeeqeh tan Repportil (Gabbaaqul) Soomaaliyal Qarkakisa abtah tan may...
12/07/2025

Turkiyak Amnii kee Aytí buxah Caagiidah Akaxaami Teyyeeqeh tan Repportil (Gabbaaqul) Soomaaliyal Qarkakisa abtah tan maysattakookiiy, Siyaasâ sabhalaal sinnaa kee Irô baaxooxah gabâ culsaak gexxaamah Soomaaliyah doolat kaxxa qawwalaylaa kee Taqabi addat geytimtam qaddoosse.
********
Turkiyak Amnii kee Aytî buxa Kusaaqittee kee Oytitte elle qaddoossannal Turkiyaa kee Soomaaliyah fanal Yanin yan angaaraw kee Kataysiini Stiraateejî caddo fanah dadaleh yanim takkay immay tama angaaraw kee Kataysiinut 5 takke Qawwlaylaa kee adafitte boodak geytimtam warsan.
🔴 Al-Shabaab qarkakisah bohoyu: Al-Shabaab qarkakisa Soomaaliyak barri dariifay lowsiisseh geytimtal Qusba doolat xisak geytimtam kee Soomaaliyah doolat Irô qokolitte gee waytek isí dariifa Lowsiissaamih dudda Aalle waytam Yescessen.

🔴 Soomaalitak Federaal doolat kee Tet gubal geytimtah tan rakaakayitteh fanal tanim tan booditteek ugutak Soomaaliyak Siyaasâ caaloota kaxxa taqabih addat geytimtam qaddoosen.
🔴Soomaaliyal doolat xisoosa leh tan kaxxa boolaak gexxaamah Soomaaliyal kaxxa qawwalaylah addat geytimtam yescessen.
🔴 Soomaaliyal Qagaaqagitak ugutah yan Hawâ milaaguuk gexxaamah qabaar kee Qulul biyaakah yan baaxooxa kinnim tama oytitte tascasse.

🔴 Soomaaliyah doolat qasa badih dariifal leh tan Straateejiik gexxaamah Baadak mangoh tan baaxooxa akah anaakartah tan baaxoh kinnuuk Tohum Soomaaliyal kaxxa Qawwalayla kataasam xiqtam kinnim qaddoosen.

Turkiyah doolat Makdishok "Camp TURKSOM" diqsitah yan Qaskariyyoh fanteenal Soomaaliyak Taham fanah 15,000 daga takke Soomaaliyah qande Aydakaakanisseh tanim qaddoosen.

Turkiyah doolat Soomaaliyah 1 bilyeenik daga takke lakqo Soomaaliyah qokoluh Teceeh tanim yiysixxigen.

Getachew Redda xiseh yan Tigray Simret Parti teyyeeqeh tan maybalaalaqal Tigray Rakaakayal yanih yan taqabi calli geyuh ...
12/07/2025

Getachew Redda xiseh yan Tigray Simret Parti teyyeeqeh tan maybalaalaqal Tigray Rakaakayal yanih yan taqabi calli geyuh Curriinoo kee Qadliino le Dooro gexsaanam faxximtam Tiysixxige.
*******
Getachew Redda kee Cuwaacat baxsimteh tan butta xisseh tan Tigray Simret Parti Kimaal teyyeeqeh tan maybalaalaqal Tigray ummatta dudda leh yan miraaciinih waytoh kaxxa taqabih addat tanim qaddoosak Away Tigrayal yanih yan taqabik Calli Curriinoo kee qadliino le Dooro gexsaanam Faxximtam qaddoosse.

Tigray xaylo Isinnik isinnih walalak Tigray xaylok kulli exxaaxi Inkih gaba edde tassagalleh tan Tabsi doolat Xisaanam faxximtam kassiisen.

Cuwwaacat butta Pritooriyah sittin geyit Aaqatuk (finqisak ) geytimtah tan wadirraaq le duquurâ butta kinnim qaddoosak Tama butta Eretriyah doolatâ luk Kataysiinu (Qalla)ginak Tigray rakaakay Gersi taqabii kee carbit culussuh taamitak geytimtam Simret Parti tayyeeqeh tan maybalaalaqal qaddoosse.

Tigray Rakaakayal geytimtah tan Saay Caylitte edde anuk Barseenit kee Doolat taama abeenit xayyoosak geytimtah tan Esseroora gitah tan esseroora kinnim ascassuk Ken Esserooral Salaam kee madqâ gitaak gacsa keenih abaanam faxximtam Simret parti Tama maybalaalaqal tescesse.

Federaal doolat isle kabuk Baajeet kee rakiiboh tan Tellemmoh uwwayti hoortam hinnay Ginniimeh yan taqabih Salaam gitaak calli akah yaceen innah abaanam faxximtam kassiisen.

12/07/2025

Cara Maret(TPF) Qafar Rakakayak Kilbatti rasul abak geytinta taturitte maca celtaah?
TPF Mannah yan maraay?oson inkih Tigray rakakayal ugute siyaasa taqabi wagsiisak dule maranna? ken addat tigray rakakayal baatil baahe mari maay yaanih?Tama mari qafar addal ayyuntiinoy, diiniy,qaada kee qaafiyat caddol mannah yan taqabi bahtam duddah?

Afar Voice Miixiya Arab Reporters for Investigative Journalism (ARIJ) 17 heele Koboxut 3haytoh addah Tengele.*******Qaf...
12/06/2025

Afar Voice Miixiya Arab Reporters for Investigative Journalism (ARIJ) 17 heele Koboxut 3haytoh addah Tengele.
*******
Qafár Xongol (Afar Voice)miixiga Qimboh xiseh yan marat yan Gufta Ibraahim Qali ARIJ a sanat gexisak geytimtah tan Kobuxut angaluk geytima.

Gufta Ibraahim Qali Afar Voice Caddol Maqar leh tan Gabat angle abak geytimtah xaagi Qawaytu kinni.

Afar Voce miixiya Baxaabaxsa le baad miixiyaayik abak raag kee ixxigâ tabaatabsa abtuh Taamitak geytimtam kee baxsa luk Arab Reporters for Investigative Journalism (ARIJ) diqsittah tan miixiyah mirooctî luk qagaaqgitak walal gexisak ARIJ missoynâ luk elle cattiimak taamitta gittel mango udduur walal yekke.

Arab Reporters for Investigative Journalism (ARIJ) Diqsittah tan Miixiya A sanat 17 Heele addah gexisak geytimtah tan Koboxut Baadak mangoh tan miixiyah missoynaanii kee Jaamiqatittrh awlaytiit edde angaluk geytimta.

ARIJ Missoyna a sanat gexisseh tan Koboxuk Ammunti "waadoo kee Deber sinni Xaagi Qawaytiinu" iyya Ammuntal gexisak geytimaanam Timixxige.

Arab Reporters for Investigative Journalism (ARIJ) madabah Jurdaanak Inaytâ magaala Qammaanal geytimtah tan missoynay Miixiyah caddol kaxxa abak raag kee ixxiga le xaagi Qawaytiit le kinni.

Eretriyah doolat 18 sanatah casbit abbixuk sugte 13 takke maritte casbik rubteh tanim BBC xaagih raceena qaddoosse.****...
12/06/2025

Eretriyah doolat 18 sanatah casbit abbixuk sugte 13 takke maritte casbik rubteh tanim BBC xaagih raceena qaddoosse.
********
Eretriyah doolat Hebeltô cukmi (margaqa) sinnim 18 Sanat Qaskariyyoh fanteenal geytimah yan May Surwa diqsita Sumqat umaane leh yan casbit abbixuk sugteh tan 13 takke maritte rubteh tanim BBC Xaagih raceena Tiysixxige.

Eretriyak Qaskariyyoh Fanteenal geytimah yan casbit sugeh Num BBC xaagih raceenah elle qaddoosennal Eretriyah doolat sanat 2007 Eretriyah qandek addah amnih Saqalah sugeh yan Konereel Semoon Gebredenkelit Qidim gabbatu abteeni axcuk 30 daga takkeh tan maritte yibbixeenih sugeenim yescesse.

Tama casbik yeyyeeqeenih yanin marak Foocat Saykil qalaylil mayso beeh suge Zeray Gebrehiwotuuy, Kaxxa gaddalih suge Tesfaalem Mingusti ab kee 5 tskke Eretriyah Poliisik fayyo le caddoh saqolti edde tanim yescessen.

Eretriyah doolat tama mara casbik rubteemih oyta ayyaaqekkah tanim tescesse.

Galli maroh eglaa kee baadak Adam baxi cakkih missoynani Eretriyah doolat adam baxit Aaqatuk Casbi maral kaxxa digaalaal abak Adam baxi cakkik Irot tan maaqattooti beyak geytimtam qaddoosen.

Asmarâ magaalak 9 Kilometrih xexxaaxaral geytimah yan May Sarwah Casbih buxal Adam baxi cakkiik Iroh tan digaalooli elle gexsaanah yanin casbi kinnim kee
Tama casbih addal sanat 2012 Eretriyah doolatak Maaliyyah malaak Akkuk 11 sanat ayfaaf yeceh yan Birhaane Berhe Tama casbih addal rabeh warsan.

Eretriyah doolat 30 sanataak dagah Inki Parti leh tan doolatay Dastuur (madqa) sinni kinnim tamixxige.

Eretriyah addal sanat 2001 xabba haanam Currik tan Xaagi raceenaani Currik tan miixiyat taamitak sugteh tan 16 xaagi qawa casbit hayteek wadiril Eretriyal Curruk tan Xaagih raceenaani fakaanam waaso le qaddoosen.

Afrikah gaysal mango sanootah naqboytiitih Sugte Itiyoopiyaa kee Eretriya qagitaak qimbiseenih yanin qangor carbi fanah ...
12/06/2025

Afrikah gaysal mango sanootah naqboytiitih Sugte Itiyoopiyaa kee Eretriya qagitaak qimbiseenih yanin qangor carbi fanah beyaamak Eretriyah Shaqbi kaxxa bohoyut culeh yan Faransah xaagih raceena (Agence France-Presse) Qaddoosse.
*******
Eretriyak Inaytâ magaala Asmaral guubuh Taqeesheh tan ummatta Itiyoopiyaa kee Eretriyah fanal Qusba carbi ugtaamak kaxxa bohoy loonuh yaniinim qaddoosen.

Eretriyaa kee Itiyoopiya duma luk sugen naqabuk wagarak Itiyoopiyah Kee Tigray carbih udduur sittâ luk cattiimak Tigray carbi abeenih yaniinim takkay immay Pritooriyah Sittin geyiik lakal Itiyoopiyaa kee Eretriyah fanal sugeh yan angaaraw kee Qalli Salacak Sittin way fanah culeenih yaniinim kassinna.

Itiyoopiyah doolat Qasab Furda (marso) geytuh abtah tan macalitteek gexxaamah Eretriyah doolat Toh maqar luk Assacakkuk (sadak)geytimta.

Itiyoopiyak Irô caagiidah malaak Dr Gedyoon Timootiyoos Isle kabuk abeh yan yaabal iyyeemih Eretriya Itiyoopiyat abak geytimtah tan Muknoo kee carbi uguugusul Itiyoopiyah doolat Asbiruk geytimta axcuk yaabeh yanim kassinna.

Ereyriyaa kee Itoyoopiyal Fanal carbi ugutam takkay axcuk Eretriyah Qunxaaneyti leh yan bohoyuuk gexxaamah Suudaan kee Itiyoopiyah fanah gexak geytimaanam Tama xaagih raceena tescesse.

Eretriyah xinto Eretriyah Shaqbih baxaabaxsa le daffeynaani Seecak Itiyoopiyak Naharsí malaak Dr Abiyyi Acmad Carbi siinil fakam faxaamih taagah Xaylo gulguluh (bical)haysittaanam faxximta axcuk Ayyuntal kaxxa bohoy culusseh geytimtam warsan.

Faransah xaagih raceena (Agence France-Presse) Eretriyal tan caalootak wagsiisak Eretriyak maysaxxagâ malaak Yamaane Gebremeskel abtam faxxah tan angaaraw bice weem tiysixxige.

12/06/2025

Qali bayre ( daban dorrol gacse Raddi )

Itiyoopiyak Agaarad (mabbaloowiyyi) Komishiin Tigrayak baxaabaxsa le exxaaxii kee Tigrayal qande Agat caddol akkuk geyti...
12/05/2025

Itiyoopiyak Agaarad (mabbaloowiyyi) Komishiin Tigrayak baxaabaxsa le exxaaxii kee Tigrayal qande Agat caddol akkuk geytimah yan walalat yangaloonuh qagitaak Seeco xayyoose.
**
Itiyoopiyak Agaarad (Mabbaloowiyyi) Komishiin Tigray exxaaxii kee Tigray qande baaxô caddol gexsitak geytimtah tan mabbaloow kee agaaradittek raaqaanam baaxô caddol yakkeh yan walalal kaxxa adaf akkuk geytimam qaddoosen.

Itiyoopiyak agat mabbaloowiyyih (agaarad ) Komishiin December alsak 2/2025 addis ababah magaalak Diini abbobtii kee baxaabaxsa le ayyunti exxaaxih bicseenih yanin gudgudih aracal Itiyoopiyak mabbaloow (walal ) Komishiinik Saqalah yan Professor Mesfin Araya abeh yan yaabal iyyeemih Tigrayak baxaabaxsa le exxaaxii kee Tigray qande Baaxô caddol yakkeh yan Walalat yangaleenim kaxxaam muhimmik tanim kinnim ascassuk Walal gitaak tanih tan taqabitteh faxxiima calli geysiisoonuh kaxxa doori lem kassiisak Tama caagid wagsiisak Tigray rakaakayak elle sugâ xiinissot angaarawitte akkuk geytimtam qaddoose.

Itiyoopiyak Agaarad (Mabbaloowiyyi) Komishiin Tigray rakaakayih ummattâ luk walal gudguditte bicsoonuh caagid wagitah yan exxaaxi qokol keenih abtam faxximtam esseren.

Itiyoopiyak Agaarad (Mabbaloowiyyi) Komishiin Tatureh yan August Alsah Tigray rakaakayal walal gudguditte bicissuh Tigray rakaakayak elle sugâ xiinissô luk meqe caddo gufteh sugtem tiysixxigem Takkay immay Tigray rakaakayak tan Sadi partitte Toh dirabboosseh tanim timixxige.

Address

Columbus, OH

Telephone

+13177624276

Website

Alerts

Be the first to know and let us send you an email when Afar Voice posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Afar Voice:

Shortcuts

Share

Category