08/05/2026
Koomitte Sanootah Qafar Af Kee Qaada Qafar Shaqbih Afat wali Dan sinnim horaak Horal tabak temeete.
Tohum kaadu Qafar kusaq abeenit Kee Akaadamiyin Tama daaran dacrisoonuh abak yemeeten macalat axaw le gexso.
Qafar Addal Qilmi(science) angagoyyitte Elle ambagguk maacissekkel Akkadami fanteenay, Mexxat le kusaaqitte Elle xayyoysanah, Kusaq abeenitih Baad Caddol Kusaq Elle xayyoysan meqe dariifa ginaanama.
Tama mabalak ugutak Samara jaamiqat Qilmi kusaaqitte Kee fokkaaqitte Elle xayyoysan Majallat fakte.Tama Majallat kaadu Qilmi Majallatay, Umman marah kusaaqitte Elle xayyoysoonuh fakut tanim Kee Elle xayyoysonam duudanam kaadu Af Kee Qaada Qilmiy, Baxabaxsa le Afittey(linguistics) iy, Ayyuntiino Qilmiy,Anthropology, Arkiyologi Kee raqte Tamahat axaw le kusaaqitte Elle xayyowtuh faken Majallata.
Tama maaqatta Kaadu Qafar Addal Qilmi kusaaqitte qokloonuh kaxxam muhimmik tan maaqatta kinnim Kee Tonnah kaadu Qafar kusaaqitte Akaadamiyin fanat daabissaah, Tonnah kaadu Qafar Ayyuntak kinnane Qilmi gitittel tamaxxaguh Ityopiyak iro Kee addak inkih Kusaq abeenit edde tangaluh saami fakta Majallata.
Ta Majjalat Dubuk Qilmi kusaaqitte Elle ruboonuh muhimmik tanim dubuk hinnay, Tonnah kaadu Samara Jaamiqat Qafar ayyunta xayyossa Ayfaafat axaw le.Axcih Qilmi kusaaqitte Qafar ayyuntih fayxittet axayuk, Qafar ummattah Af Kee Qaaday binaadanti daaranak exxak teynah Yani dacrisaanama.
Tama Majallatih ukummo Kee hadafah, Mabla Kee sarrimane wagittamal Dr. Cuseen Idrisiy Tama majallak cigggila orbiseena (Editorial) ah Yanil xayikkek xayyowwak a majallat fakoonuh tekkeh tan macalittek darret tan exxaxi Kee majallat Kusaq abeenitih xayyossa saamitte kaak oytisnuh Dr. Cuseen Idris Siinih xayyosneeh ilaa Saaqat illacabo fanah nee kattattanam sin kassisna.
