Fr. Paul Lin Htut

07/30/2026

Cardinal Mass at Risen Christ Parish
🙏🙏🙏🙏🙏🙏🙏🙏🙏🙏🙏🙏

Seventeenth Sunday in Ordinary Time Catholic Mass celebrated by Car...

07/30/2026

ကျေးဇူးတင်ခြင်း အပိုင်း (၄)
🙏🙏🙏🙏🙏🙏🙏🙏🙏

စစ္စတရ်ကြီး လူစီယား၊ စစ္စတရ် ဆာရား၊ စစ္စတရ် ဂျွန်းမေရီ တို့အား ဂုဏ်ပြုကျေးဇူးတင်ခြင်း
🌺🌸🌺🌸🌺🌸🌺🌸🌺🌸🌺🌸🌺🌸🌺🌸

Jacksonville, Florida မှ အဝေးကြီးကို
တကူးတက ခရီးနှင်လာပြီး NCBAC ၏
၁၅ ကြိမ်မြောက် ညီလာခံအောင်မြင်စွာ
ကျင်းပနိုင်ရေးအတွက် မေတ္တာ၊ စေတနာ၊ အချိန်နှင့် အားထုတ်မှုတို့ကို အပြည့်အဝ ပေးဆပ်ခဲ့ကြသော
စစ္စတရ်ကြီး လူစီယား၊ စစ္စတရ် ဆာရား၊ စစ္စတရ် ဂျွန်းမေရီ တို့အား CMACC မိသားစုအားလုံးကိုယ်စား အထူးကျေးဇူးတင်ရှိပါသည်။

CMACC မိခင်များနှင့် လက်တွဲကာ
အလှပြင်ဆင်ပေးခြင်း၊
င်္သကန်း ဝတ်စားဆင်ယင်မှုများကို
ဂရုတစိုက် ကူညီပေးခြင်း၊
သန့်ရှင်းသော မစ္ဆားတော်များတွင် လိုလေသေးမရှိအောင် အစစအရာရာကို သေသပ်စွာ
စီစဉ်ပြင်ဆင်ပေးခြင်းတို့သည် မြင်ရသော
အလုပ်များထက် ပိုမိုတန်ဖိုးရှိသည့်
တိတ်တဆိတ် အမှုတော်ဆောင်ခြင်း ဖြစ်ပါသည်။

အထူးသဖြင့်
ကျွန်ုပ် Fr. Paul Lin Htut အတွက်
စစ္စတရ်တို့၏ ရက်ရောစွာ
တာဝန်ယူမှု၊ စနစ်ကျမှုနှင့် စေတနာများကြောင့် စိတ်
ချမ်းသာမှု၊ စိတ်အေးချမ်းမှုများစွာ ရရှိခဲ့ပါသည်။
ကျွန်ုပ် စိတ်ပူစရာများစွာကို
ကိုယ်စားထမ်းဆောင်ပေးခဲ့သည့်အတွက်
အထူးပင် ကျေးဇူးတင်ရှိပါသည်။
ရင်ထဲ အသဲထဲ အူထဲ ကလီစာထဲ ကနေ
ကျေးဇူးတင်လိုက်ပါတယ်။ 😘😘😘

ဘုရားသခင်သည် စစ္စတရ်တို့၏
မေတ္တာနှင့် အမှုတော်ဆောင်ခြင်းကို
အဆပေါင်းများစွာ ပြန်လည်ဆုချီးမြှင့်ပေးပါစေ။
ကျန်းမာခြင်း၊ ငြိမ်းချမ်းခြင်းနှင့် သာသနာအတွက် ဆက်လက်အကျိုးပြုနိုင်သော
ကျေးဇူးတော်များ အစဉ်အမြဲ ပြည့်စုံပါစေကြောင်း ဆုတောင်းမေတ္တာပို့သအပ်ပါသည်။

“လူတို့ရှေ့မှာ သင်တို့၏အလင်းသည် ထွန်းလင်းစေကြလော့။ ထိုအခါ သူတို့သည် သင်တို့၏ ကောင်းသောအကျင့်များကို မြင်၍ ကောင်းကင်ဘုံရှိ သင်တို့၏ အဖဘုရားကို ချီးမွမ်းကြလိမ့်မည်။” (မဿဲ ၅:၁၆)

ကောင်းတဲ့ ပုံလေးတွေ ရလာတဲ့ ခါ ပြန်လဲ ပေးမယ်။ ခုတော့ ရှိတဲ့ ပုံလေးနဲ့ ဘဲ ကျေးဇူးတင်လိုက်သည်။

Fr. Paul Lin Htut
July 30, 2026

07/30/2026

ကျေးဇူးတင်ခြင်း အပိုင်း (၃)
🙏🙏🙏🙏🙏🙏🙏🙏🙏

Denver Archdiocese မှ Archbishop James Golka နှင့် His Eminence Cardinal Charles Maung Bo၊
ညီနောင် ဘုန်းတော်ကြီးများအား လေးစားစွာ ကျေးဇူးတင်ရှိပါသည်။
🌺🌺🌺🌺🌺🌺🌺🌺🌺🌺🌺🌺🌺🌺🌺🌺

National Conference of Burmese-American Catholics (NCBAC) ၏ (၁၅) ကြိမ်မြောက် ညီလာခံကြီးတွင် အဖိုးတန်အချိန်များကို ဖဲ့ပေးကာ ကိုယ်တိုင်ကြွရောက်၍ မြန်မာကက်သလစ်မိသားစုနှင့်အတူ ဝတ်ပြုဆုတောင်းခြင်း၊ မြင့်မြတ်သော မစ္ဆားတရားတော်ကို ပူဇော်ပေးခြင်း၊ ဘုရားသခင်၏ နှုတ်ကပတ်တော်ကို ဝေမျှပေးခြင်း၊ ယုံကြည်ခြင်း၌ အားပေးလမ်းညွှန်ပေးခြင်းတို့အတွက် အထူးပင် ကျေးဇူးတင်ရှိပါသည်။

အထူးသဖြင့် His Eminence Cardinal Charles Maung Bo သည် အဝေးမှ ခရီးပင်ပန်းမှုများကြားကပင် မိမိတို့နှင့်အတူ ရှိနေကာ ဖခင်တစ်ဦးကဲ့သို့ မေတ္တာဖြင့် အားပေးစကားများ ပြောကြားပေးခဲ့ခြင်းသည် မြန်မာအမေရိကန် ကက်သလစ်အသိုင်းအဝိုင်းအတွက် မမေ့နိုင်သော ကောင်းချီးမင်္ဂလာတစ်ရပ် ဖြစ်ခဲ့ပါသည်။

ထို့အတူ Archbishop James Golka သည် မိမိ၏ တာဝန်များကြားမှ အချိန်ပေးကာ ပိတ်ပွဲ မစ္ဆားတရားတော်ကို ဦးဆောင်ပူဇော်ပေးပြီး၊ မြန်မာကက်သလစ်အသိုင်းအဝိုင်းအား မိသားစုတစ်စုကဲ့သို့ ကြိုဆိုလက်ခံကာ ချစ်ခြင်းမေတ္တာနှင့် စည်းလုံးညီညွတ်ခြင်း၏ သက်သေကို ပြသပေးခဲ့သည့်အတွက် အထူးကျေးဇူးတင်ရှိပါသည်။

ထို့ပြင် ညီလာခံအတွင်း ဝိညာဉ်ရေးအတွက် အစွမ်းကုန် အမှုတော်ထမ်းဆောင်ပေးကြသော ညီနောင် ဘုန်းတော်ကြီးများအားလုံး ကိုလည်း လေးလေးနက်နက် ကျေးဇူးတင်ရှိပါသည်။ သင်တို့၏ မစ္ဆားတရားပူဇော်ခြင်း၊ ဝန်ခံခြင်းစက္ကရမင်တူးပေးခြင်း၊ တရားဒေသနာဟောကြားခြင်းနှင့် ယုံကြည်သူများကို မေတ္တာဖြင့် လိုက်လံအားပေးခဲ့ကြခြင်းတို့သည် ဤညီလာခံ၏ ဝိညာဉ်ရေးအသက်သွေးကြော ဖြစ်ခဲ့ပါသည်။

“သင်တို့သည် လောက၏အလင်း ဖြစ်ကြ၏” (မဿဲ ၅:၁၄) ဟူသော ယခုနှစ် ညီလာခံ၏ ဆောင်ပုဒ်ကို သင်တို့၏ အသက်တာ၊ အမှုတော်နှင့် မေတ္တာဖြင့် လက်တွေ့ထင်ဟပ်ပြသပေးခဲ့ကြပါသည်။

ဘုရားရှင်သည် သင်တို့အား ကျန်းမာခြင်း၊ ဉာဏ်ပညာ၊ ငြိမ်သက်ခြင်းနှင့် အမှုတော်ဆောင်ရာ၌ လိုအပ်သော ကျေးဇူးတော်အပေါင်းတို့ကို အစဉ်အမြဲ သွန်းလောင်းပေးပါစေကြောင်း Denver CMACC မိသားစုအားလုံးကိုယ်စား တာဝန်ဝန်ခံဘုန်းတော်ကြီး ဖြစ်သည့် ကျွန်တော် Fr. Paul Lin Htut ဆုတောင်းမေတ္တာပို့သ ကာ ကျေးဇူးတင်အပ်ပါသည်။

Fr. Paul Lin Htut
July 30, 2026

07/29/2026

ကျေးဇူးတင်ခြင်း အပိုင်း (၂)
🙏🙏🙏🙏🙏🙏🙏🙏🙏

နောက်ကွယ်က သူရဲကောင်းများကို ဦးညွှတ်ဂုဏ်ပြုလျက်…
🌺🌺🌺🌺🌺🌺🌺🌺🌺🌺🌺🌺🌺🌺🌺🌺

စင်မြင့်ပေါ်မှာ လက်ခုပ်သံတွေ ကြားရတယ်။
အမှတ်တရဓာတ်ပုံတွေ ရိုက်ကြတယ်။
ပွဲတော်က အောင်မြင်တယ်လို့ လူတိုင်း ပြောကြတယ်။

ဒါပေမယ့်…

ဒီအောင်မြင်မှုရဲ့ နောက်ကွယ်မှာ နာမည်မဖော်ဘဲ၊
ဂုဏ်မယူဘဲ၊ တိတ်တဆိတ် အလုပ်လုပ်ခဲ့ကြတဲ့ စေတနာ့ဝန်ထမ်းတွေ ရှိနေပါတယ်။

Greeley မှ လာရောက်ကူညီခဲ့ကြသူများ၊
Denver မှ မိမိတို့ရဲ့ အချိန်တွေကို ပေးဆပ်ခဲ့ကြသူများ၊
Risen Christ Parish မှ မိသားစုလို တစ်ဖက်တစ်လမ်းက ဝိုင်းဝန်းပံ့ပိုးခဲ့ကြသူများ…

တချို့က မနက်မိုးမလင်းခင် ရောက်လာကြတယ်။
တချို့က လူတိုင်းပြန်သွားပြီးမှ အိမ်ပြန်ကြတယ်။
တချို့က ပင်ပန်းနေသော်လည်း “နောက်တစ်ခု ဘာကူရဦးမလဲ” လို့ပဲ မေးနေခဲ့ကြတယ်။

တစ်ယောက်ချင်းစီရဲ့ လက်တွေ ပင်ပန်းခဲ့ပေမယ့်…
နှလုံးသားတွေကတော့ မေတ္တာနဲ့ ပြည့်နေခဲ့ပါတယ်။

ဧည့်သည်တွေ အဆင်ပြေဖို့ ကိုယ်တိုင် အနားမယူခဲ့ကြ
အခြားသူတွေ ပျော်ရွှင်နိုင်ဖို့ ကိုယ်တိုင် ချွေးတွေကျခဲ့ကြ
လူအများရဲ့ အပြုံးတစ်ပွင့်အတွက် ကိုယ်တိုင် မမြင်ရတဲ့ နေရာကနေ အားထုတ်ပေးခဲ့ကြတယ်။

လူအများက စင်မြင့်ပေါ်က အလင်းကို မြင်ကြပေမယ့်၊ အဲဒီအလင်းကို ထွန်းညှိပေးခဲ့တဲ့ နောက်ကွယ်က လက်တွေကိုတော့ ဘုရားသခင်က အကောင်းဆုံး မြင်တော်မူပါတယ်။

NCBAC 2026 ၏ အောင်မြင်မှုသည် လူတစ်ဦးတစ်ယောက်၏ အောင်မြင်မှု မဟုတ်ပါ။
စေတနာ့ဝန်ထမ်း တစ်ဦးချင်းစီ၏ ချွေးစက်များ၊ အချိန်များ၊ မေတ္တာများနှင့် ဆုတောင်းများ ပေါင်းစည်းထားသော အောင်မြင်မှု ဖြစ်ပါသည်။

Greeley Volunteers အားလည်းကောင်း၊
Denver Volunteers အားလည်းကောင်း၊
Risen Christ Parish Volunteers အားလည်းကောင်း၊

နှလုံးသားအကြွင်းမဲ့ “ကျေးဇူးတင်ပါတယ်” ဟု ပြောလိုပါသည်။

သင်တို့ရဲ့ ကြိုးစားအားထုတ်မှုတွေကို လူတိုင်း မမြင်ခဲ့ရင်တောင် ဘုရားသခင်က မြင်တော်မူပါတယ်။
သင်တို့ရဲ့ မေတ္တာနဲ့ အမှုဆောင်ခြင်းကို လူတိုင်း မဖော်ပြနိုင်ခဲ့ရင်တောင် ဘုရားသခင်က မမေ့တော်မူပါဘူး။

ဘုရားသခင်သည် သင်တို့နှင့် သင်တို့၏ မိသားစုများအပေါ် အဆပေါင်းများစွာသော ကျေးဇူးတော်များ သွန်းလောင်းပေးတော်မူပါစေ။

Fr. Paul Lin Htut

07/29/2026

ကျေးဇူးတင်ခြင်း အပိုင်း (၁)
🙏🙏🙏🙏🙏🙏🙏🙏🙏
NCBAC ပွဲတော်အတွက် အိမ်ရှင် CMACC အား ကျေးဇူးတင်စကား
🌺🌺🌺🌺🌺🌺

ယခုနှစ် 2026, NCBAC ပွဲတော်ကို
အောင်မြင်စွာ ကျင်းပနိုင်ခဲ့ခြင်း၏
နောက်ကွယ်တွင် အစစအရာရာကို
တာဝန်ယူ ဆောင်ရွက်ပေးခဲ့သော
အိမ်ရှင် Colorado Myanmar American Catholic Community (CMACC) အား
အထူးလေးစားမှုနှင့် အထူးကျေးဇူးတင်ရှိမှုကို
ကျွန်တော် Fr. Paul Lin Htut မှ

မှတ်တမ်းတင်လိုပါသည်။

ပွဲတော်တစ်ခု အောင်မြင်စေရန်မှာ
စင်ပေါ်တွင် မြင်ရသော အရာများထက်
မမြင်ရသော အလုပ်များက ပိုများပါသည်။

လများစွာ ကြိုတင်ပြင်ဆင်ခြင်း၊
အစီအစဉ်ရေးဆွဲခြင်း၊
ဧည့်သည်များကို ကြိုဆိုခြင်း၊
အစားအသောက်၊ နေရာချထားမှု၊
သယ်ယူပို့ဆောင်ရေး၊ လုံခြုံရေး၊
သန့်ရှင်းရေး၊ ဘုရားဝတ်ပြုမှုဆိုင်ရာ
ပြင်ဆင်မှုများနှင့် စေတနာ့ဝန်ထမ်းများ၏
မရေမတွက်နိုင်သော အားထုတ်မှုများကြောင့်သာ
ဤပွဲတော်သည် အောင်မြင်စွာ ပြီးမြောက်နိုင်ခဲ့ခြင်းဖြစ်ပါသည်။

CMACC မှ ညီအစ်ကိုမောင်နှမများသည်
မိမိတို့၏ အချိန်၊ အားအင်၊
ပစ္စည်းဥစ္စာနှင့် မေတ္တာကို ရက်ရက်ရောရော
ပေးဆပ်ခဲ့ကြပါသည်။
မည်သည့်နေရာတွင် လိုအပ်သည်ဖြစ်စေ
တိတ်တဆိတ် ဝင်ရောက်ကူညီပေးခဲ့ကြပြီး၊
အခက်အခဲများကြားတွင်လည်း အပြုံးမပျက်၊
စိတ်ရှည်စွာဖြင့် ဧည့်ဝတ်ကျေပွန်စွာ
ဆောင်ရွက်ပေးခဲ့ကြပါသည်။

ဤပွဲတော်၏ အောင်မြင်မှုသည်
CMACC တစ်ဖွဲ့တည်း၏ ဂုဏ်မဟုတ်ဘဲ၊
မြန်မာအမေရိကန် ကက်သလစ်မိသားစုတစ်ရပ်လုံး၏ စည်းလုံးညီညွတ်မှု၊ ယုံကြည်ခြင်းနှင့် အချင်းချင်း ချစ်ခြင်းမေတ္တာတို့၏ အသီးအပွင့်ဖြစ်ပါသည်။

CMACC ဦးဆောင်သူများ၊
ကော်မတီဝင်များ၊
စေတနာ့ဝန်ထမ်းများ၊
အလှူရှင်များနှင့် ပါဝင်ကူညီခဲ့ကြသူ
အားလုံးကို နှလုံးသားအကြွင်းမဲ့
ကျေးဇူးတင်ရှိပါသည်။ 😘😘😘😘😘😘

ဘုရားသခင်သည် သင်တို့၏
စေတနာနှင့် ပင်ပန်းအားထုတ်မှုတိုင်းကို
သိမြင်တော်မူပြီး၊ အဆပေါင်းများစွာသော
ကျေးဇူးတော်များဖြင့် ပြန်လည်ဆုချတော်မူပါစေ။ CMACC အသိုင်းအဝိုင်းသည်လည်း ယုံကြည်ခြင်း၊ စည်းလုံးခြင်းနှင့် အမှုတော်ဆောင်ခြင်း၌ ပိုမိုကြီးထွား၍ အသင်းတော်နှင့် လူမှုအသိုင်းအဝိုင်းအတွက် အလင်းဖြစ်၊ ဆားဖြစ်လျက် ဆက်လက်တည်ရှိနိုင်ပါစေ။

ကျေးဇူးတင်ပါတယ် CMACC။
သင်တို့၏ အမှုဆောင်ခြင်းသည်
ပွဲတော်တစ်ခုကိုသာ အောင်မြင်စေခဲ့ချင်းမျိုးမဟုတ်ဘဲ၊
လူများစွာ၏ နှလုံးသားထဲတွင်
မမေ့နိုင်သော အမှတ်တရတစ်ခုကိုလည်း
ဖန်တီးပေးခဲ့ပါသည်။

Proud of you, CMACC!
Fr. Paul Lin Htut

07/29/2026

“တစ်ချိန်လူငယ်… ယခု လူကြီး”
😅😅😅😅😅😅😅😅😅😅

တစ်ချိန်က လူငယ်ဆိုတာ
အချိန်ပေါများတယ်လို့ ထင်ခဲ့ကြတယ်။
မနက်ဖြန်ဆိုတာ အမြဲရှိနေမယ်လို့
ယုံကြည်ခဲ့ကြတယ်။
သူငယ်ချင်းတွေနဲ့ ရယ်မောခဲ့တဲ့ နေ့တွေ၊
လမ်းခရီးတွေ အတူလျှောက်ခဲ့တဲ့ အချိန်တွေက
အဆုံးမရှိဘူးလို့ ထင်ခဲ့ကြတယ်။

ဒါပေမယ့်…
အချိန်က တဖြည်းဖြည်း
မေးခွန်းမမေးဘဲ ရှေ့ဆက်သွားတယ်။
လူငယ်ဘဝက မှတ်တိုင်တစ်ခုလို ကျန်ခဲ့ပြီး
ဒီနေ့ ပြန်ကြည့်တော့
ကိုယ်တိုင်က “လူကြီး” လို့ ခေါ်ရမယ့်
အရွယ်ကို ရောက်နေပြီ။

ပြန်ကြည့်တိုင်း နောင်တမရဖို့ဆိုတာ
အသက်ကြီးမှ မဟုတ်ဘူး။
လူငယ်ဘဝကတည်းက
မှန်ကန်တဲ့ ရွေးချယ်မှုတွေ လုပ်ဖို့၊
ချစ်သင့်သူကို ချစ်ဖို့၊
တန်ဖိုးရှိတဲ့ အချိန်ကို အကျိုးရှိအောင် အသုံးချဖို့ လိုတယ်။

အချိန်က ဘယ်တော့မှ နောက်ပြန်မလှည့်ပေမယ့်
အမှတ်တရတွေကတော့ အမြဲပြန်လာတတ်တယ်။
အဲဒီအချိန်မှာ…

“ငါ အသက်ရှင်ခဲ့တယ်…
ငါ ချစ်ခဲ့တယ်…
ငါ အကောင်းဆုံး ကြိုးစားခဲ့တယ်…”

လို့ ယုံကြည်စွာ ပြောနိုင်ရင်
အဲဒီဘဝဟာ နောင်တနည်းတဲ့ ဘဝဖြစ်နေပြီ။

Fr. Paul Lin Htut
July 29, 2026

07/28/2026

တစ်ချို့အရာတွေ က မမြင်ရပေမဲ့

🤍🤍🤍🤍🤍🤍🤍🤍🤍🤍

ဒီပုံထဲက လပုံမီးအိမ်ကို ကြည့်လိုက်ရင် စဉ်းစားစရာတစ်ခု ရှိတယ်။
အဲဒီလုံးဝန်းလေးက မထိန်းထားရင် ကျသွားမယ့်ပုံပဲ။ ဒါပေမယ့် တကယ်တော့ မျက်စိနဲ့ မမြင်ရတဲ့ သံလိုက်စွမ်းအား က ထိန်းထားတာ။

အဲဒီလိုပဲ…

⸻

တစ်ချို့အရာတွေ မမြင်ရပေမယ့် စွမ်းအားရှိတယ်။

လေကို မမြင်ရဘူး၊
ဒါပေမယ့် သစ်ပင်တွေကို
လှုပ်ရှားစေတယ်။

ဆွဲငင်အားကို မမြင်ရဘူး၊
ဒါပေမယ့် ကမ္ဘာကြီးကို
စည်းကမ်းတကျ လည်ပတ်စေတယ်။

သံလိုက်အားကို မမြင်ရဘူး၊
ဒါပေမယ့် ဒီလပုံလေးကို
လေထဲမှာ တည်ငြိမ်စွာ ရပ်တည်စေတယ်။

လူ့ဘဝမှာလည်း အဲဒီလိုပါပဲ။

မေတ္တာကို မမြင်ရဘူး၊
ဒါပေမယ့် ကွဲနေတဲ့နှလုံးသားကို
ပြန်ဆက်ပေးတယ်။

ယုံကြည်မှုကို မမြင်ရဘူး၊
ဒါပေမယ့် မဖြစ်နိုင်တာကို
ဖြစ်နိုင်စေတယ်။

မျှော်လင့်ခြင်းကို မမြင်ရဘူး၊
ဒါပေမယ့် အမှောင်ဆုံးညတွေကို
ကျော်ဖြတ်နိုင်စေတယ်။

အထူးသဖြင့် ဘုရားသခင်ရဲ့
ကျေးဇူးတော် ကို
မျက်စိနဲ့ မမြင်နိုင်ပေမယ့်၊
အဲဒီကျေးဇူးတော်က
ကျွန်ုပ်တို့ မပြိုလဲအောင်၊
လက်မလျှော့အောင်၊
မျှော်လင့်ချက် မပျောက်အောင် တိတ်တဆိတ် ထိန်းမထားပေးနေတယ်။

ဒါကြောင့်…
မျက်စိနဲ့ မြင်ရတာတိုင်းက
အမှန်တရား မဟုတ်သလို၊
မမြင်ရတာတိုင်းလည်း
မရှိတာ မဟုတ်ဘူး။

ဘဝကို အမှန်တကယ်
ပြောင်းလဲပေးတဲ့ အရာတွေက
မကြာခဏ မျက်စိနဲ့ မမြင်ရတဲ့
အရာတွေပဲ ဖြစ်တတ်ပါတယ်။

“မမြင်ရပေမယ့် စွမ်းအားရှိတဲ့
အရာတွေကို ယုံကြည်တတ်သူဟာ၊
မြင်ရတဲ့ အခက်အခဲတွေကို ကျော်ဖြတ်
နိုင်တဲ့သူ ဖြစ်လာတယ်။”

Fr. Paul Lin Htut

07/28/2026

ဖယောင်းတိုင်တစ်တိုင်က စတင်တဲ့ အလင်း
🕯️🕯️🕯️🕯️🕯️🕯️🕯️🕯️🕯️🕯️🕯️🕯️🕯️

အမှောင်ထုက ဘယ်လောက်ပဲ ထူထပ်နေပါစေ၊ ဖယောင်းတိုင်တစ်တိုင်ရဲ့
အလင်းကိုတော့ မဖုံးကွယ်နိုင်ပါဘူး။

အစမှာတော့ အလင်းဟာ
သေးငယ်လွန်းသလို ထင်ရတယ်။
ဒါပေမယ့် အဲဒီအလင်းက
နောက်ထပ် ဖယောင်းတိုင်တစ်တိုင်ကို
မီးကူးပေးလိုက်တဲ့အခါ
အလင်းက မလျော့သွားဘူး။
အပြန်အလှန် လက်ဆင့်ကမ်းရင်း
အလင်းက ပိုမိုများပြားလာတယ်။
ဖယောင်းတိုင်တစ်တိုင်စီ လင်းလာတိုင်း
အမှောင်က နေရာတစ်စိတ်တစ်ပိုင်းစီ
ဆုတ်ခွာရတယ်။

ကောင်းမှုလည်း ဒီလိုပါပဲ။
မေတ္တာတစ်ခွန်း၊ အပြုံးတစ်ပွင့်၊
အားပေးစကားတစ်ခွန်း၊
ခွင့်လွှတ်မှုတစ်ကြိမ်၊ ယုံကြည်ခြင်းတစ်စက်…
အဲဒီသေးငယ်တဲ့ အလင်းတွေက
လူတစ်ယောက်ရဲ့ နှလုံးသားကို
လင်းစေနိုင်တယ်။
အဲဒီနှလုံးသားက နောက်တစ်ယောက်ကို
ပြန်လင်းစေတယ်။

ခရစ်တော်က
“သင်တို့သည် လောက၏အလင်းဖြစ်ကြ၏” (မဿဲ ၅:၁၄) လို့ မိန့်တော်မူခဲ့တယ်။
ကိုယ်တိုင် နေမင်းကြီးဖြစ်ဖို့ မလိုပါဘူး။
ကိုယ်ရရှိထားတဲ့ ခရစ်တော်ရဲ့
အလင်းကို တခြားသူဆီ
မျှဝေပေးနိုင်ရင် လုံလောက်ပါတယ်။

အမှောင်ကို ကျိန်ဆဲနေမယ့်အစား
ဖယောင်းတိုင်တစ်တိုင်ကို ထွန်းလိုက်ပါ။
အလင်းတစ်စက်က
နောက်ထပ်အလင်းတစ်စက်ကို
မွေးဖွားပေးပြီး နောက်ဆုံးမှာ
အမှောင်ဟာ အလိုလို နောက်ဆုတ်သွားပါလိမ့်မယ်။

“အလင်းသည် မျှဝေလေ ပို၍ တောက်ပလေ ဖြစ်သည်။”

Fr. Paul Lin Htut
July 28, 2026

07/28/2026

“Don’t fight the Darkness. Just be the light.”
Fr. Paul Lin Htut
❤️‍🔥❤️‍🔥❤️‍🔥❤️‍🔥❤️‍🔥❤️‍🔥

07/27/2026