Raaza

04/29/2025

मेरो फेसबुक फ्रेण्डलिस्टमा भएका सबै त हैन धेरै जस्तो मान्छे । अझ नकिकै र आफ्नै जस्तो (लाग्थ्यो) मान्छेहरु देख्छु फलाना र ढिम्काना सो कल्ड कम्पिटिसन जिताउन मरिमेटेर पैसा उठाउन लागि परिरहेका छन । कोहि उ भन्दा म के कम भन्दै पैसा दिन कम्पिटिसन गरिरहेका छन । त्यो नि भात पानी छोडेर अभियान नै गरिरहेको देख्छु ।

यी तिनै आफ्नै जस्तो लाग्ने मान्छेहरु हुन । जो मेरो छोरा क्यान्सरले अन्तिम लडाई लडिरहदा (अन्तिम लडाई थिएछ) र म पुरै सकिएर निर्बस्त्र नाङ्गो भएर माग्दै दिल्ली र बैङलोरको गल्लिहरुमा भौतारिरहेको बेला मेरो म्यासेज सिन गर्नु पाप ठाने जस्तो मान्नेहरु र आफ्नो परिवार बच्चासङ्ग छुट्टि मनाउन ठिक्क पारेको पैसा ऋण/सापटि दिनसम्म नमान्नेहरु हुन । कोहि नयाँ बाइक किन्न रेडि भएर बसेकाहरु र केही नयाँ ब्याबसाय बढाउन ठिक्क परेकाहरु हुन । मलाई नि मेरो छोरासङ्ग घुम्न जाने रहर पक्कै थियो होला । र अझै केहिलाई लाग्छ होला कि हामिले दुख गरेर कमाएको पैसाले तेरो छोराको उपचार गरिदिन पर्नेथ्यो ? तिम्रो साना बच्चाहरुको जसरी यो धर्तिमा बाच्ने अधिकार र हक हो अरु प्रत्येक बच्चाले तेसरी नै बाच्न पाउनु पर्छ । मैले बाँच्न पाउनु पर्छ मात्र भनेको छु है ।

खैर पैसाकै कारणले भनेर मेरो छोराको उपचार त केही तपाईं जस्ता गुणि 😊मान्छेहरुको कारणले रोकिएन । तर बचाउन सकिन 😭। तपाइहरुको ऋणी छु । अनि म यो कारणले दुखि पनि छु कि मानिसहरुको प्राथमिक्ता पनि अनेक खन्नका हुन्छन ।

मान्छेको स्वार्थ र लोभ पनि बडो कुत्ती चिज रैछ ।

04/18/2025

सकेको सहयोग गर्नुहोस न है ।

04/01/2025

दादा दिदिहरु मुर्ख दिनमा १५ बर्षे मूर्ख जवानको सेवा ढोग छ है 😂😂

03/25/2025

के छ हौ एमाले काङ्ग्रेसका हनुमानहरू ? कुलमानलाई हटाएरै छोड्यौ हैन ? खुसी छौ होला नि अब टुकीमा बस्न पाइन्छ भनेर।

03/05/2025

मेरो प्यारो मिठ्ठी !
हामी तिमिलाई असाध्यै माया गर्छौ । असाध्यै सम्झिन्छौ । मैले जीवनमा बहुतै कठिन रातहरु बिताएको छु । तर गएको बर्षको आजकै रात जस्तो कठिन रात कहिले भएन । त्यो रात अहिले भर्खरै हो जस्तो अनुभूति हर क्षण भैरहन्छ । डाक्टरले बाबुलाई आजको रात गार्हो हुन्छ भने पछि तिम्रो ममम्म र म ICU मा तिमिसङ्गै बस्ने अनुमती पायौँ । हामी निकै हतास र दुखी थियौँ । हामी तिम्रो बेड नजिकै बसेर तिमिलाई मायाले सुमसुम्याउदै रोयौँ । ओहो ! तिमिले हामी रोएको थाहा पाए पछि इशाराले नरुनु भनेको झलझली याद आउछ । तिम्रो मुखबाट पाइप लगाएर तिमिलाई भेण्टिलेटरबाट अक्सिजन दिरहेको थियो । तिमी बोल्न सक्दैन थियौ । तेसरी तिमिलाई राखिएको करिब एक हप्ता भैसकेको थियो होला । ठिक सङ्ग याद छैन । मलाई कति र के जस्तो कुराको हेक्का हुन छोडिसकेको थियो । म निकै आत्तिएको थिए छोरा । भेण्टिलेटरमा राख्ने दिन डाक्टरसङ्ग एक खाले झगडा नै गर्न पर्यो । तेहि साँझ अन्तिम पटक तिमिसङ्ग दोहोरो कुरा भयो । मैले कैले यो सोचिन कि तिमिसङ्ग यो नै मेरो अन्तिम कुरा गराइ होला भनेर । कसो कसो डाक्टरसङ्ग झगडा गरेरै भए नि यो तलको भिडियो खिचेको रहेछु । मैले तिमिलाई हिम्मत राख्न भनेर आग्रह गरे । आपाले तिमिलाई माउन्टेनको आइसकृम खान आपाको काँधमा चढेर जाने तिम्रो इच्छा म पूरा गर्छु भने । अनि I LOVE YOU छोरा भन्दा " I LOVE YOU AAPA" भन्यौ । तिमी कति मिठ्ठी के । कति मिठ्ठी गरि तेस्तो गार्हो अवस्थामा पनि आपासङ गफ गरेको है छोरा ? तर कस्तो है आपासङ्ग आपाको काँध चढेर आइसकृम खान जाने तिमी नभएको एक बर्ष भैसकेछ ।

तिमी गए पछि ममम् र म एक्लै भयौ । थाहा छ मिठ्ठि म आजकल बेल्का दुई घण्टा माथी पाहाडको फेद सम्म हिडेर फर्किन्छु । जहाँ तिमी लठ्ठी टेक्दै आपाको काँध चढेर जाने कुरा गर्दथ्यौ । एक जना साथी भेटेको छु । सुरुका दिनहरु त्यो साथी मलाइ हेरेर हास्ने गर्दथ्यो । एक हप्ता देखि उ हात हल्लाएर मलाई हाई भन्छ । नमस्ते गुड मर्निङ्ग अङ्गल भन्छ । म मर्निङ्ग हैन इभिनिङ्ग भन्दा फिस्स हास्छ । उ तिम्रै उमेरको छ नि । आजकल अल्छि नगरी बेल्का तेहि बाटो हिड्न जान्छु । साथमा म चकलेट छुटाउन्न । चकलेट पाएर असाध्यै खुसी हुन्छ । तिमी बिरामी भए पछि चकलेट खान पाएनौ । म दुखी छु । तिमिलाई मन पर्ने खानेकुरा किन दिईन भनेर । मलाई थाहा हुदो हो त तिम्रो बाटो यति छोटो भनेर म तिमिलाई संसारको सबै भन्दा मीठो क्याण्डिहरु उपहार दिने थिए । तिमिलाई हिमालका फेदहरु पुर्याउने थिए । तिमिलाई त हिउँ आइसकृम जस्तो लाग्थ्यो है । साच्ची मिठ्ठी हिउँ त आइसकृम हैन भनेर थाहा पाउँदा तिम्रो कस्तो रियाक्सन हुन्थ्यो होला है ?
छोरा तिमी संसारको सबै भन्दा भाग्यमानी छोरा हौ । तिमि तिम्रो अन्तिम सास लिदा आफ्नो आमाको काखमा थियौ । ओहो ! तिमी कति भाग्यमानी है छोरा ! अभागी त तिम्रो ममम् र म मात्र हौ ।

तिमी कति धेरै बहादुर हौ । तिमी अन्तिम सास फेर्नु भन्दा अगाडि, भेण्टिलेटरमा अचेत हुनु अगाडी पनि हामिलाई नरुनु भनेर बिस्तारै हात उठाएर ममम्मको आँसु पुछ्ने कोसिस गरेको है । सयौँ तीखा सुईहरु सह्यौ । दर्जनौ पटक एनेसथेसियाबाट बेहोस बनाइयौ । फेरि पनि अन्तिम साससम्म पनि क्यान्सरसङ्ग लड्यौ । म भएको भए नलडी हार्ने थिए छोरा ।

तिम्रो ममम्म कैले कहि भन्नुहुन्छ - आपा हामी मर्यौ भने छोरा भेटिन्छ होला । मरौँ है । म के भन्नू छोरा तिम्रो ममम्मलाई ? म केही भन्दिन । म अलि धार्मीक वा आस्तिक भएको भए सायद मर्थ्यौ कि ? के हामी मरेर तिमिलाई भेट्न सकिन्छ र मिठ्ठी ? तर म भौतिकबादी छु ।

छोरा तिमिलाई थाहा छ ? तिमी अस्पतालको बेडमा हुँदा केही फटाहाहरुले तिम्रो नाममा पैसा उठाएर खाए । केहिले तिमी बिरामी हुनुको फाइदा उठाएर धर्म परिवर्त गर्न भने । केहिले भाकल गर्न भने । मैले के गरिन होला छोरा तिमी बचाउन । सबथोक गरे । मानिसहरुसङ्ग गिडगिडाएर तिम्रो जीवन बचाउन गुहार मागे । रोए पनि सबथोक गरे छोरा ।

मेरो जीवनमा पाएको र तिम्रो ममम्मले दिएको सबै भन्दा सुन्दर उपहार तिमि नै त हौ । तर यस्तो सुन्दर उपहारको अन्तिम बिदाइमा तिमिलाइ एक थुङ्गा फुल दिने हेक्कासम्म भएन मिठ्ठि । अर्काको देशमा वरिपरि यसो गर्न पर्छ भन्ने नि कोहि थिएन । ओहो नि ! बेहोसिमै तिमिलाइ बिदाई गरिएछ । म अहिले सम्झेर आफैलाइ गालामा थप्पड हान्छु ।

तिमिलाई लिएर त्रिभुवन अन्तरास्ट्रीय बिमानस्थलबाट दिल्ली उड्नु दुई घण्टा अगाडि तिम्रो आपा तुप्पा र ममम्म सङ्ग तुप्पाले काटेको प्लेनको टिकेट र बीस हजार भन्दा अरु केही थिएन । तेतिबेला तिम्रो आपाको साथिहरुले म छु नभनेको भए तेत्रो आँट पनि गर्न सक्दिन थिए होला । थाहा छ छोरा यो देशको भ्रष्ट नेताहरु ग्यास्ट्रीक हुदा पनि सरकारी बजेटमा बिदेश उपचार गर्न भनेर जान्छन ।

तिमिलाई माया गर्ने सबैलाई यहिबाट धन्यवाद भन्छु । एक एक नाम लिएर एक नाम छुट्ला है छोरा । जसले तिम्रो लागि प्रार्थना गरे । जसले तिमी उपचार गर्दा हस्पिटलको बिल तिरिदिए । जसले तिम्रो लागि आफ्नो अमुल्य समय र रगतदान गरिदिए । जसले हौसला दिएरहे । सबैलाइ एक मुष्ट धन्यवाद भन्छु ।

यदि इश्वर हुन्छ्न भने । दोश्रो जन्म हुन्छ् भने तिमी हाम्रो सन्तान भएर आउनु है छोरा !

तिमिलाई माया गर्ने । तिमिलाई काँधमा बोक्न रुचाउने तिम्रो आपा ! 😭

09/19/2024

Wow! कति मिठो गीत छ । तपाईं पनि सुन्नुस है ।

LYRICS: DEEPA RAI PUNSINGER: MELINA RAIMUSIC: SACHIN SINGHFeaturing: Sraaj Garach / Rakshya ThapaDirected by: Nikesh KhadkaProducer: Bimala RaiRecordist: Taj...

09/19/2024

नयाँ प्रजातिको कछुवा

08/03/2024

हामी जस्ता भुई मान्छेहरुको आशाको एउटा झिल्को Mahabir Pun दाईसङ्ग भेट्ने मौका जुर्यो । किन किन यी मान्छेको अगाडि श्रदाले शिर झुक्ने गर्छ । मलाई के सिकाइएको छ भने कोहि आफुभन्दा बडा मान्छे हात मिलाउन आउनु भयो भने तेहि बेला हातमा शिर झुकाएर ढोग्नु पर्छ । फेरि हात मिलाउन आउने सबैलाई म ढोग्दिन पनि त । फोटोमा देखिएको छैन तर मैले शिर झुकाएर हातमा ढोगेर आफ्नो श्रदा प्रकट गरेको छु । उम अनि मैले देवि देउता यता उता ढोग्न छोडेको छु है ।

06/03/2024

मिठ्ठि बिनाको यो तीन महिना 😭
Sanju Ale Rai

05/18/2024

मेरो छोरा अब रहेन भनेको - 'ठिक्क पर्यो' रे 😭

05/16/2024

यो ठिक एक साल अगाडिको आपा र मिठ्ठिको तस्वीर हो । सपना जस्तो लाग्छ । कि उ हामिमाझ छैन । Miss You मिठ्ठि 😭

05/08/2024

ICU मा हुदा पनि ह्वाँ यसरी चकलेट साथै लिएर बस्ने गर्नुहुन्थ्यो 😭
उसले चाहेको जस्तो जिन्दगी, चाहेको जस्तो खाना,चाहेको जस्तो खेल्न सम्म दिन सकिएन । यहि कुराले मलाई सबै भन्दा ज्यादा दुखी बनाउछ 😥