11/07/2025
ត្រូវរំឮកនូវសុគតោវាទនេះជារៀងរាល់ថ្ងៃ
អប្បមាទេន ភិក្ខវេ សម្បាទេថ
ទុល្លភោ ពុទ្ធុប្បាទោ លោកស្មឹ
ទុល្លភោ មនុស្សត្តបដិលាភោ
ទុល្លភា ខណសម្បត្តិ
ទុល្លភា បព្វជ្ជា
ទុល្លភំ សទ្ធម្មស្សវនំ
ទុល្លភោ សប្បុរិសសំសេវោ
ម្នាលភិក្ខុទាំងឡាយ អ្នកទាំងឡាយចូរញុំាងកិច្ចទាំងពួងឱ្យសម្រេច ដោយសេចក្តីមិនប្រមាទចុះ
កិរិយាត្រាស់ជាព្រះពុទ្ធ គឺសត្វទាំងឡាយបានដោយកម្រ ក្នុងលោក
ការបានអត្តភាពជាមនុស្ស គឺសត្វទាំងឡាយបានដោយកម្រ
កិរិយាដល់ព្រមដោយខណៈ គឺបានកើតជួបនឹងព្រះពុទ្ធ ឬនឹងព្រះពុទ្ធសាសនា គឺសត្វទាំងឡាយបានដោយកម្រ
ការបានបព្វជ្ជា (បួស) គឺសត្វទាំងឡាយបានដោយកម្រ
ការស្តាប់ធម៌របស់សប្បុរស គឺសត្វទាំងឡាយបានដោយកម្រ
កិរិយាសេពគប់ជនជាសប្បុរស គឺសត្វទាំងឡាយបានដោយកម្រ
