Dainik Lokratna

16/04/2023

*कोरोना काळामध्ये उत्कृष्ट काम करणाऱ्यांचा औरंगाबाद अपडेट्स आणि आप तक डिजिटल यांच्यातर्फे आयोजित सत्कार कार्यक्रमांमध्ये आपले मनोगत व्यक्त करताना जावेद खान*

20/03/2023

कुंटणखान्यावर छापा आठ जण अटकेत

"सहाय्यक पोलीस अधीक्षक महक स्वामी यांच्या कारवाई"

वैजापूर लोकरत्न प्रतिनिधी

वैजापूर शहरात छुप्या मार्गाने चालणा-या कुंटणखान्यावर सहाय्यक पोलीस अधीक्षक महक स्वामी यांच्या पथकाने सोमवारी दुपारी छापा मारला. या कारवाईत पाच महिलांसह तीन जणांना अटक करून त्यांच्या ताब्यातून एकूण 1,19,763/- रुपयांचा मुद्देमाल जप्त करण्यात आला.

या बाबत अधिक महिती अशी की, वैजापूर शहरात छुप्या पद्धतीने वेश्या व्यवसाय चालत असल्याची माहिती दि. 20 मार्च रोजी दुपारी चार वाजेच्या सुमारास सहाय्यक पोलिस अधीक्षक महक स्वामी यांना गोपनिय माहिती मिळाली की, वैजापुर येथे काही महिला वेश्या व्यवसाय करत आहेत. मिळालेल्या माहितीनुसार पोलिसांनी बनावट ग्राहकाच्या मदतीने चालू असलेल्या कुंटण खाण्यावर छापा मारला. त्यात पाच महिला वेश्याव्यवसाय करतांना मिळून आल्या. तर तीन पुरुष ग्राहक या कारवाईमध्ये ताब्यात घेण्यात आले आहेत. सदरिल कारवाई मध्ये 36,000/- रुपये किमतीचे 10 मोबाईल हँडसेट, 81,763 रुपये रोख रक्कम, 2000/- रुपये किमतीचे ईतर साहित्य असे एकूण 1,19,763/- रुपयांचा मुद्देमाल जप्त करण्यात आला आहे.

वैजापूर पोलीस ठाण्यात पिटा ॲक्ट 1956 या कायद्याच्या विविध कलमांतर्गत यांच्याविरुद्ध गुन्हा दाखल करण्यात आला आहे. सदर गुन्ह्याचा अधिक तपास वैजापूर पोलीस स्टेशनचे पोलीस निरीक्षक संजय लोहकरे हे करत आहेत.
सदरील कारवाई पोलीस अधीक्षक मनीष कलवानिया, अप्पर पोलीस अधीक्षक सुनिल लांजेवर यांच्या मार्गदर्शना खाली सहाय्यक पोलीस अधीक्षक महक स्वामी व पोलीस निरीक्षक संजय लोहकरे , पोउपनि श्रीराम काळे, पोलीस अंमलदार- मोईस बेग, ज्ञानेश्वर शिंदे, अजय गोलवाल, योगेश कदम, पो. ना. कुलदीप नरवडे, गोपाल जोनवाल, दिनेश गायकवाड, प्रशांत गिते, विजय भोटकर, पंकज गाभूड, गणेश पैठणकर, नवनाथ निकम महिला पोलीस अंमलदार वर्षा गादेकर आदीच्या पथकाने केली.

09/03/2023

20/02/2023

08/02/2023

जुगार अड्ड्यावर छापा; पोलिसांची १९ जणांवर कारवाई

वैजापूर लोकरत्न प्रतिनिधी

वैजापूर शहरातील पाटिल गल्ली येथे चालू असलेल्या अवैध जुगार अड्ड्यावर वैजापूर पोलीसांनी छापा टाकला. या छाप्यात १९ जणावर कारवाई करण्यात आली असून रोख रक्कमेसह एकूण १ लाख ३४ हजार ७९० रुपये किमतींचा मुद्देमाल पोलीसांनी जप्त केला.

याबाबत अधिक माहिती अशी की, वैजापूर पोलीस ठाण्याच्या हद्दीत संगणकावर ऑनलाईन चक्री/झन्ना मन्ना नावाचा जुगार सुरु असल्याची माहिती मिळाली मिळालेल्या माहितीनुसार सहाय्यक पोलीस अधीक्षक श्रीमती महक स्वामी यांच्या मार्गदर्शनाखाली वैजापुर पोलीस ठाण्याचे प्रभारी पोलीस निरीक्षक संजय लोहकरे, पोलीस उप निरीक्षक पवन राजपुत यांच्या पथकाने दिनांक ०६ फेब्रुवारी रोजी पाटिल गल्ली येथील सप्तश्रृंगी कृषी सेवा केंद्र या दुकानात जाऊन छापा मारला असता तेथे उमेश पदमसिंग राजपूत, व रामभाऊ घुले यांच्या सांगण्यावरुन शाहरुख रफीक शेख व बाबासाहेब कचरु पेटारे हे संगणकावर विना परवाना बेकायदेशीररित्या स्वतःच्या आर्थीक फायद्यासाठी ऑनलाईन चक्री/झन्ना मन्ना नावाचा खेळ खेळवितांना व दर्शन सतीश वाकळे, वय १९ वर्षे, रा. दत्तनगर वैजापुर, किरण सुनील थोरात, वय २५ वर्षे, रा. रोटेगाव, ता. वैजापुर, अक्षय भिमराज त्रिभुवन, वय ३० वर्षे, रा. इंगळे वस्ती, वैजापुर, सूर्यकांत भुजंगराव साळुंके, वय ५७ वर्षे, रा. पाटील गल्ली, वैजापुर, योगेश बाळासाहेब पठारे, वय २२ वर्षे, रा. बोरसर, ता. वैजापुर, अजय सुनील थोरात, वय १९ वर्षे, रा. रोटेगाव, ता. वैजापुर,, खालेद जमील शहा, वय २८ वर्षे, रा. हलदी गल्ली, वैजापुर, दिनेश कचरु गावडे, वय २२ वर्षे, रा. येवला रोड, वैजापुर, दिपक राजेंद्र थोरात, वय 24 वर्षे, रा. रोटेगाव, ता. वैजापुर, अरुण लक्ष्मण मोकळे, वय 24 वर्षे, रा. रोटेगाव, ता. वैजापुर, परवेज नसिरुद्दीन शेख, वय 30 वर्षे, रा. गवंडी गल्ली, वैजापुर, सचिन मुकीदराव चव्हाण, वय 27 वर्षे, रा. पाटील गल्ली, वैजापुर, सौरभ किरण चव्हाण, वय 21 वर्षे, रा. पाटील गल्ली, वैजापुर, रोशन कचरू थोरात, वय 22 वर्षे, रा. रोटेगाव, ता. वैजापुर असे ऑनलाईन चक्रो झन्ना मन्ना नावाचा खेळ खेळतांना मिळुन आले. तसेच बाबासाहेब वाणी यांनी चक्री झन्ना मन्ना नावाचा जुगार खेळ खेळण्यासाठी जागा उपलब्ध करुन दिली. या सर्वांच्या ताब्यातून रोख रक्कम ७७९०/- रुपये असे एकुण १,३४,७९०/- रुपये किमंतीचा मुद्देमाल ज्यात ११ मोबाईल हॅन्डसेट, संगणक असा ऐवज जप्त करण्यात आला.

सदरची कारवाई पोलीस अधीक्षक मनीष कालवनिया, अप्पर पोलीस अधीक्षक सुनिल लांजेवर, सहाय्यक पोलीस अधीक्षक महक स्वामी यांच्या मार्गदर्शनाखाली प्रभारी अधिकारी पो नि संजय लोहकरे, पो उप नि काळे, पो उप नि राजपूत, नायक पोलीस सिंगल, पो. का. पाडळे, पोका नरोडे,मापोका गाडेकर,चालक गणेश पठारे, चालक जगताप यांनी केली.अधिक तपास वैजापूर पोलीस करित आहे.

02/01/2023

तीर्थक्षेत्र सम्मेद शिखरला 'पर्यटनस्थळ' म्हणुन घोषित करणारा निर्णय मागे घ्या

खासदार इम्तियाज जलील यांची मागणी ; राष्ट्रपती द्रौपदी मुर्मु यांना लिहिले पत्र

औरंगाबाद लोकरत्न प्रतिनिधी

सम्मेद शिखरजी या जैन तीर्थक्षेत्राला पर्यटन स्थळ म्हणून घोषित करणारा निर्णय झारखंड सरकारने तत्काळ मागे घेण्याची मागणी औरंगाबाद जिल्ह्याचे खासदार इम्तियाज जलील यांनी देशाच्या राष्ट्रपती द्रौपदी मुर्मू यांच्याकडे केली आहे. झारखंड सरकारच्या निर्णयामुळे
जैन समाजाच्या भावना दुखावल्या असून त्यांच्या संविधानिक धार्मिक स्वातंत्र्यावर बंधन असल्याचे या पत्रक त्यांनी म्हटले आहे.

खासदार इम्तियाज जलील यानी राष्ट्रपती यांना लिहिलेल्या आपल्या पत्रात म्हटले की, सम्मेद शिखरजी हे तीर्थक्षेत्र जैन समाजासाठी अत्यंत पवित्र असून जगभरातील लाखो अनुयायी या ठिकाणाला खूप आस्थेने पूजतात. तसेच सर्वच जातीधर्मातील लोक या तीर्थक्षेत्राचा खूप आदर व सन्मान करतात व त्याची पूजा करतात. त्यामुळे झारखंड सरकारच्या या निर्णयामुळे जैन समुदायातील भाविकांसह सर्वांच्याच भावना दुखावल्या गेल्या आहेत.त्यामुळे राष्ट्रपती द्रौपदी मूर्मु यांनी तात्काळ हा निर्णय मागे घेण्याचे आदेश देण्यात यावे अशी मागणी त्यांनी या पत्रात केली आहे.

तसेच हा निर्णय जैन समुदायाच्या संविधानिक धार्मिक स्वातंत्र्यावरती बंधन आणणारा असून येथील पावित्र्य नष्ट करणारा आहे.या निर्णयामुळे येथे दारू व मांसाहारी पदार्थांच्या विक्रीचे खासगी दुकाने टाकली जाऊ शकतात. त्यामुळे येथील पावित्र्य संपवू शकते. असेही त्यांनी या पत्रात नमूद केले आहे.

तसेच, पक्षाचे अध्यक्ष खासदार असदुद्दीन ओवेसी यांनीही झारखंड सरकारच्या या निर्णयाचा विरोध करत जैन समाज या निर्णया विरोधात काढत असलेल्या निदर्शनांचे समर्थन केले आहे. आम्ही जैन समाजाच्या लोकांना पाठिंबा देतो, असे त्यांनी ट्विटर वरून लिहीले आहे. झारखंड सरकारने हा निर्णय रद्द करावा अशीही त्यांनी मागणी केली आहे.