Janta Reporter, Botad (2026)

06/08/2026

ત્રણ દીકરીઓ હોવા છતાં વૃદ્ધ પિતાની અંતિમવિધિમાં કોઈ ન પહોંચ્યું… આખરે સમસ્યા ક્યાં છે?

તાજેતરમાં હરિયાણાના સોનીપતમાંથી સામે આવેલી એક ઘટના સમગ્ર સમાજને વિચારતા કરી દે તેવી છે. પ્રાપ્ત માહિતી અનુસાર, 74 વર્ષીય કપડાના વેપારી શિવચરણ ગુપ્તા વૃદ્ધાશ્રમમાં રહેતા હતા અને તેમનું અવસાન થયું. સૌથી દુઃખદ બાબત એ જણાવવામાં આવી કે તેમની ત્રણ દીકરીઓ હોવા છતાં તેમની અંતિમવિધિમાં એક પણ દીકરી હાજર રહી નહોતી. વૃદ્ધાશ્રમના સંચાલકોએ જણાવ્યું કે તેમની તબિયત બગડવાની જાણ પરિવારને અગાઉથી કરવામાં આવી હતી, પરંતુ કોઈ મળવા આવ્યું નહીં. અંતે વૃદ્ધાશ્રમના લોકો જ તેમના પરિવાર બન્યા અને તમામ અંતિમવિધિની જવાબદારી તેમણે નિભાવી.

આ સમાચાર વાંચીને લગભગ દરેક વ્યક્તિના મનમાં એક જ પ્રશ્ન ઊભો થાય છે—શું ખરેખર આપણા સમાજમાં સંબંધો એટલા નબળા પડી ગયા છે કે જીવનભર સંતાનો માટે જીવેલા માતા-પિતા અંતિમ સમયે પણ એકલા રહી જાય?

માતા-પિતા જ્યારે સંતાનને જન્મ આપે છે ત્યારે તેઓ માત્ર એક બાળકને ઉછેરતા નથી, પરંતુ પોતાના અનેક સપનાઓ, આશાઓ અને ભવિષ્યને પણ તેની સાથે જોડી દે છે. બાળકના શિક્ષણથી લઈને લગ્ન સુધી, તેના દરેક સુખ માટે તેઓ પોતાના સુખનો ત્યાગ કરે છે. ઘણી વખત પોતાની જરૂરિયાતો અધૂરી રાખીને સંતાનની દરેક ઈચ્છા પૂરી કરવાનો પ્રયત્ન કરે છે. બદલામાં તેઓ કોઈ સંપત્તિ કે વૈભવ નથી માંગતા. તેઓ માત્ર એટલું જ ઇચ્છે છે કે વૃદ્ધાવસ્થામાં સંતાનોનો થોડો સમય, થોડો પ્રેમ અને થોડી લાગણી મળે.

આ ઘટનામાં જણાવ્યા મુજબ, અંતિમવિધિ માટે ઓનલાઈન પૈસા મોકલવાની વાત કરવામાં આવી હતી. પરંતુ એક સવાલ જરૂર થાય છે—શું પૈસા સંબંધોનું સ્થાન લઈ શકે? શું વિડિયો કોલ પર અંતિમ દર્શન કરવાથી વર્ષો સુધી માતા-પિતાએ આપેલા પ્રેમનું ઋણ ચૂકવી શકાય? કદાચ નહીં. જીવનમાં કેટલીક ક્ષણો એવી હોય છે જ્યાં હાજરીનું મહત્વ પૈસા કરતાં ઘણું વધારે હોય છે.

આજના સમયમાં લોકો રોજગાર, કારકિર્દી અને જીવનની દોડમાં એટલા વ્યસ્ત બની ગયા છે કે પરિવાર માટેનો સમય ઓછો થતો જાય છે. ઘણા સંતાનો વિદેશમાં અથવા અન્ય શહેરોમાં રહે છે, જે સ્વાભાવિક છે. પરંતુ અંતર માત્ર કિલોમીટરનું હોય છે, સંબંધોનું નહીં. જો મનમાં લાગણી હોય તો ફોન, મુલાકાત અને સતત સંપર્ક દ્વારા પણ સંબંધો જીવંત રહી શકે છે.

આ ઘટના આપણને એ પણ યાદ અપાવે છે કે વૃદ્ધાશ્રમોની સંખ્યા કેમ વધી રહી છે. એક સમય હતો જ્યારે સંયુક્ત પરિવારમાં દાદા-દાદી, માતા-પિતા અને સંતાનો સાથે રહેતા હતા. આજે એકલવાયા પરિવારો વધી રહ્યા છે. આધુનિક જીવનશૈલીમાં સુવિધાઓ વધી છે, પરંતુ સંબંધો માટેનો સમય ઘટ્યો છે. પરિણામે ઘણા વૃદ્ધો એકલતા અનુભવે છે.

પરંતુ અહીં એક મહત્વની વાત સમજવી જરૂરી છે. આ એક ઘટનાના આધારે એવો નિષ્કર્ષ કાઢવો યોગ્ય નથી કે દીકરીઓ માતા-પિતાની કાળજી રાખતી નથી અથવા માત્ર દીકરો જ વૃદ્ધાવસ્થાનો સહારો બની શકે. આપણા સમાજમાં એવી અસંખ્ય દીકરીઓ છે જેઓ પોતાના માતા-પિતાની વર્ષો સુધી નિષ્ઠાપૂર્વક સેવા કરે છે. ઘણી દીકરીઓ પોતાના માતા-પિતાને પોતાની સાથે રાખે છે, તેમની સારવાર કરાવે છે અને દરેક મુશ્કેલીમાં તેમની સાથે ઊભી રહે છે.

એ જ રીતે એવા ઘણા કિસ્સાઓ પણ સામે આવ્યા છે જ્યાં દીકરાઓએ પોતાના માતા-પિતાને વૃદ્ધાશ્રમમાં મૂકી દીધા હોય અથવા તેમની અવગણના કરી હોય. એટલે પ્રશ્ન દીકરો કે દીકરીનો નથી. પ્રશ્ન છે સંસ્કારનો, જવાબદારીનો અને માનવતાનો.

સંતાન ગમે તે હોય, માતા-પિતાની સેવા કરવાની નૈતિક જવાબદારી બંનેની સમાન છે. કાયદાકીય રીતે પણ ઘણા દેશોમાં સંતાનોને માતા-પિતાની સંભાળ રાખવાની જવાબદારી આપવામાં આવી છે. પરંતુ સંબંધો માત્ર કાયદાથી નહીં, લાગણીથી ચાલે છે.

આપણે ઘણીવાર સોશિયલ મીડિયા પર માતા-પિતાના સન્માન વિશે સુંદર પોસ્ટ શેર કરીએ છીએ, “માતા-પિતા ભગવાન સમાન છે” જેવા સંદેશ લખીએ છીએ. પરંતુ સાચો સન્માન પોસ્ટ શેર કરવામાં નહીં, પરંતુ તેઓ જીવતા હોય ત્યારે તેમની સાથે સમય વિતાવવામાં છે. દિવસમાં પાંચ મિનિટનો ફોન, અઠવાડિયામાં એક મુલાકાત અથવા તેમની તબિયત વિશે પૂછવું પણ તેમના માટે ખૂબ મોટો આધાર બની શકે છે.

આ ઘટના દરેક સંતાન માટે એક અરીસો છે. આપણે પોતાને પૂછવું જોઈએ કે છેલ્લે ક્યારે આપણે માતા-પિતા સાથે શાંતિથી બેઠા હતા? છેલ્લે ક્યારે તેમની વાત ધ્યાનથી સાંભળી હતી? છેલ્લે ક્યારે તેમને એવું અનુભવ કરાવ્યું હતું કે તેઓ આપણા માટે આજે પણ એટલા જ મહત્વના છે?

વૃદ્ધાવસ્થા એ જીવનનો એવો તબક્કો છે જ્યાં માણસને દવા કરતાં વધુ પોતાના લોકોના સાથની જરૂર પડે છે. એક પ્રેમભર્યો સ્પર્શ, એક હૂંફાળું વાક્ય અને પોતાના સંતાનોની હાજરી વૃદ્ધ વ્યક્તિ માટે સૌથી મોટી સંપત્તિ બની જાય છે.

આપણે આ ઘટનામાંથી કોઈ એક પરિવારને દોષી ઠેરવવાનો પ્રયાસ ન કરીએ. કારણ કે પરિવારની સંપૂર્ણ પરિસ્થિતિ આપણને જાણીતી નથી. પરંતુ એટલું ચોક્કસ કહી શકાય કે આવી ઘટનાઓ સમાજ માટે ચેતવણી સમાન છે. સંબંધો પૈસાથી નહીં, સમય અને લાગણીથી જીવંત રહે છે.

આજે જો આપણા માતા-પિતા આપણી સાથે છે, તો તેમને પ્રેમ આપો, તેમની સાથે વાત કરો અને શક્ય હોય તેટલો સમય તેમની સાથે વિતાવો. કારણ કે એક દિવસ એવો આવશે જ્યારે તેમની ખાલી ખુરશી, તેમનો બંધ પડેલો ફોન અથવા તેમની યાદો જ આપણી પાસે બચશે. તે દિવસે પસ્તાવો કરવાનો કોઈ અર્થ નહીં રહે.

યાદ રાખો—માતા-પિતા જીવતા હોય ત્યારે આપેલો પ્રેમ જ સાચી શ્રદ્ધાંજલિ છે. ફૂલ તો દરેક આપી દે છે, પરંતુ જીવતા માણસને સમય બહુ ઓછા લોકો આપે છે.

27/07/2026

નવા આંદોલનના ભણકારા: અનામત હટાવો આંદોલન પેજ ચર્ચામાં, થોડા કલાકોમાં ૨૨ લાખ લોકો જોડાયા..

CJPની અપાર સફળતા બાદ હવે Gen Z યુવાનો વચ્ચે 'Reservation Hatao Movement' ઇન્સ્ટાગ્રામ પેજ સોશિયલ મીડિયા પર ભારે ચર્ચામાં આવ્યું છે.
આ પેજે ખૂબ જ ઓછા સમયમાં ૨૦ લાખથી વધુ ફોલોઅર્સ મેળવીને એક નવું ડિજિટલ આંદોલન છેડી દીધું છે.
પ્રોફાઈલ પર ઉપલબ્ધ માહિતી મુજબ, આ પેજ 'Reservation Hatao Andolan (RHA)' સાથે જોડાયેલું છે અને તેના ૨૨ લાખ જેટલા ફોલોઅર્સ છે.

20/07/2026

માતા સાથે મળી દીકરીએ પિતાને મોત આપ્યું...પાટીદાર યુવકની હત્યા, સંબંધો પરથી વિશ્વાસ ઉઠાવી દેતો કિસ્સો

પત્નીએ બહેનના દીકરાને સોપારી આપી, પુત્રીએ પૈસા ટ્રાન્સફર કર્યા, વિજાપુરના પાટીદારની હત્યાનું રહસ્ય કેવી રીતે ઉકેલાયું?

તારીખ: 8 જુલાઈ, 2026
સમય: રાતના 8.25 આસપાસ
લોકેશન: આનંદપુરા ચાર રસ્તા, વિજાપુર

મહેસાણાના વિજાપુરના રામ મંદિર પાસે મેડીકલ સ્ટોર ચલાવતા આનંદપુરા ગામના વિનોદકુમાર મણિલાલ પટેલ (ઉ.વ. 53) એક્ટિવા (GJ-02-BF-9727) લઈને વિજાપુરથી આનંદપુરા તરફ જઈ રહ્યા હતા. આ દરમિયાન સાગર બંગલોઝ નજીક પાછળથી પૂરઝડપે આવતી બ્રેઝાના કારચાલકે ટક્કર મારી. રોડ પર પટકાવાને કારણે વિનોદકુમાર પટેલને માથાના પાછળના ભાગે ગંભીર ઇજા પહોંચી હતી. ઘટનાની જાણ થતાં પરિવારજનો સ્થળે દોડી આવ્યા અને એમ્બ્યુલન્સ મારફતે સ્થાનિક સિવિલ હોસ્પિટલ ખસેડવામાં આવ્યા હતા, જ્યાં તેમને મૃત જાહેર કર્યા. પોસ્ટમોર્ટમ બાદ મૃતદેહ પરિવારને સોંપવામાં આવ્યો હતો.

જો કે આ કોઈ સામાન્ય અકસ્માત નહીં પણ ઘરમાં જ આકાર લઈ રહેલા એક ષડ્યંત્રનો ભાગ હતો. મહિના પહેલાં આ કાવતરું ઘડાઈ ચૂક્યું હતું અને તેને અંજામ સુધી પહોંચાડવાનું બાકી હતું. વિનોદભાઈના મોતને કારણે ઘરમાં માતમ છવાયું હતું. પત્ની અને દીકરી મોકાણે આવનારની વચ્ચે બેસીને રડી રહી હતી. હકીકતમાં તો અંદરથી ખુશ હતી કારણ કે પતિ અને પિતાને મોતને ઘાટ ઉતારવા માટે બન્નેએ સાથે મળીને એક ખૌફનાક ખેલ ખેલ્યો હતો. આ સમયે તો કોઈને પણ ખબર નહોતી કે વિનોદભાઈની હત્યા કરનારી તેના ઘરની બે મહિલા સૌની વચ્ચે મગરના આંસુઓ સારી રહી છે.

આ ઘટનાથી ભલભલાને પિતા-પુત્રીના લાગણી ભર્યા સંબંધો પરથી વિશ્વાસ ઉઠી જશે એ વાત ચોક્કસ છે. જો કે પતિ-પત્નીના સંબંધો પરથી તો સોનમ રઘુવંશી કેસ સામે આવ્યો ત્યારથી જ ઉઠી ગયો છે. આ મર્ડર પ્લાન કરવામાં પત્ની રીટા પટેલ, પુત્રી શ્રદ્ધા પટેલની સાથે રીટા પટેલની બહેનનો દીકરો વિમલ પટેલ પણ સામેલ હતો.

મૃતક વિનોદભાઈના પરિવારમાં પત્ની રીટા, પુત્ર દિવ્ય અને પુત્રી શ્રદ્ધા છે. પુત્ર દિવ્ય પરણિત છે અને ઓસ્ટ્રેલિયામાં રહે છે. જ્યારે હત્યામાં સંડોવાયેલી દીકરી શ્રધ્ધાના લગ્ન ત્રણ વર્ષ અગાઉ મહેશ્વરપુરામાં કરવામાં આવ્યા હતા. વિનોદભાઈનું ઘર સુખી સંપન્ન હતું. તેમની પાસે 6 વિઘા જેટલી જમીન અને પોતાનો મેડીકલ સ્ટોર હતો.

આ અંગે ફરિયાદી સ્નેહલ પટેલે દિવ્ય ભાસ્કરને રજેરજની વિગત આપતા જણાવ્યું કે, રીટા બહેન 8 માસથી વાડીલાલ કંપનીમાં જોબ કરતા હતા. આ વાત વિનોદ ભાઈને બિલકુલ પસંદ નહોતી. વિનોદ ભાઈએ પત્ની રીટાને જોબ કરવાની અવારનવાર ના પણ પાડી હતી. તેમ છતાં રીટા બહેન પતિ વિનોદભાઈનું માનતા નહોતા અને જોબ ચાલુ રાખી હતી.

પત્નીનું અફેર હોવાની શંકા અને ઝઘડાઓ મોત સુધી લઈ ગયા
રીટા બહેન બે દિવસ જોબ પર જાય બાકીના દિવસ ના જાય ગમે ત્યારે જોબ પર જતાં અને ગમે ત્યારે ઘરે આવતા હતા. વિનોદભાઈને શંકા હતી કે જ્યાં રીટા બહેન જોબ કરે છે ત્યાં તેનું કોઈ સાથે અફેર છે. આ અફેરની શંકાના બીજ રોપાતા જ બન્ને વચ્ચે અવારનવાર ઝઘડાઓ થવા લાગ્યા. પરંતુ આ ઝઘડાઓ વિનોદભાઈને મોત સુધી લઈ જશે તેની કોઈએ કલ્પના પણ કરી નહોતી.

જ્યારથી રીટા બહેને નોકરી ચાલુ કરી ત્યારથી તેઓ ઘરને લોક મારી ને જતા રહેતા હતા. વિનોદભાઈ રાત્રે ઘરે આવે ત્યારે લોક જોઈ તેઓ ગામમાં આવેલા બીજા મકાને સુવા માટે જતા રહેતા હતા. ઘણીવાર તો વિનોદભાઈ રાત્રે પોતાના મેડિકલ સ્ટોરમાં જ સુઈ જતા હતા.

જ્યારે ગાંધીનગરમાં પતિ સાથે રહેતી વિનોદભાઈની દીકરી શ્રધ્ધા પટેલની ડિલિવરીનો સમય નજીક હતો ત્યારે માતા રીટા બહેન ગાંધીનગર ત્રણ મહિના માટે રહેવા ગયા હતા. એ દરમિયાન રીટા બહેન ઘરને લોક મારીને ગયા હતા. છેલ્લા ત્રણ મહિના વિનોદભાઈએ માંડ માંડ કાઢ્યા, કારણ કે ઘર લોક હતું અને જમવાના કે સુવાના કોઈ ઠેકાણા નહોતા.

વિનોદભાઈ મોતના આઠ દિવસ પહેલેથી ડરવા લાગ્યા હતા
આ પરિસ્થિતિ વચ્ચે વિનોદભાઈને 1 જુલાઈથી તો અચાનક જ ડર લાગવા લાગ્યો અને ડરી ડરીને રહેવા લાગ્યા. જો કે આ ડર અંગે તેમણે ઘરે તો કોઈને વાત કરી નહીં પણ ફ્રેન્ડ સર્કલમાં કહેતા કે મને બીક લાગી રહી છે. પરંતુ કોઈએ એમની વાતને ગંભીરતાથી લીધી નહીં. વિનોદભાઈનો સ્વભાવ એકદમ શાંત હતો અને પોલીસની ધમકીથી બહુ ડરતા પણ હતા. જ્યારે ઝઘડા થતા ત્યારે રીટા પટેલ વિનોદભાઈને પોલીસની ધમકી જ આપતા હતા એટલે વિનોદભાઈ પહેલાથી ડરી ડરી ને જ રહેતા હતા.

દીકરી સાથે ખૂબ સારું બોન્ડિગ, ઘરે વહેલા આવવા લાગ્યા
તો બીજી તરફ પુત્રી શ્રદ્ધા ડિલિવરી બાદ 15-20 દિવસ એની માસીના ઘરે રહી અને ત્યારબાદ આનંદપુરા માતાના ઘરે રહેવા આવી ગઈ. શ્રધ્ધા ઘટના બન્યાના 15 દિવસ પહેલા પિયરમાં રહેવા માટે આવી ગઈ હતી. જ્યારથી ઘરમાં દીકરી શ્રધ્ધા રહેવા આવી એ દિવસોમાં વિનોદ ભાઈ રાત્રે ટાઈમે જમવા માટે ઘરે આવી જતા હતા. શ્રધ્ધા અને પિતા વિનોદભાઈ વચ્ચે ખૂબ સારું બોન્ડિગ હતું. બંને વચ્ચે કોઈપણ પ્રકારનો ઝઘડો પણ નહોતો. જો કે આ સમયે માતા-પુત્રીના દિમાગમાં તેનો પ્લાન તો આગળ વધી જ રહ્યો હતો.

પત્નીએ બહેનના દીકરાને સોપારી આપી, પુત્રીએ પૈસા ટ્રાન્સફર કર્યા
હત્યાના એક અઠવાડિયા અગાઉ રીટા બહેન પતિ વિનોદભાઈને સારી રીતે રાખવા લાગ્યા હતા. રીટા બહેને પુત્રી સાથે મળીને પતિનો કાયમી કાંટો કાઢી નાંખવાના કામ માટે પૈસાની લાલચ આપી બહેનના દીકરા વિમલને તૈયાર કર્યો. આ હત્યા માટે રીટા અને શ્રદ્ધાએ વિમલને મે-જૂનમાં 50 હજાર રૂપિયા પણ આપી દીધા. આ રૂપિયા શ્રદ્ધાના ખાતામાંથી ઓનલાઈન ટ્રાન્સફર કર્યા હતા. આ 50 હજારની રકમ વિજાપુર પોલીસ સ્ટેશનમાં જ કોન્સ્ટેબલ તરીકે ફરજ બજાવતી રીટાના ભાઈની દીકરી દક્ષા એટલે કે ભત્રીજીના ખાતામાંથી શ્રદ્ધાના ખાતામાં આવ્યા હતા.

આરોપીઓએ 10 લાખનો વિમો પણ ઉતરાવ્યો
તેમજ તમામ જવાબદારી પોતાની માથે લેવાની ખાતરી આપી. વિનોદભાઈનું અકસ્માતમાં મોત થયું હોવાનું ખપાવીને તેમના મોત પાછળ અકસ્માત વીમાના રૂપિયા મળે તે માટે વિમલ પટેલ અને તેની માસી રીટા બહેને મૃતક વિનોદભાઈનો એક મહિના પૂર્વે 10 લાખ રૂપિયાનો વીમો ઉતરાવ્યો. જોકે ઘટના બાદ પરિવારને આ વીમા અંગે જાણ થઈ હતી.

દીકરી પિતાને ફોન કરી હત્યારાને લોકેશન આપતી રહી
આ કામ માટે તૈયાર થયા બાદ વિમલે 23 જુલાઈ આસપાસ રાજસ્થાનથી પોતાના રૂપિયા ખર્ચી બ્રેઝા ગાડી ભાડા ઉપર લાવ્યો હતો અને પોતે પકડાઈ ન જાય તે માટે તેની નંબર પ્લેટ કાઢી નાંખી. ત્યાર બાદ વિનોદભાઈની એક એક પળની રેકી કરવાનો આરંભ થઈ ગયો. વિનોદભાઈ વિજાપુર રામમંદિર પાસે મેડિકલ સ્ટોર ચલાવતા હોવાથી વિમલ ત્યાં રેકી કરતો હતો. જ્યારે પુત્રી શ્રદ્ધા પિતા વિનોદભાઈને ફોન કરીને તેનું લોકેશન જાણતી રહેતી હતી અને તે વિમલને સતત સ્થળ અંગેની આપતી હતી. હવે વિનોદભાઈની જિંદગીનો અંતિમ દિવસ નજીક આવી ગયો હતો.

મોત આપ્યા પહેલાં દીકરીએ કહ્યું ‘પપ્પા આજે વહેલા જમવા આવજો’
વિનોદભાઈના બહેન સૂર્યા બહેને ભાસ્કરને જણાવ્યું કે થોડા દિવસ અગાઉ પત્ની અને પુત્રીએ વિનોદભાઈ માટે મન્ચુરિયન અને પનીર પણ બનાવ્યું હતું. જે દિવસે અકસ્માત થયો એ દિવસે શ્રધ્ધા(પ્રિ-પ્લાન મુજબ)એ તેના પપ્પાને ફોન કરીને કહ્યું હતું કે પપ્પા આજે વહેલા જમવા આવજો.

‘આજે મને બહુ બીક લાગે છે, ગુંડા મારો પીછો કરી રહ્યા છે’
8 જુલાઈની સાંજે સાંજે વિનોદભાઈએ પોતાના મિત્ર રાજુભાઇને જાણ કરી હતી કે આજે મને બહુ બીક લાગે છે. કોઈ ગુંડા મારો પીછો કરી રહ્યા છે. આમ કહેતા રાજુભાઇ વિનોદભાઈને મેડીકલ સુધી મૂકી પણ ગયા હતા. ત્યાર બાદ વિનોદભાઈ પોતાના મેડીકલ સ્ટોરનું કામ પતાવી વિજાપુરથી પોતાના ગામ આનંદપુરા જવાની તૈયારી કરવા લાગ્યા હતા. આ સમયે ઘડિયાળ રાતના 8 વાગ્યાનો સમય બતાવી રહી હતી. વિનોદભાઈના મનમાં તો પુત્રીએ વહેલા જમવા આવવાની વાત જ ચાલતી હતી એટલે તેઓ ઘરે જવા નીકળી પડ્યા પણ તેમને ક્યાં ખબર હતી કે રસ્તામાં તેના સાઢુભાઈનો પુત્ર તેને મોત આપવાની તૈયારીઓ સાથે રાહ જોઈને ઉભો હતો.

વિનોદભાઈ એક્ટિવા લઈને નીકળ્યા સાથે જ અગાઉથી રાહ જોઈને ઉભેલા વિમલે નંબર પ્લેટ વિનાની બ્રેઝાથી પીછો શરૂ કર્યો. વિજાપુરથી 1 કિમી દૂર અને આનંદપુરા નજીક એટલે કે આનંદપુરા સર્કલથી થોડે આગળ જ વિનોદભાઈ નીકળ્યા ને 8.14 વાગ્યે વિમલે બ્રેઝાની ટક્કર મારી દીધી. આ સાથે જ વિનોદભાઈ નીચે પટકાયા અને કારનું ટાયર માથા પર ફરી વળતા ગંભીર ઈજા થઈ. ત્યાર બાદ વિમલ બ્રેઝા લાઈને સીધો ગાંધીનગર જવા નીકળી ગયો અને કારને ગેરેજમાં પાર્ક કરી દીધી.

ફરિયાદીએ જણાવ્યા મુજબ, અકસ્માત થયો એ દરમિયાન રીટા બહેન અને શ્રદ્ધા બંને ઘરે હાજર હતા. હું ઘરે બેઠા હતો એ દરમિયાન મને ફોન આવ્યો કે વિનોદ ભાઈનો અકસ્માત થયો છે. હું ઘટના સ્થળે ગયો અને તેની સાથે સાથે મેં મારી પત્નીને પણ આ અંગે જાણ કરી કે રીટા કાકીને કહેજે કે કાકાનો અકસ્માત થયો છે અને હોસ્પિટલમાં લઈ જાય છે. જ્યારે બાદમાં ઘરે મોતના સમાચાર આવ્યા ત્યારે રીટા બહેન અને શ્રદ્ધાએ રડવાનું પણ નાટક કર્યું હતું.

CCTVમાં નંબર વિનાની બ્રેઝ દેખાઈ ને ખેલ ખૂલ્યો
ત્યાર બાદ વિજાપુર પોલીસ સ્ટેશનમાં અકસ્માત અંગે ગુનો નોંધાયો. આ તપાસ દરમિયાન વિજાપુર પોલીસ સ્ટેશનના પોલીસ ઇન્સ્પેક્ટર આર.જે.ચૌહાણે તપાસનો દોર હાથમાં લીધો. તેમણે પોલીસની ટીમોને કામે લગાડી દીધી. આ ટીમોએ અલગ અલગ વિસ્તારના 15 થી 20 સીસીટીવી ફૂટેજ, ટેકનિકલ સેલ અને હ્યુમન સોર્સની મદદથી તપાસ શરૂ કરી. તપાસ દરમિયાન સીસીટીવીમાં એક સફેદ કલરની નંબર પ્લેટ વગરની શંકાસ્પદ બ્રેઝા ગાડી વિશે માહિતી મળી, આ કારે જ અકસ્માત કર્યો હોવાની વાત કન્ફર્મ કરી લીધી.

આરોપી સાથે કારમાં ગયેલા મિત્રોએ ગેમ ઓવર કરી નાંખી
બીજી તરફ પોલીસ સ્ટેશનમાં નાટ્યાત્મક રીતે એક સાક્ષી આવી ચઢ્યો. તેમણે PI આર.જે.ચૌહાણ સમક્ષ આખા કેસને પલટી નાંખે એવી વાત જણાવી. સાક્ષીએ ચોંકાવનારો ખુલાસો કર્યો કે, ગત તારીખ 8 જુલાઈ 2026ના રોજ આરોપી વિમલ પટેલ તેને અને તેના મિત્રને સીસીટીવી કેમેરા ફિટિંગ કરવાના બહાને પોતાની બ્રેઝા ગાડીમાં બેસાડીને લઈ ગયો હતો. સાઇટ પર જવાને બદલે તે ગાડી આનંદપુરા તરફ દોડાવી ગયો હતો. ત્યાં આનંદપુરા ચોકડીથી આગળ જતાં વિમલ પટેલે એક એક્ટિવા ચાલકને પાછળથી જોરદાર ટક્કર મારી દીધી અને વિરોધ કરવા છતાં ગાડી ઊભી રાખ્યા વિના ત્યાંથી નાસી છૂટ્યો હતો.

આ હકીકત સામે આવતા પોલીસે તાત્કાલિક કાર્યવાહી કરીને અસ્નાપુરા ગામના 24 વર્ષીય વિમલકુમાર રોહિતભાઈ પટેલને ઝડપી પાડી કડક પૂછપરછ હાથ ધરી. વિમલે પૂછપરછમાં કબૂલાત કરી હતી કે આ અકસ્માત નહોતો પરંતુ પૂર્વયોજિત હત્યાનું કાવતરું હતું. ત્યાર બાદ 17 જુલાઈના રોજ પોલીસે આખો કેસ ઉકેલી લીધો અને આરોપીઓની ધરપકડ કરી લીધી.

સમગ્ર ઘટનામાં પોલીસે હાલ તો રીટા પટેલ, શ્રધ્ધા પટેલ અને વિમલ પટેલને ઝડપી લઈને જેલ હવાલે કર્યા છે. આ કેસમાં મહત્વની બાબત એ પણ છે કે શ્રધ્ધા પોતાના 3 માસના બાળકને પણ જેલમાં સાથે લઈ ગઈ છે. આમ બાળક પણ હવે શ્રદ્ધા સાથે જેલમાં રહેશે.

(સોર્સ- દિવ્ય ભાસ્કર)

24/06/2026

વાહ જનતાના પૈસે કાજુ કતરી.. ૨૭ લાખ!

24/06/2026

તારક મહેતાના ઉલ્ટા ચશ્મા શોમાં બાઘાનું પાત્ર ભજવનાર અભિનેતા તન્મય વેકરિયાના પિતાનું નિધન..

16/04/2026

પોલીસના દુરુપયોગ બાબતના વિપક્ષના આક્ષેપો વચ્ચે હર્ષ સંઘવીએ કહ્યું..

10/04/2026

Raju Karapada BJP candidate Surendranagar district panchayat

સુરેન્દ્રનગર જિલ્લા પંચાયતમાંથી રાજુ કરપડા લડશે ચૂંટણી
સુરેન્દ્રનગર જિલ્લા પંચાયતથી રાજુ કરપડાને મળી ટિકિટ
ભાજપે રાજુ કરપડાને આપી ટિકિટ
મૂળી-2 બેઠક પરથી રાજૂ કરપડા લડશે ચૂંટણી
ગઈકાલે ભાજપમાં જોડાયા છે રાજૂ કરપડા
રાજુ કરપડા લડશે સ્થાનિક સ્વરાજની ચૂંટણી

Rajubhai Karpada

10/04/2026

મોદી સાહેબે કહ્યું ૨૦૪૭ સુધીમાં આપણે..

Janta Reporter

06/08/2026

27/07/2026

20/07/2026

24/06/2026

24/06/2026

16/04/2026

10/04/2026

10/04/2026

Address

Website

Alerts

Contact The Business

Shortcuts

Share

Category

Listing takedown request