23/05/2025
تاریخ اِجرا: 23 مئی ,2025 | 3:32
محکمہ موسمیات کے مطابق نم آلود ہوائیں ملک کے بالائی اور وسطی علاقوں میں مسلسل داخل ہو رہی ہیں۔ مغربی ہواؤں کا سلسلہ بھی 24 مئی سے ملک کے بالائی علاقوں میں داخل ہونے کا امکان ہے۔ جس کے باعث:
23 (شام/رات) سے 24 مئی کے دوران کشمیر، گلگت بلتستان، اسلام آباد، راولپنڈی، مری، گلیات، اٹک، چکوال، جہلم، میانوالی، حافظ آباد، منڈی بہاؤالدین، سیالکوٹ، نارووال، اوکاڑہ، لاہور، گوجرانوالہ، گجرات، شیخوپورہ، چترال، دیر، سوات، مالاکنڈ، مانسہرہ، بٹگرام، شانگلہ، کوہستان، ایبٹ آباد، ہری پور، پشاور، مردان، صوابی، نوشہرہ، مہمند، خیبر، اورکزئی، کرم، بنوں، لکی مروت، کوہاٹ، کرک اور وزیرستان میں آندھی/جھکڑ اور گرج چمک کے ساتھ بارش کا امکان ہے۔ اس دوران چند مقامات پر ژالہ باری کی بھی توقع ہے۔
24 مئی کے روز ژوب، زیارت، بارکھان، سرگودھا، فیصل آباد، جھنگ، ٹوبہ ٹیک سنگھ، ڈی جی خان، راجن پور، ملتان، بھکر، لیہ اور ڈی آئی خان میں بھی آندھی/جھکڑ اور گرج چمک کے ساتھ بارش کا امکان ہے۔
ممکنہ اثرات اور احتیاطی تدابیر:
ملک کے بالائی علاقوں میں جاری گرمی کی لہر میں کمی کا امکان۔
آندھی/جھکڑ/ژالہ باری/گرج چمک اور تیز/موسلادھار بارش کے باعث کمزور انفراسٹرکچر (بجلی کے کھمبے، درخت، گاڑیاں، سولر پینل وغیرہ) کو نقصان کا اندیشہ۔
کاشت کار حضرات اپنی فصلوں کے معاملات موسمی حالات کے مطابق ترتیب دیں۔
عوام الناس کو خراب موسم کے دوران احتیاطی تدابیر اختیار کرنے کا مشورہ دیا جاتا ہے۔
