15/07/2025
হাউলী আঞ্চলিক ছাত্ৰ সন্থা আৰু হাউলী উন্নয়ন পৰিষদৰ যৌথ উদ্যোগত হাউলী অঞ্চলৰ বিভিন্ন সমস্যা সমূহ সমাধানৰ অৰ্থে অনুষ্ঠিত হোৱা প্ৰতিনিধিত্ব মূলক সভাৰ প্ৰস্তাৱ সমূহ যোৱাকালি হাউলী পৌৰসভাৰ সভানেত্ৰী তথা কাৰ্যবাহী বিষয়ালৈ প্ৰেৰণ কৰা হয়।
যোৱা ৭ জুলাইত ৰাষ্ট্ৰপতি পুৰস্কাৰপ্ৰাপ্ত অৱসৰী প্ৰধান শিক্ষক শ্ৰীযুত নৃপেন্দ্ৰ পূজাৰীৰ সভাপতিত্বত অনুষ্ঠিত নাগৰিক সভাত সৰ্বসন্মতি ক্ৰমে গৃহিত প্ৰস্তাৱ সমূহ
১ নং প্ৰস্তাৱ : বিগত দুটা বছৰত বৃহত্তৰ হাউলী উন্নয়ণ পৰিষদ আৰু হাউলী আঞ্চলিক ছাত্ৰ সন্থাই হাউলী পৌৰ সভা এলেকাৰ বিভিন্ন সমস্যা সমাধানৰ বাবে আবেদন নিবেদন কৰাৰ উপৰিও যোৱা ফেব্ৰুৱাৰী মাহত পৌৰসভাৰ ডাম্পিং গ্ৰাউণ্ড স্থাপনৰ বাবে এক সমাধান সুত্ৰ উলিয়াবলৈ হাউলী পৌৰ সভাক এখন নাগৰিক সভা আহ্বান কৰাৰ বাবে আবেদন জনাইছিল যদিও আজিলৈকে পৌৰসভাই উন্নয়ন পৰিষদ আৰু ছাত্ৰ সন্থাৰ সেই আহ্বানক গুৰুত্ব নিদিয়া কাৰ্যত সভাই গভীৰ উদ্বেগ প্ৰকাশ কৰে ৷ বিষয়টোৰ নিস্পত্তি কৰিবলৈ জনোৱা অনুৰোধক হাউলী পৌৰ সভাই কোনো গুৰুত্ব নিদি হাউলীবাসী ৰাইজ আৰু বিভিন্ন কামত হাউলীলৈ অহা লোকক বৰ্তমানে এক পুতি গন্ধময় পৰিবেশলৈ ঠেলি দিয়া কাৰ্য্য্ত আজিৰ সভাই গভীৰ উদ্বেগ প্ৰকাশ কৰে আৰু বিষয়টোৰ দীৰ্ঘম্যা্দী সমাধানৰ বাবে ব্য ৱস্থা গ্ৰহণ কৰিবলৈ হাউলী পৌৰ সভাক দাবী জনায় ।
২ নং প্ৰস্তাৱ : অসম মন্ত্ৰী সভাৰ জেষ্ঠ্যব মন্ত্ৰী শ্ৰীযুত ৰণজিৎ কুমাৰ দাস ডাঙৰীয়াই যোৱা ২ জুলাই, ২০২৫ তাৰিখে হাউলী পৌৰ সভা এলেকাৰ জাৱৰ নিষ্কাষণ আৰু জাৱৰ পেলোৱা ঠাই সন্দৰ্ভত চৰ জমিন পৰ্য্যৱেক্ষণ কৰি হাউলী এলেকাৰ জাৱৰ নিষ্কাষণ আৰু জাৱৰ পেলোৱা ঠাই সন্দৰ্ভত বৃহত্তৰ হাউলী উন্নয়ণ পৰিষদ , মৈৰামাৰা নমাটি সত্ৰ সহ হাউলী এলেকাৰ বিভিন্ন সংগঠনৰ সৈতে হাউলী পৌৰ সভাৰ কাৰ্য্য্লয়ত আলোচনা কৰি বিষয়টো প্ৰশাসনে অনতিপলমে নিস্পত্তি কৰিব বুলি কৰা ঘোষণাৰ পৰিপ্ৰেক্ষিতত, আজিৰ সভাই জিলা প্ৰশাসন, স্থানীয় আৰু ৰাজ্যিশক পৌৰ প্ৰশাসনক অতি সোনকালে জাৱৰ নিষ্কাষণ আৰু জাৱৰ পেলোৱা ঠাই সম্পৰ্কীয় বিষয়টো নিস্পত্তি কৰিবলৈ আহ্বান জনায় । এই ক্ষেত্ৰত প্ৰশাসন আৰু ৰাইজৰ মাজত সমন্বয় ৰক্ষাৰ বাবে এখন সমন্বয়ৰক্ষী সমিতি গঠন কৰা হয় ৷
সমন্বয়ৰক্ষী সমিতি:
1. শ্ৰীযুত নৃপেন্দ্ৰ পূজাৰী
2. ড° ভগীৰথ নাথ
3. শ্ৰীযুত তৰুণ চন্দ্ৰ নাথ
4. শ্ৰীযুত লক্ষীকান্ত দাস
5. সভাপতি/ সাধাৰণ সম্পাদকদ্বয় (হাউলী ৰাস মহোৎসৱ উদ্যাপন সমিতি)
6. সভাপতি/ সাধাৰণ সম্পাদক (হাউলী আঞ্চলিক ছাত্ৰ সন্থা) (আহ্বায়ক)
7. সভাপতি/ সাধাৰণ সম্পাদক (বৃহত্তৰ হাউলী উন্নয়ন পৰিষদ) (আহ্বায়ক)
8. সভাপতি/ সাধাৰণ সম্পাদক (হাউলী কাৰবাৰী সন্থা)
9. সভাপতি/ সাধাৰণ সম্পাদকদ্বয় (সদৌ হাউলী ৰঙালী বিহু উদ্যাপন সমিতি)
10. সভাপতি/ সাধাৰণ সম্পাদক (মৈৰামাৰা নমাটি সত্ৰ পৰিচালনা সমিতি)
৩ নং প্ৰস্তাৱঃ আজিৰ সভাই পৌৰ সভাই নিৰ্মাণ কৰা ৰাজহুৱা পুখুৰীৰ পাৰৰ উদ্যানখনি আনুষ্ঠানিক ভাবে বৰেপটা জিলাৰ তদানীন্তন আয়ুক্তই মুকলি কৰে যদিও ব্যৱহাৰৰ বাবে উপযোগী নোহোৱাত গভীৰ উদ্বেগ প্ৰকাশ কৰে ৷ সভাই দুই কোটি টকা ব্যয় সাপেক্ষে নিৰ্মাণ কৰা এই উদ্যানখনিৰ সকলো অংশতে অতি নিম্নমানৰ কাম কৰা ঠিকাদাৰক কাৰ স্বাৰ্থত হাউলী পৌৰ সভাই ধন মোকলাই দিছে তাৰ এক তদন্ত কৰিবলৈ দাবী জনাই ৷ লগতে উদ্যানখনৰ ভিতৰত থকা অতি পুৰণি গছ সমূহ কটা কাৰ্যক সভাই গৰিহণা দিয়াৰ লগতে এই সম্পৰ্কত পৌৰ সভা আৰু বৰপেটা ৰোড বন সংমণ্ডল কাৰ্য্যালয়ক স্পষ্টিকৰণ দিয়াৰ দাবী জনায় ৷
৪ নং প্ৰস্তাৱঃ সভাই ইতিমধ্যে নিৰ্মাণ কৰি উদ্বোধন কৰা পৌৰ সভাৰ মাছ বজাৰ গৃহটোলৈ পুৰণি মাছ বজাৰ খন আজিলৈ স্থানান্তৰিত কৰিব নোৱাৰা কাৰ্য্যক পৌৰ সভাৰ চুড়ান্ত ব্যৰ্থতা বুলি অভিযোগ উত্থাপন কৰি অনতি পলমে পুৰণি মাছ বজাৰখন স্থানান্তৰিত কৰিবলৈ পৌৰসভাক দাবী জনাই প্ৰস্তাৱ গ্ৰহণ কৰে ৷
৫ নং প্ৰস্তাৱঃ আজিৰ এই গুৰুত্বপূৰ্ণ প্ৰতিনিধিত্ব মুলক সভাই পৌৰসভাৰ অপৰিপক্ক কাৰ্যকলাপৰ বাবে পৌৰ এলেকাৰ পদ-পথ সমূহ বিপৰ্য্যস্ত হৈ যধে-মধে জাবৰৰ দমৰ সৃষ্টি হোৱা কাৰ্য্যক তীব্ৰ গৰিহণা দি পথৰ কাষত জমা হোৱা আবৰ্জনা বোৰ নিস্কাষণ কৰি চহৰ খনক প্ৰদূষণ মুক্ত কৰি ৰাখিবলৈ পৌৰ সভাক দাবী জনায় ৷ সভাই লগতে পথ আৰু পদপথ সমূহৰ ওপৰত অবৈধ ভাৱে গঢ়ি উঠা দোকান সমূহৰ বাবে চহৰখনত সৃষ্টি হোৱা তীব্ৰ যান-জটৰ সমস্যাটো শীঘ্ৰে স্থায়ী সমাধান কৰিবলৈ পৌৰ সভাক দাবী জনাই প্ৰস্তাৱ গ্ৰহণ কৰে ৷
৬ নং প্ৰস্তাৱঃ এইখন পৌৰসভাই কাৰ্য্যভাৰ গ্ৰহণ কৰাৰ পিছৰ পৰাই কেবাখনো নাগৰিক সভাৰ জৰিয়তে পৌৰ এলেকাৰ ভিতৰৰ মৰামানাহ নদীৰ ওপৰত হোৱা বেদখলৰ বাবে সমগ্ৰ চহৰখনত সৃষ্টি হোৱা কৃত্ৰিম বানপানীৰ সমস্যাটো সমাধান কৰাৰ বাবে নদীৰ ওপৰত হোৱা বেদখল উচ্ছেদ আৰু মৰামানাহ খনন কৰিবলৈ পৌৰ সভাক দাবী জনোৱা হৈছিল, কিন্তু আজিলৈ পৌৰ সভাই বিষয়টো সন্দৰ্ভত কোনো ব্যৱস্থা গ্ৰহণ নকৰাত সভাই উদ্বেগ প্ৰকাশ কৰি নদী খনত হোৱা বেদখল উচ্ছেদ আৰু মৰামানাহ খননৰ বাবে পুনৰবাৰ পৌৰসভাক দাবী জনায়৷
৭ নং প্ৰস্তাৱঃ আজিৰ সভাই যানজঁটৰ সমস্যাটো গুৰুত্ব সহকাৰে লৈ আলোচনা কৰে আৰু ভৱিষ্যতে হ’ব পৰা যিকোনো দুৰ্ঘটনা প্ৰতিৰোধৰ বাবে যাত্ৰীবাহী বাছ সমূহে হাউলী চাৰিআলিত সৃষ্টি কৰা যানজঁট আৰু ই-ৰিক্সা সমূহে নগৰ খনৰ বজাৰ এলেকাত সৃষ্টি কৰা যানজটৰ সমস্যা বিজ্ঞানসন্মত ভাৱে সমাধান কৰিবলৈ দাবী জনাই প্ৰস্তাৱ গ্ৰহণ কৰে ৷
৮ নং প্ৰস্তাৱঃ কেন্দ্ৰ আৰু ৰাজ্যত দুখন কল্যাণকামী চৰকাৰ থকা স্বত্বেও হাউলী নগৰৰ বৰ্তমানৰ পয়ালগা অৱস্থাটোৱে হাউলী পৌৰ সভা আৰু কাৰ্য্যবাহী বিষয়াৰ ব্যৰ্থতা, অকৰ্মণ্যতাক আৰু অযোগ্যতাক প্ৰতিফলিত কৰিছে আৰু সেয়েহে আজিৰ সভাত গৃহিত প্ৰস্তাৱ সমূহত উল্লেখিত সমস্যা সমূহ অহা তিনি মাহৰ ভিতৰত পৌৰসভাই সমাধানৰ বাবে কাৰ্যকৰি ব্যৱস্থা ন’ললে পৌৰ সভাৰ বিৰুদ্ধে গণতান্ত্ৰিক আন্দোলনৰ আহ্বান জনোৱাৰ লগতে পৌৰসভাই বিগত সময়ছোৱাত ব্যয়কৰা ৰাইজৰ পৰা সংগ্ৰহ কৰা কৰৰ ধন আৰু চৰকাৰী আচঁনিৰ ধনৰ হিচাপৰ লগতে পৌৰ সভাই কৰা সকলো কামৰ ৰাজহুৱা ভাৱে হিচাপ দিয়াৰ দাবী জনোৱা হ’ব ৷ সভাই আজিৰ সভাত গৃহিত প্ৰস্তাৱ সমূহ অসমৰ মাননীয় মুখ্যমন্ত্ৰী; বৰপেটা জিলা আয়ুক্ত; সভাপতি, বি.জে.পি বৰপেটা জিলা সমিতি; সভাপতি, অসম গণ পৰিষদ বৰপেটা জিলা সমিতি; সভাপতি, বি.জে.পি হাউলী মণ্ডল; সভাপতি, অসম গণ পৰিষদ হাউলী নগৰ সমিতিলৈ প্ৰেৰণ কৰাৰ প্ৰস্তাৱ গ্ৰহণ কৰে ৷
৯ নং প্ৰস্তাৱঃ আজিৰ সভাৰ প্ৰস্তাৱ সমূহ সংশ্লিষ্ট কৰ্তৃপক্ষলৈ প্ৰেৰণৰ বাবে হাউলী আঞ্চলিক ছাত্ৰ সন্থাক দায়িত্ব দি প্ৰস্তাৱ গ্ৰহণ কৰে ৷.
