31/10/2025
৯৬ সংখ্যক বৰপেটা ৰোড ৰাস মহোৎসৱৰ লগত সংগতি ৰাখি বৰপেটাৰোড সাৰ্বজনীন ৰাস মন্দিৰ পৰিচালনা সমিতিয়ে "আঠিয়াবাৰী সমন্বয় বঁটা" ২০২৫ বৰ্ষৰ বাবে হাউলীৰ সুসন্তান, মননশীল চিন্তানায়ক, জাতীয় আন্দোলনৰ অগ্ৰণী নেতা, ভাৰতীয় প্ৰশাসনিক সেৱাৰ অৱসৰ প্ৰাপ্ত বিষয়া, বিশিষ্ট সমাজকৰ্মী, দক্ষ অভিনেতা, বিশিষ্ট লেখক , ৯৮ সংখ্যক হাউলী ৰাস মহোৎসৱৰ সভাপতি হেমেন দাসক অহা ২২ নৱেম্বৰত সন্ধিয়া ৭.৩০ বজাত বৰপেটা ৰোড ষ্টেডিয়ামত অনুষ্ঠিত হ'বলগীয়া এক বিশেষ অনুষ্ঠানত প্ৰদান কৰা হব । তেখেতক উক্ত বঁটাৰ বাবে মনোনীত কৰাত বিভিন্ন দ'ল সংগঠন, অনুষ্ঠান-প্ৰতিষ্ঠান, ব্যক্তিয়ে শুভেচ্ছা জনাইছে।
