13/11/2023
♥️ *ମୁଁ ଆଉ ତୁମେ* ♥️
🍁🍁🍁🍁🍁🍁🍁
ଲେଖକ -ବିକାଶ କୁମାର,ଜଗତ୍ସିଂହପୁର
*ମୁଁ ଶୁଖିଲା ପତର ପରା*
ତୁମେ ଝିଲି ମିଲି ଜରି
କାଗଜରେ ଗୁଡା
ଗୋଟେ ଛୋଟ ଫୁଲ ତୋଡା ॥୧॥
*ମୁଁ ଗତିପଥ ଅନ୍ଧାରର*
ତୁମେ ଝିକି ମିକି ହୋଇ
ଝଲସୁଛ ସଦା
ଧାରା ସାଜି ଯୋଛନାର ।।୨॥
*ମୁଁ ଫିକା ଫିକା ଜଳଧାର*
ତୁମେ ରଙ୍ଗ ଜୁଡ଼ୁବୁଡ଼ୁ
ଜଳପରୀଟିଏ
ଆଇମା କାହାଣୀର ।।୩॥
*ମୁଁ ଅନାବନା ଏକାଙ୍କିକା*
ତୁମେ ମାଧୁର୍ଯ୍ୟରେ ଭରା
ଉବୁଟୁବୁ ଗୀତ
ସାତସୁରରେ ଫେଣ୍ଟା ॥୪॥
*ମୁଁ ମରୁପଥ ମରିଚିକା*
ତୁମେ ସୁନ୍ଦରୀ ନଦୀଟେ
କୁଳୁ କୁଳୁ ନାଦେ
ବହିଯାଅ ଅଙ୍କାବଙ୍କା ॥୫॥
*ମୁଁ ଉଜୁଡିବା ବାଲିଘର*
ତୁମେ ମିଠା ସପନର
ମିଠା ମହକରେ
ଉବୁଟୁବୁ ଗନ୍ତାଘର ॥୬॥
*ମୁଁ ନୁହେଁ ଚଇତାଳି ବାଆ*
ତୁମେ ଫଗୁଣ ଦେଶର
ପ୍ରୀତି ମଳୟଟେ
ମହକାଅ ମୋ ଦୁନିଆ ॥ ୭॥
🌸🌸🌸🌸🌸🌸🌸
