09/10/2026
TAN-AWA || LENDING COLLECTOR NGA NA-MISSING SA PILA KA ADLAW, PATAY NANG NAPALGAN SA WAO LDS.
Napalgang patay ug napuno sa daghang bun-og ug pinusilan sa lawas ang usa ka 36-anyos nga lending collector nga unang gireport nga missing, napalgan kining gilubong sa usa ka kanal sa pinyahan sa Purok 5, Barangay Buntongan, Wao, Lanao del Sur, pasado alas-10:00 sa buntag karong adlawa lamang byernes, Oktubre 9, 2026.
Giila ang biktima nga si Marvin M. Daumar, lending collector, ulitawo ug residente sa Purok 4, Barangay Batangan, Valencia City, Bukidnon. Base sa report sa Wao Municipal Police Station una nang gireport ni Dominic Muรฑez Daumar, igsoon sa biktima, ang pagkawala sa iyang igsoon pinaagi sa pagpa-blotter.
Sumala sa igsoon, sukad pa niadtong Oktubre 5, 2026, wala na makauli ang iyang magulang nga ulahing nakit-an sa Buntongan, Wao, Lanao del Sur, giingong alas 11 sa udto nakit-an pa kining nangoleksyon ug arawan sa nasampit nga lugar.
Nakig-alayon ang kapulisan sa Wao MPS sa mga opisyal sa Barangay Buntongan aron mapamatud-an ang nadawat nga impormasyon. Sa tabang sa mga opisyal sa barangay, nadiskubrehan sa mga pulis ang nahimutangan sa biktima sa usa ka medyo hilit nga dapit sa Purok 5, Barangay Buntongan.
Nakit-an ang patayng lawas sa biktima sa usa ka kanal sulod sa pinyahan nga gilubong sa giladmon nga gibana-banang usa ka metros. Base sa inisyal nga report, adunay mga samad pinusilan nga naangkon ang biktima nga posibleng hinungdan sa kamatayon niini, giingong bun-og usab nawong niini nga gitoohang gikulata ug dunay pay samad ang mga kamot nga daw pamatood nga gihiktan pa kini.
Gawas niini, base usab sumala pa sa inisyal nga pagpangutana, may mga tawo nga nakadungog og tulo ka mga sunod-sunod nga buto sa armas sa maong lugar pasado ala-1:00 sa hapon niadtong Oktubre 5, 2026 samtang kusog ang ulan.
Padayon karon ang pagpangita sa Wao MPS sa mga kasikbit nga lugar aron makarekober og posibleng dugang nga mga ebidensiya nga makatabang sa imbestigasyon. Samtang nakig-alayon na usab ang kapulisan sa Rural Health Officer alang sa pagpahigayon sa post-mortem examination aron makatabang sa pagtino sa mga sirkumstansiya sa pagkamatay sa biktima.
Via [Xander Lumanta]
=====
Kini nga balita hatud kanato sa HerbzMed Pharma Corporation
#97.7 Radyo Sincero Valencia
