https://www.facebook.com/708290545698934/

Daily Toronto, Toronto, ON (2026)

09/01/2026

क्यानाडामा बस्दै आएका नेपाली गायक तथा गीतकार Cd Lamrin को नयाँ कन्ट्री–रक गीत ‘Sunshine on Daffodils’ आज बेलुका ८ बजे सार्वजनिक हुने भएको छ। आफूले गहिरो माया गर्ने व्यक्तिप्रतिको समर्पणमा आधारित उक्त गीतले पहाडबाट टिपिएका ड्याफोडिल फूलमार्फत प्रेम, समर्पण र साना खुसीका क्षणलाई भावनात्मक रूपमा प्रस्तुत गर्ने जनाइएको छ। गीतमा शब्द, संगीत तथा स्वर स्वयं Cd Lamrin कै रहेको छ।

08/31/2026

नेप्लिज कम्युनिटी अफ लन्डन ओन्टारियो को आयोजनामा हुने चौथो NCL फुटबल कप २०२६ को टाइ–सिट ड्र आइतबार सम्पन्न भएको छ।

प्रतियोगितामा Three Star FC, Windsor Yuva FC, Royal Rara FC, Nepalese London FC, Gorkhali FC र Simcoe Nepalese Football Club ले सहभागिता जनायका छन्। प्रतियोगिता सेप्टेम्बर ५ मा लण्डनमा आयोजना हुनेछ।

08/31/2026

नेपालका बाढी प्रभावित समुदायको सहयोगार्थ Himalayan Strikers को आयोजनामा भएको Charity Match बाट हालसम्म अनुमानित करिब ४ हजार डलर सहयोग संकलन भएको छ। म्याचबाट प्रतिबद्ध गरिएको सहयोग रकम संकलन हुने क्रम भने जारी नै छ। हालसम्मको प्रारम्भिक विवरणअनुसार कुल सहयोग रकम अझै बढ्न सक्ने अनुमान गरिएको छ।

नेपाली समुदायको उल्लेख्य सहभागिता रहेको उक्त खेललाई CBC News ले समेत कभर गरेको थियो।

08/29/2026

Nepalese Canadian Community Services (NCCS) ले १८औँ हिमालयन मेला २०२६ बाट प्राप्त बचत रकम र बोर्ड सदस्यहरूको थप व्यक्तिगत योगदान करिब ३७ सय डलर समुदायबाट छुट्टै चन्दा उठाउने अभियान सञ्चालन नगरी नेपालको प्रधानमन्त्री दैवी प्रकोप उद्धार कोषमा सिधै पठाएको छ।

08/29/2026

क्यानडास्थित SWAR ब्यान्डले Gurkha Event, Rockmandu, NepNova Event, Hawa Production र Danfe Sports लगायतको सहकार्यमा नेपालमा आएको विनाशकारी बाढी–पहिरोबाट प्रभावित परिवारका लागि रु. ५ लाख सहयोग गर्ने घोषणा गरेको छ।

साथै Gurkha Events ले अगस्ट २८ र २९ मा बिक्री हुने प्रत्येक टिकटबाट २० क्यानेडियन डलर प्रधानमन्त्रीको विपद् राहत कोषमा सहयोग गर्ने भएको छ।

08/27/2026

नेपालमा हालै आएको बाढीबाट प्रभावित परिवारको सहयोगका लागि टोरन्टोमा च्यारिटी फुटबल खेल आयोजना हुने भएको छ।हिमालयन स्ट्राइकर्स स्पोर्ट्स क्लबको आयोजनामा आगामी अगस्ट २९, शनिबार स्कारबोरोस्थित McCowan District Park मा खेल हुनेछ। खेल दिउँसो १ बजेदेखि सुरु हुनेछ।

खेलबाट संकलित सबै रकम नेपाल सरकारको प्रधानमन्त्री दैवी प्रकोप उद्धार कोष (प्रधानमन्त्री राहत कोष)मा पठाइने आयोजकले जनाएको छ।

खेलमा सहभागी हुन इच्छुक खेलाडीले QR code स्क्यान गरि दर्ता गर्न सक्नेछन। अन्तिम खेलाडी संख्या तय भएपछि टोली र खेलको संरचना सार्वजनिक गरिनेछ।

स्थान: McCowan District Park, Scarborough
मिति: अगस्ट २९, २०२६
समय: दिउँसो १ बजेबाट

Himalayan Strikers Sports Club

08/27/2026

टोरन्टोमा नेपाली चर्चित ब्यान्ड SWAR को लाइभ कन्सर्ट यही शनिबार आयोजना हुँदैछ। अगस्ट २९ मा The Danforth Music Hall टोरन्टोमा हुने कार्यक्रममा SWAR ले प्रत्यक्ष सांगीतिक प्रस्तुति दिनेछ।

गुर्खा ईभेन्ट्सको आयोजनामा हुन लागेको कन्सर्टमा गायक स्वप्निल शर्मासहितको प्रस्तुति रहनेछ। कार्यक्रम सुरु हुन अब २ दिन मात्र बाँकी रहेको छ।

टिकटको लागि माथि रहेको QR Code स्क्यान गर्नुहोस्।

08/27/2026

नेपालमा आएको विनाशकारी बाढीपछि राहत तथा उद्धारका लागि NRNA Canada ले GoFundMe अभियान सुरु गरेपछि यसबारे संस्थाको फेसबुक पोस्टमा विभिन्न प्रतिक्रिया देखिएका छन्।

सरकारले बाढी प्रभावितका लागि ‘प्रधानमन्त्री दैवी प्रकोप उद्धार कोष’ र ‘प्रधानमन्त्री राहत कोष’ मार्फत आर्थिक सहयोग गर्न स्वदेश तथा विदेशमा रहेका व्यक्ति तथा संघसंस्थालाई अपिल गरेको छ।

सरकारको आधिकारिक कोषमा सहयोग गर्न आह्वान भइरहेका बेला NRNA Canada को GoFundMe अभियान सार्वजनिक भएपछि केही सामाजिक सञ्जाल प्रयोगकर्ताले आफूहरू सरकारले तोकेको आधिकारिक कोषमै योगदान गर्ने बताएका छन्। केहीले गैरसरकारी fundraiser को पारदर्शिता र रकम कहाँ तथा कसरी प्रयोग हुन्छ भन्नेबारे पनि प्रश्न उठाएका छन्। यद्यपि, NRNA Canada ले नेपाली समुदायको हित तथा आपतकालीन अवस्थामा सहयोगका लागि लामो समयदेखि विभिन्न पहल गर्दै आएको छ।

08/25/2026

नेपाली क्यानेडियन कम्युनिटी सर्भिसेस (NCCS) ले आयोजना गरेको ‘घरमै बगैंचा’ होम गार्डेनिङ च्यालेन्ज २०२६ अन्तर्गत सहभागी परिवारका बगैंचा अवलोकन गर्दै उत्कृष्ट परिवारलाई सम्मान गरेको छ।

यस वर्ष २० परिवार सहभागी भएको कार्यक्रममा विभिन्न विधाअन्तर्गत भगवती आचार्य, चन्द्र पोखरेल, लिलेन गुरुङ, पूनम मण्डेर, रमेश भण्डारी, शोभा वाग्ले र सुमित्रा प्याकुरेल उत्कृष्ट घोषित भएका छन्।। NCCS टोलीले सहभागी परिवारका घरमा पुगेर बगैंचाको विविधता, मेहनत र सिर्जनशीलताको अवलोकन गरेको जनाएको छ।

Nepalese Canadian Community Services

08/25/2026

क्यानाडामा बस्दै आएका गायक क्रिसबेक श्रेष्ठको गीत ‘हयात’ सार्वजनिक भएको छ। टर्किस भाषामा ‘Hayat’ को अर्थ ‘मेरो जीवन’ तथा ‘मेरो माया’ भन्ने भावसँग जोडिन्छ।

प्रेम, पुराना सम्झना, विछोड र कहिल्यै विशेष रहेको व्यक्तिप्रतिको भावनालाई केन्द्रमा राखिएको यो गीत क्रिसबेक श्रेष्ठको दोस्रो सांगीतिक प्रस्तुति हो। गीतको लेखन, संगीत र स्वर स्वयं क्रिसबेक श्रेष्ठले दिएका छन्।

गीतको संगीत उत्पादन जेम्स राईले गरेका छन् भने सिद्धान्त राईको निर्देशन तथा सम्पादन रहेको छ। राईज प्रोडक्सन को निर्माणमा तयार भएको गीतको सम्पूर्ण छायांकन क्यानडामै गरिएको हो। गीत तथा भिडियोमा संलग्न सबै कलाकार र निर्माण टोली पनि क्यानडामै रहेका छन्।

Daily Toronto

09/01/2026

08/31/2026

08/31/2026

08/29/2026

08/29/2026

08/27/2026

08/27/2026

08/27/2026

08/25/2026

08/25/2026

Address

Website

Alerts

Contact The Business

Shortcuts

Share

Category

Listing takedown request