https://www.facebook.com/708290545698934/

Daily Toronto, Toronto, ON (2026)

06/02/2026

स्कारबोरो नेपाली क्रिकेट क्लब (एसएनसीसी) ले स्कारबरो क्रिकेट एसोसिएसन (SCA) टी–२० दोस्रो डिभिजनमा आफ्नो अपराजित यात्रा कायम राखेको छ।

टर्नाडो क्लबविरुद्धको खेलमा एसएनसीसीले २९ रनको जित निकाल्यो। पहिले ब्याटिङ गरेको एसएनसीसीले २० ओभरमा ५ विकेट गुमाएर १९५ रन बनाएको थियो। जवाफमा टर्नाडो ८ विकेटको क्षतिमा १६६ रनमै सीमित भयो।

एसएनसीसीका लागि नेपालका पुर्व राष्ट्रिय खेलाडि नरेश बहादुर बुढाऐरले ७२ बलमा १३१ रनको विस्फोटक शतकीय इनिङ्स खेले। सप्निल अधिकारिले ३२ रनको योगदान दिए। बलिङतर्फ आकाशले ३ विकेट लिए भने प्रबेश मल्ल र जुपिटर वाग्लेले समान २–२ विकेट हात पारे।

यस जितसँगै एसएनसीसीले ३ जित र १ खेल वर्षाका कारण रद्द भएको नतिजासहित अंकतालिकाको शीर्ष स्थानमा आफ्नो पकड थप मजबुत बनाएको छ।

Scarborough Nepali Cricket Club-SNCC

05/30/2026

टोरोन्टो स्कारबोरोमा सम्पन्न नेपाल फूटसल कपको फाइनलमा हिमालयन स्ट्राइकर्सले शानदार प्रदर्शन गर्दै उपाधि जितेको छ। अत्यन्त प्रतिस्पर्धात्मक खेलमा स्कारबोरो नेप्लीज फुटबल क्लबलाई पेनाल्टी सुटआउटमा पराजित गर्दै हिमालयन स्ट्राइकर्सले ट्रफी आफ्नो नाममा गरेको हो।

निर्धारित समयसम्म दुबै टोलीले ३-३ गोलको बराबरी खेल्दै खेललाई थप रोमाञ्चक बनाएका थिए। खेलभरि दुबै पक्षबाट आक्रामक खेल प्रदर्शन भए पनि निर्णायक गोल ननिस्किएपछि खेल पेनाल्टीमा धकेलिएको थियो।

Himalayan Strikers Sports Club

05/30/2026

इबोला रोगको बढ्दो जोखिमलाई ध्यानमा राख्दै क्यानाडा सरकारले अस्थायी रूपमा कडा सीमा नियन्त्रण लागू गर्ने घोषणा गरेको छ।

सरकारका अनुसार मे २७ राति ११:५९ बजेदेखि आगामी ९० दिनका लागि उच्च जोखिममा रहेका देशहरू, डेमोक्रेटिक रिपब्लिक अफ कङ्गो, युगान्डा र दक्षिण सुडानका बासिन्दाका लागि भिसा तथा यात्रा अनुमति (eTA) निलम्बन गरिएको छ।

यसैगरी, मे ३० देखि लागू हुने अर्को व्यवस्थाअनुसार ती क्षेत्रबाट पछिल्लो २१ दिनभित्र आएका यात्रुहरूलाई अनिवार्य २१ दिन क्वारेन्टाइनमा बस्नुपर्नेछ। लक्षण देखिएका यात्रुलाई अस्पतालमा अलग्गै राखेर परीक्षण गरिनेछ। हाल क्यानडामा रहेका व्यक्तिहरू भने यसबाट प्रभावित हुने छैनन्।

05/28/2026

नेपाली मिश्रित मार्सल आर्ट (MMA) खेलाडी रविन्द्र धन्तले ‘रोड टु यूएफसी’ सिजन–५ अन्तर्गत भएको क्वार्टरफाइनल भिडन्तमा फिलिपिन्सका किम्बर्ट अलिन्टोजोनलाई पराजित गर्दै महत्वपूर्ण सफलता हात पारेका छन्। आज सम्पन्न उक्त प्रतिस्पर्धामा धन्तले दोस्रो राउण्डमा उत्कृष्ट प्रदर्शन गर्दै टेक्निकल नकआउट (TKO) मार्फत जित निकालेका हुन्।

05/26/2026

नेप्लीज क्यानेडियन कम्युनिटी सर्भिसेस (NCCS) ले हरेक वर्षझैं यस वर्ष पनि क्यानाडा डे अर्थात जुलाई १ का अवसरमा वार्षिक बार्बेक्यु कार्यक्रम आयोजना गर्ने भएको छ। कार्यक्रम टोरन्टोस्थित वुडबाइन बीचको एरिया–०२ मा दिउँसो १ बजेदेखि साँझ ८ बजेसम्म सञ्चालन हुने जनाईएको छ।

नेपाली समुदायबीच आपसी भेटघाट, पारिवारिक जमघट तथा क्यानाडा डे उत्साहपूर्वक मनाउने उद्देश्यले एनसीसीएसले विगतका वर्षदेखि यो कार्यक्रम निरन्तर आयोजना गर्दै आइरहेको छ।

कार्यक्रममा सहभागी हुन प्रवेश शुल्क १० क्यानेडियन डलर तोकिएको छ भने १० वर्षमुनिका बालबालिकालाई निःशुल्क प्रवेशको व्यवस्था गरिएको छ।

Nepalese Canadian Community Services

05/26/2026

क्यानाडामा अध्ययनरत एक नेपाली विद्यार्थीमाथि लगाइएको ब!लात्कार तथा अदालतको सर्त उल्लंघनसम्बन्धी सबै आरोप अदालतले खारेज गरेको छ। टोरन्टो अदालतले डिजिटल प्रमाण, ल्याम्बटन कलेजको आधिकारिक उपस्थिति विवरण तथा टोरन्टो प्रहरीको फरेन्सिक अनुसन्धानका आधारमा ती आरोपहरू झुटो रहेको निष्कर्ष निकाल्दै विद्यार्थीलाई पूर्ण रूपमा निर्दोष ठहर गरेको हो।

प्रहरी अनुसन्धानअनुसार आरोप लगाउने नेपाली युवतीले झुटा प्रमाण र सन्देश तयार गरी मुद्दा दर्ता गराएकी थिइन्। हाल ती युवती नेपाल फर्किसकेकी छन् भने क्यानाडा प्रहरीले उनीविरुद्ध आवश्यक कानुनी प्रक्रिया अघि बढाएको जनाएको छ। साथै, ती युवाले आफूलाई झुटो आरोप लगाउने तथा त्यसलाई प्रोत्साहन गर्ने जो–कोहीलाई पनि कानुनी दायरामा ल्याउने र आवश्यक कानुनी प्रक्रिया अघि बढाउने बताएका छन्।

पीडित विद्यार्थीले कानुनी सहायता उपलब्ध गराउने फौजदारी वकिल मेलानी वेब, अध्यागमन वकिल भोजराज भट्ट तथा साथ दिने नेपाली समुदायप्रति आभार व्यक्त गरेका छन्।

05/25/2026

क्यानाडाको अन्टारियोस्थित पाइनरी प्रान्तीय पार्क नजिक हुरान तालमा राफ्ट पल्टिँदा बेपत्ता भएका एक नेपाली विद्यार्थीको खोजी कार्य जारी रहेको प्रहरीले जनाएको छ। ‘भिक्टोरिया डे’ बिदाको दिन साथीहरूसँग घुम्न गएका पाँच जनामध्ये दुई जना राफ्टमा सवार थिए ति मध्य एक जना दुर्घटनाबाट जोगिएका थिए भने एक जना पानीमा बेपत्ता भएका हुन्। राफ्ट हावाको तीव्र बहावका कारण असन्तुलित भई पल्टिएको थियो। एक जना पौडिएर किनार पुग्न सफल भएका थिए।

बेपत्ता विद्यार्थी नेपालबाट अध्ययनका लागि क्यानाडा आएका र हाल लण्डन, अन्टारियोमा बस्दै आएका थिए। उनको पहिचान भने परिवारको गोपनीयता कायम राख्दै सार्वजनिक गरिएको छैन।
स्थानीय नेपाली समुदाय, एनआरएनए क्यानाडा तथा सम्बन्धित निकायको समन्वयमा खोजी कार्य निरन्तर जारी रहेको छ।

05/23/2026

क्यानाडास्थित नेपाली क्यानेडियन कम्युनिटी सर्भिसेसले “घरै बगैचा : होम गार्डेनिङ च्यालेन्ज २०२६” सार्वजनिक गरेको छ। घरको खाली स्थान, बगैंचा र बाल्कोनीलाई हरियाली बनाउने उद्देश्यसहित आयोजना गरिएको अभियानले स्वस्थ जीवनशैली र सामुदायिक सम्बन्ध मजबुत बनाउने विश्वास लिइएको छ।

कार्यक्रममा सहभागी हुन इच्छुकले मे ३० भित्र दर्ता गर्नुपर्ने आयोजकले जनाएका छन्। सीमित सहभागिता रहने भएकाले “पहिले आउनेलाई पहिलो प्राथमिकता” को आधारमा छनोट गरिने छ।

सहभागी हुन QR Code स्क्यान गरी दर्ता गर्नुहोस् !

Nepalese Canadian Community Services

05/22/2026

Neplify ले विश्वभर रहेका नेपाली व्यवसाय, संघसंस्था, रेष्टुरेन्ट, उद्यमी, ब्रान्ड तथा सामुदायिक कार्यक्रमहरूलाई एउटै डिजिटल प्लेटफर्ममार्फत जोड्ने उद्देश्यसहित क्यानाडामा आफ्नो ‘Community Partnership Program’ सार्वजनिक गरेको छ।

यस कार्यक्रममार्फत साझेदारहरूले Neplify को वेबसाइट, मोबाइल एप, सामाजिक सञ्जाल तथा विश्वव्यापी नेपाली नेटवर्कमार्फत आफ्नो पहुँच विस्तार गर्ने अवसर प्राप्त गर्नेछन्। कार्यक्रमको मुख्य उद्देश्य नेपाली समुदायभित्र सहकार्य, प्रवर्द्धन तथा सामुदायिक सम्बन्धलाई अझ सशक्त बनाउनु रहेको बताइएको छ।

“One Nation, Global Connection” भन्ने अवधारणासहित अघि बढिरहेको Neplify ले नयाँ Partnership Program मार्फत क्यानाडा तथा विश्वभरका नेपाली व्यवसाय, कार्यक्रम तथा विभिन्न पहलहरूलाई अझ व्यापक दर्शकमाझ पुर्‍याउन सहयोग पुग्ने विश्वास व्यक्त गरेको छ।

Neplify

05/21/2026

टोरन्टो- स्कारबरोमा आयोजना हुन लागेको “ICCC–Scarborough Nepal Futsal Cup 2026” को समूह चरण (Group Stage) खेल तालिका हिजो सार्वजनिक गरिएको छ। यहि मे ३० मा हुने प्रतियोगितामा नेपाली समुदायका विभिन्न फुटसल टोलीबीच रोमाञ्चक प्रतिस्पर्धा हुने भएको छ। प्रतियोगितामा समूह ‘ए’ र ‘बी’ अन्तर्गत टोलीहरू विभाजन गरिएको छ।

समूह ‘ए’ मा:
हिमालयन स्ट्राइकर्स, हिमालयन डायनामोज, ब्रदरहुड नेपाली तथा स्कारबोरो नेपाली एफसी (सेतो) रहेका छन्।

समूह ‘बी’ मा:
नर्दर्न यति एफसी, चन्द्र सूर्य एफसी, एमआरआर क्यानाडा तथा स्कारबोरो नेपाली एफसी (निलो) रहेका छन्।

Scarborough Nepalese Fc

Daily Toronto

06/02/2026

05/30/2026

05/30/2026

05/28/2026

05/26/2026

05/26/2026

05/25/2026

05/23/2026

05/22/2026

05/21/2026

Address

Website

Alerts

Contact The Business

Shortcuts

Share

Category