https://www.facebook.com/213968341801121/

Mi'ooftuu multimedia, Addis Ababa (2026)

23/08/2026

Miseensota Waldaa Duuka Bu’ootaa Leenjii Duuka Bu’ummaa barachaa jiraniif aangoon Lubummaa sadarkaa adda adda kenname
Mi'ooftuu multimedia ,Hagayya 17/2018 BA, Magaala Shaggar
Eebbifamoo Abbaa Saawiroos MKOTI Hojii Gaggeessaa Mana Lubummaa Walii Galaa, Hangafi Phaaphaasii Biyyoota lallabaa Magaala Shaggarii fi Shawaa Kibba Lixaa Eebbifamoo Abbaa Diyoosqoroos MKOTI Barreessaa Qulqulluu Sinoodosii waliin ta’uun Daaqonotaa 40, Luba 1 fi Qomoosii tokko muudaniiru.
👉 Gabaasni kan TV Sagalee Dhugaa
Baga gammaddan!!

22/08/2026

Gaaffilee gurguddoo sirnaan beekamuu qaban!

Kaleessa galgalarraa eegalee namoota “Baga gammaddan Finfinneen Magaalaa guddoo Oromiyaa taate!” jedhaniifi ammoo namoota “Waan haaraa maaltu argame? Yoo of gowomsuu malee!” jedhanii yeroo namoonni wal falman argaan jira. Ani gama dhuunfaa kootiin ammatti gammachuus gaddas hin qabu. Garuu waan walxaxaa wayiin akka uumametu natti mul’ata. Kanammoo itti gammaduufis, gadduufis sirritti hubachuu nafeesisa. Warri gammadan waan dhaga’aniifi itti quufan qabu. Warri mormaa jiraan waan qoonqoo gadi hin darbineef qabu.

Hunda dura, Oromoon dhimma Finfinnee irratti kan wareegamaa tureef maal argachuufi? Qe’eerraa buqqa’uu, ijoollee ofii itti wareeguufi aarsaa jaarraa itti kaffaleef deebii isa madaalu ni argataa? Ofii gaaffiin Oromoo Finfinneerratti qabu ijoon maal ture kan jedhu namuu qalbiin ilaaluu qaba. Ani akka kootti, hunda caala murtiin haaraan ammaa kun haala kana dura ture maal jijjiira? Oromoofi Oromiyaaf waan haaraa hoo maal fidee dhufa kan jedhutu ilaalamee baramuu qaba jedheen amana.
👇👇👇👇👇👇👇👇👇👇👇👇👇👇👇👇👇👇

Murtoon miilana darbuuf deemu kun gaaffilee kana deebisaa?

1.Murtoon amma darbuuf deemu yookan wanti marii biyaalessaa irratti waliigalame jedhame kun, Aangoo Mootummaan Naannoo Oromiyaa kanaan dura Finfinneerratti hin qabne kan inni amma MNO-tiif kennu maaliidha?

2.Akka hirmaatonni jedhanitti, “Finfinneen Magaalaa guddoo Mootummaan Naannoo Oromiyaa ta’uun ishee heera biyyattii irratti akka waliif galamu ta’eera!” jedhanii dubbataa jiru. Egaa gaaffii ijoon heera biyyattiirra ta’uu isaa miti.
MNO bu'uura injifannoo argame kanaan Magaala Finfinnee keessatti akka Adaamaa, Shaashamannee, Naqamteefi kkf irratti aangoo ni qabaataa?

3. Mootummaan Naannoo Oromiyaa qabeenya magaalittin qabdu warra ijoo akka lafaafi kan biroo irratti seera baasee murteessuu, daangessuu, bulchuu, itti fayyadamuu danda'a?

4.Guddina naannichaaf galii gibira mootummaa naannoo murteessuu, walitti qabuu ykn qooddachuu ni danda'aa?

5.Jiraattotta naannichaaf magaalitti keessatti hayyama daldaalaf investimentii kennuu, carraa hojii uumuu, tajaajiloota lammummaa kanniin akka mana jireenya kennuu danda'aa?

6.Uummata naannichaf giddugala dagaagina barnootaa, hawaasummaa, Afaan, aadaa fi amantaalee uummatichaa babal'isu danda'aa?

7.Walumaa gala murtii mootummaan naannoo birmadummaa mataa isaa qabu tokko daangaa bulchiinsa naannoo isaa keessatti fudhachu danda'u mootummaan naannoo Oromiyaa Finfinnee keessatti fudhachuu danda'a?

Walumaa galatti, akkaataa heera naannicha kewt 45 hanga 47 akkasumas bu'uura heera mootummaa federaalaa kewt 51-tin aangoo naannoolif kenname bu'uureffachuun akkuma kutaalee Oromiyaa kan biroo, Finfinnee bulchuuf caasalee bulchiinsa mootummaa naannichaa jechuunis qaama seera baaftuu, seera raawachiiftuu fi seera hiiktuu diriirsu danda'a?

Moo waanuma kaleessa ture har'as jiru akkuma Embassy biyyoota hambaa achi keessa jiraniitti maqaa fi waajjiraale qofa keessa dhaabbate kan itti fufu ta'a?
Gaaffilee olii kanneeniif “EEYYEEN” kan jettan yoo taate:-
Magaala bulchiinsa of danda'aa qabuufi itti waamamni isaa kan mootummaa federaalaa( sabaaf sablamoota) akkasumas hunduu dantaa waloo kan itti qabu ta'uu itti walii galtan keessatti akkamiin addatti dantaa siyaasaaf diinagdee uummata naannichaa magaalittii irratti eegsisu danda'a?

Gaaffilee kunneen gaaffii miiraan osoo hin taane qalbiin xiinxalamuu qabanidha. Mariin kun furmaata waaraa hin fidne taanaan, gaaga’ama biraafi maraammartoo siyaasaa biroo dhaluu ittuma fufuu mala!

Kanaafuu, mee hirmaatonni waan hubattanirraa gaaffilee kanneeniif deebii keessan nuuf qoodaa!

21/08/2026

Maal miidhaginni akkanaa,ija diinaa isinirraa haa qabu.

18/08/2026

Baga Ayyaana Tulluu Taaboor
(Buhee) Nagaan Geechan!

Maqaa Abbaa kan ilmaa kan Afuura Qulqulluu waaqayyo tokko Ameen.

🔜Kun ilma koo isa ani jaalladhu,
isa dhaga'aa!
Mar. 9:7

🔜Ayyaanni ayyaanota Gooftaa Gurguddoo manni amantaa keenya kabajju 9'n keessaa tokko yoo ta'u waggaa waggaadhaan hagayya 13 haala ho'aa fi miidhagaa ta'een kabajama!!
🔜Gama biraatiin Ayyaanni kun Ayyaana Buhees ni jedhama. Buhee jechuunis mul'achuu, ifoomuu, beekamuu jechuudha.
Kunis waaqummaa Iyyesuus kiristoos warreen shakkaa turaniif guyyaa itti ifoome waan ta'eefi.

🔜Guyyaa gooftaan keenya Iyyesuus kiristoos Duuka bu'oota isaa keessaa PHeexiroos, Yohaannisiif Yaa'iqoobin, warra du'an kessaa waggaa 1644 booda Musee, warra jiran keessaa immoo "Eliyaasiin" fidhuudhaan inni (Iyyesuus Kiristoos) Waaqa warra jiraatanii, Waaqa warra du'anii waaqa barabaraan jiraataa kan ta'e ta'uu isaa tullicha irratti Kan mul'ise ta'uu isaatu barreeffamee argama. Mat 17:1-9, Marq 9:2-8 Luq 9:28-36

☑️Gooftaan keenya Fayyisaan keenya Iyyesuus kiristoos Maaliif ifa waaqummaa isaa Tulluu Taaboor irratti mul'isee???

1.🔜Waaqummaa Iyyesuus kiristoos irratti shakkii namoota gidduu ture hambisuuf.

🔜Akkuma Mat 16:13 irraa hubannu gooftaan keenya Iyyesuus Kiristoos waa'ee eenyummaa isaa yeroo duuka buutota isaa gaafatutti (namoonni Eenyu jedhanii na waamu?) jedhee yammuu gaafatu baay'en isaanii
🥀ati Eeliyaasidha,
🥀ati Museedha
🥀ati Ermiyaasdha
🥀kaan immoo raajota keessaa isa tokko siin jedhu jedhanii duuka bu'oonni isaa deebisaniiruuf. Deebiin jaraa kun gooftaa keenya iyyesuus kiristoosiin waan hin ibsneef duuka buutota isaatiin immoo isiin hoo eenyu nan jettu jedheen.
☑️Gooftaanis isiin warri barumsa Afaan kootii, dinqiiwwan harka kootii agartan eenyu nan jettu? jedhee duuka buutota isaa gaafate. yeroo kana Hangafti Duuka buutota gooftaa Qulqulluun Pheexiroos akkas jedheen:-
kunoo
👇
🔜Simoon Phexros deebisee, "Ati Masiihicha, ilma Waaqayyoo jiraataa ti" jedhe.
Mat. 16:16
🔜Eeyyee Amantaan keenyas kan bu'uureffame Pheexiroos kana irrattidha. gooftaanis kana kan sif mul'isee foonii fi dhiiga osoo hin taane koo isa samii irraatu siif ibsee malee erga jedheeniin booda mana qulqullummaa isa samii gubbaa kenneeraf. kan inni lafa iraatti hidhe samii irratti akka hidhamu, kan inni lafa irratti hiike samii irratti akka hiikamu waadaa galeeraaf.
kunoo
👇
🔜Banaa mootummaa waaqaa siifan kenna; waanumti ati lafa irratti hiite, waaqa irratti hidhamaa in ta'a; waanumti ati lafa irratti hiikte immoo waaqa irrattis hiikamaa in ta'a" jedhe.
Mat. 16:19

🔜Har'as Amantaaleen heedduun biyya lafaa kana irra jiran gooftaa keenya Iyyesuus kiristoosiin maqaa sirriin hin waaman. kaan iyyesuus har'as araarsaadha jedhu, kaan immoo Iyyesuus Nabiyyii rabbiiti jedhu, kaan Waaqayyo hin dhalus hin dhalchus jechuun ammallee ilmi waaqayyoo "𝙬𝙖𝙖𝙦𝙖𝙮𝙮𝙤" hin dhalanne jedhu kkf jedhu.
☑️Egaa Amantaa Qulqulleettii Tewaahidoon hamma dhumaatti jiraachuun akka Qulqulluu Pheexiroos warra Iyyesuus ilma isa ! jennu waaqayyo nu haa gargaaru.

🔜kanaaf jecha gooftaan keenya Iyyesuus Kiristoos , , Ermiyaasiinis kan hin taane ta'uu isaafi inni Musee, Eeliyaa fi Ermiyaas faa ta'uu isaa namoota turan hubachiisuuf Museef Eeliyaas tullicha irratti akka argaman isaan taasise
🔜Yeroo kana qulqulluun Pheexiroos gooftaadhaan, as jiraachuun nuuf gaariidha! godoo sadiis asitti ijaarra tokko si'iif, tokko Museef, tokkos Eliyaasiif jedhe. tokko ofii kootiif hin jenne sababni isaa qulqulloonni anaaf jechuu irraa obboleessa kootiif jechuu filatuum.
kunoo
👇
🔜Phexros gidduutti, "Yaa barsiisaa! Asitti argamuun keenya attam gaarii dha! Kottaa asitti godoo sadii, tokko siif, tokko Museedhaaf, tokkos Eliyaasiif in ijaarraa" jedhee Yesusitti dubbate.”
Mar. 9:5
🔜dhugaattuu bakka kiristoosii fi qulqulloonni jiran jiraachuun akkam namatti tolaa???

2.Waadaa Museef galee ture raawwachuuf.

☑️Akkuma Ba'uu 33:17-23 irratti barreeffame Museen walitti dhufeenya cimaa waaqayyo waliin qabu irraa kan ka'e "Maaloo Fuula kee natti agarsiisi!" jedhee waaqayyoon kadhatee ture! waaqayyos kadhannaa isaa kanaaf akkas jedhee deebii kenneef! "Namni fuula koo arge jiraachuu waan hin dandeenyeef, ati fuula koo arguu hin dandeessu." (Seera Ba'uu 33:20)
☑️sababni inni akkas jedheef waaqayyo waaqummaa isaatiin eenyumtillee arguu waan hin dandeenyeef,yoo arges jiraachu waan hin dandeenyeefidha.
waaqayyo ammas itti fufee Museedhaan akkana jedheen... "(Kunoo ana bira as iddoo kana kattaa irra dhaabadhu! Yeroo ulfinni koo darbuutti jiru, holqa kattaa keessa sin kaa'a, hamma ani darbuttis harka kootiin sin golbooba. Ani harka koo si duraa nan fuudha, ati immoo koo in argita; fuulli koo garuu hin argamu" jedhe.(Seera Ba'uu 33 )
☑️Dugda koo ni argita jechuun isaa dugdi booda keenyatti akka argamu "gara boodaatti waaqayyo ilmi durbee Maariyaam irraa dhalachuudhaan Tulluu Taabor irratti yeroo mul'atu nii argita" jechuu isaati!
☑️kattaa irra dhaabbadhu "jechuun isaa waggaa 5500 xumuramee foon namaa uffadhee dhaladhee irratti hamman mul'adhutti ati duutee awwalcha keessa nii turta jechuu isaati. (na arguudhaaf hamma kana eeguu qabda jechuusaati)
☑️harka kootiin sin golbooba!" jechuun isaa dhaladhee hamman Tulluu Taabor irratti mul'adhutti (humna) koo sirra nan kaa'a jechuu isaati.
☑️Ani harka koo siduraa nan fuudha!" jechuun isaa foon namaa uffadhee yeroon dhaladhutti aangoo du'aa sirraa nan fuudha. du'aa sin kaasa jechuu isaati
🔜Egaa Waaqayyo akkuma waadaa isaaf gale kanatti yeroo yeroon isaa gahetti haadha keenya durbee Maaryaam irraa dhalachuudhaan ulfina waaqummaa isaa Tulluu Taabor irratti yeroo mul'isutti raajota keessaa Museef Eeliyaas duuka bu'oota keessaa immoo PHeexiroos ,Yohaannisiif Yaa'iqoob Tullicha irratti akka argaman taasise.

🔜 Museen hawwii waaqayyoon arguuf qabu osoo hin raawwataminiif yoo boqote illee waaqayyo (Iyyesuus kiristoos) Awwaala keessaa waamee tulluu Taaboor irratti waadaa galeef raawwateeraaf.
🌹Waaqayyo kakuu siif gale (waan sitti dubbate) osoo siif hin raawwatin hin hafuum.
kunoo
👇
🔜Kunoo, ani sii wajjinan jira, iddoo ati dhaqxu hundumaatti sin eega; biyya kanatti sin deebisa, waan ani sitti dubbadhe malee, si hin gatu!" akkuma jedhu.
Uma. 28:15

🔜kakuu moofaa keessaa Museef Eeliyaasiin, kakuu haaraa keessaa bartoota sadan fudhatee tullicha irratti argamuun isaas:-

☑️Tulluun Taabor fakkeenya (Bataskaanaa) yommuu taatu mana kiristiyaanaa keessatti immoo kakuu moofaa fi kaakuu haaraan gonkumaa kan addaan hin baaneef wajjin kan jiraatan ta'uu isaa nu hubachiisuufidha.
🔜Manni Kiristiyaanaa dubbii raajonni kakuu moofaa keessatti dubbachaa turanii fi duuka buutonni gooftaa kakuu haaraa keessatti barsiisaa turan fudhachuudhaan waaqummaa Iyyesuus kiristoos kan amantuu fi barsiistu ta'uu ishee nu hubachiisuuf.
🔜Tulluun Taabor fakkeenya Mootummaa waaqayyoo yommuu taatu mootummaa waaqayyoo immoo raajonnis duuka bu'oonnis kan dhaalan ta'uu isaa nu barsiisuuf
🔜Museen kan fuudhe yommuu ta'u Eeliyaas garuu hin fuune. mootummaan waaqayyoo, warri fuudhanis warri hin fuunes qajeelummaatti jiraannaan kan dhaalan ta'uu nu barsiisuuf
🔜Museen seera uumamaa yeroo barreessu "jalqaba irratti waaqayyo samiif lafa uume"jechuun jalqabe. seera uum.1:1 Yohaannis immoo yeroo wangeela barreessu "jalqaba irratti sagaleetu ture" jechuun jalqabe! Yoh 1:1

Iyyesuus Kiristoosis inni Museen duraan waaqummaa ko ragaa bahe inni Yohaannis amma waaqummaa koo ragaa bahaatti jiru ani "Waaqayyodha" jedhee nu barsiisuudhaaf
🔜Duraan Eeliyaasiif kennaa kennuudhaan waggaa 3f ji'a 6f bokkaan akka hin roobneef samiin akka hidhamtu taasisee waggaa kana booda immoo samiin hiikamte bokkaa roobuu akka dandeessu akkuma goosise sana PHeexiroosiifis kennaa "hidhuuf hiikuu" isaaf kennuudhaan ""Bantuu mootummaa waaqaa siifan kenna; waanumti ati lafa irratti hiite, waaqa irratti hidhamaa in ta'a; waanumti ati lafa irratti hiikte immoo waaqa irrattis hiikamaa in ta'a"
(Maatewos 16: 19) jedhee kennaa guddaa kana isaaf kennuu isaa nu hubachiisuufi dha.

3.Raajii dubbatame raawwachuuf.

🔜Tulluu Taaboriin kan inni filateef Duraan dursee ulfinni waaqummaa isaa Tulluu kana irratti akka mul'atu raajotaan dubbatamee waan tureef raajii kana raawwachuuf Tulluuwwan jiran keessaa Taaboriin qofa filate!
kunoo
👇
🔜Gara bitaa fi gara mirgaa situ uume, tulluun Taaborii fi Armooniyeem maqaa keetti nii ililchu (gammadu)!."
Faar 88(89): 12)
🔜Guyyaa kanattis waaqayyo Abbaan duumessa keessaan ilmi koo an jaal'adhu isaatii, isa dhaga'aa jedhe!
kunoo
👇
⛔️Yommus duumessi dhufee hunduma isaaniitti uffise; sagaleenis duumessicha keessaa dubbatee, "Kun ilma koo isa ani jaalladhu, isa dhaga'aa!" jedhe.
Mar. 9:7
🔜har'a biyyi lafaa nagaa kan argatu waan ilmi waaqayyoo jedhe yoo dhaga'ee ittiin jiraate qofaadha. malee hangafa nagaa kan ta'e dhiisanii, kaanis walga'ii nagaa yeroo adda addaatti taa'uun nagaa hin argamsiisu. kanaafuu waan ilmi waaqayyoo jedhu haa dhageenyu!
🔜Guyyaa Ayyaana kanaa:-
🥀xomboorri maaliif qabsiifama?,
🥀Qacceen Maaliif dhukaafama?
🥀Daabboon maaliif hojjetamaa?

Deebiin isaa:-
kunoo
👇
✝️Qacceen kan xaxxaaxeffamuuf yeroo gooftaan keenya Tulluu Taaboor irratti ifa waaqummaa isaa mul'isu waaqayyo Abbaan duumessa keessaan ilmi koo an jaal'adhu isa, isa dhaga'aa jedhee sagalee dhageessiseera. Sagalee kana yaadachuufis Qacceen ni xaaxeffama. Gama biraatiin Qacceen kan xaaxeffamuuf Akka Abbootni keenya barsiisanutti Yeroon itti Gooftaan keenya fayyisaan keenya Iyyesuus kiristoos Humna waaqummaa (ifa waaqummaa) isaa itti mul'ise gara ture. yeroo kana Gooftaan ifa waaqummaa isaa waan mul'iseef Tulluun taaboor irri ni ife. tiksitoonnis bakki kaan dukkana waan tureef ifa kana ilaalanii gammadaniis dinqisiifachaa qaccee turan. fakkeenya kana godhachuun baadiyyaatti ijoolleen qaccee xaxxaaxessu. Magaalaatti immoo fi kanneen sagalee qaban biraa xaaxessu.
🔜Warri maatii tiksitootaas ijoolleen jaraa akka duraaniitti yeroon horii galchuu waan hafaniif ijoollee jaraa barbaacha qabsiifatanii, waan jarri nyaatan daabboo harkatti qabatanii gara ijoollee jaraa deeman.
🔜kana fakkeenya godhachuunis guyyaa Ayyaana Tulluu Taaboor Daabboon ni tolchama, xomboorris ni ifsama.
🔜Gama biraatiin xomboorri kan qabsiifamuuf Ayyaanichi Ayyaana ifaa ta'uu isaatiini Guyyaa itti ilmi waaqayyoo ifa waaqummaa isaa itti mul'ise waan ta'eef qabsiisu.
🔜Jalbultii Ayyaana kanaa irrattis ijoollonni gammachuu jaraa ibsachuuf mana irra naanna'uun ni faarfatu. namoonnis qarshiis ta'ee daabboo waan qabanu ni kennuuf.

🔜ha ta'u malee namoota qarishii kennan eebbisanii, kan waan kennan dhaban abaaruun, Ayyaanicha qarishii itti walitti qabatan godhanii ilaaluun, sirbuu fi dhuganii machaa'uun hiikaa ayyaanicha dhabsiisa waan ta'eef irraa of qusachuu qabna.

🔜Sababni isaa Ayyaanichi Ayyaana kiristaanaati. kiristaanni immoo Ayyaaneffachuu kan qabu baay'ee dhuguu fi sirbuu (dhiichisuu)'n osoo hin taane mana waaqayyootti argamuun sagalee waaqayyoo barsiisuu fi barachuun, gaabbii galuun foonii fi dhiiga gooftaa fudhannee kan ittiin wal dhabnetti araaramuun ta'uu qaba.

🔜Ayyaanni gooftaa Iyyeesuus Kiristoos, jaalalli Waaqayyoo, tokkummaan hafuura qulqulluus hunduma keenyaa wajjin haa ta'u!
2Qor. 13:13
Mi'ooftuu multimedia
🥀A𝙮𝙮𝙖𝙖𝙣𝙖 G𝙖𝙖𝙧𝙞𝙞!!!
🥀Ameen

18/08/2026

"Ukee bara quufaa Indaaqqotu dhuufa", " Ukee bara beelaa Indaaqqotu eela" - Afoola Ukeeti.

Afoola Ayyaana Ukee.
==//==
Afoola Ayyaana Ukee Keessaa: "Ukee yaa Ukee, Ukee bara quufaa Indaaqqotu dhuufa,..." "Ukee yaa Ukee, Ukee bara beelaa Indaaqqotu eela" jedhama.

Ayyaanni ijoollee Ukee jedhamuun beekamu ALI'tti Hagayya 13 waggaa waggaadhaan kabajama.

Ayyaanni kun akkaataa amantii Kiristaanaatiin hiikaa mataasaa kan qabu ta'us, iddoowwan hedduutti bifa aadaatiin kabajama. Iddoowwan ayyaanni Ukee haala hoo'aadhaan itti kabajamu keessaas Magaalaan Fiichee tokko.

Fiicheetti Ayyaanni Ukee ayyaana Ijoollee jedhamuun beekama. Ijoolleenis ayyaana Ukee hawwiidhaan eeggatu. Hagayya 12 ijoolleen muka jiidhaadhaan Godoo ijaarratu. Maatiinis ijoolleesaaniif manatti daabboo Ukee qopheessu.

Qophiin ayyaana Ukee kun jala bultiirraa kan jalqabuu fi Hagayya 13 ammoo ijoolleen dabboo Ukee maatiin qopheessanii qabatanii gara Godoo jala bultiirratti ijaarratanii deemu.

Bakka sana erga deemaniis akkuma walitti dhufeenya isaaniitti garee gareedhaan qindaa’uun qofa qofaatti kabaju.

Maatiin ijoollees warri aannan qaban aannan elemtuutti qabatanii bakka ijoolleen isaanii godoo ijaarratan kanatti geessu. Ayyaana Ukee kanarratti ijoolleen daabboo tokkoo fi ulee cirii muka jiidhaa baala qabu harkatti qabachuun si'a sadii Godootti marsanii sirbuun taphatu.

Afwalaloo isaan ittiin sirbanis "Ukee yaa ukee Ukee bara quufaa Indaaqqootu dhuufa,..." jedhanii barri haaraan dhufu bara quufaa akka ta'u hawwu. "Ukee yaa Ukee, Ukee bara beelaa Indaaqqotu eela" jedhanis barri yoo beela ta'e Indaaqqoonillee akka miidhamtu ibsu. Si'a sadii erga Godoo sana marsanii sirbaniin boodas ulee/ciriisaanii Godootti hirkifatanii, keessa seenuun daabboo sana aannaniin unatanii nyaatu.

Kabaja ayyaana Ukee kanarratti kan hirmaatu ijoollee umriin isaanii wagga 13 fi isaa gadi ta'an yoo ta'u, kanneen umriin isaanii gahemmoo seera ittiin sirna kabaja ayyaanichaa keessaa baafaman qabu.

Ayyaana Ukee kana ijoolleen akkaataa gadaa isaanii xumuranii keessaa ba’an qabu. Kan ariifate wagga 10tti keessaa baha. Kan ture ammoo waggaa 13tti. Daa'imni bahu barbaadu 'ani baranaan booda Ukee keessaan baha' jedhee garee isaatti hima. Daa'imni kabaja Ukee keessaa bahu barbaadu kunis karaa balbala Godoo sanaa osoo hin taane Godoo cabsee utaalee keessaa bahuun fiiga.

Ijoolleen godicha keessa jiran ulee fudhatanii ari'u jedhama. Mucaa Godoo cabsee fiiges ijoolleen ariitee yoo dhaqqabuu dadhabde inni Ukee xumureera jechaadha.

15/08/2026

10ቱ መቅሰፍቶች
👇👇👇👇👇👇

🙏🙏🙏🙏🙏

15/08/2026

Godinni shawaa kaabaa(Salaale) godinoota Oromiyaan qabdu keessaa tokko yoo taatu lafa shaggar gara kaabaa irraa kaatee hanga laga Mormor(Abayaatti) diriiree jiruudha. Godinni shawaa kaabaa( Salaalee) waan hedduudhan beekkamti.Namoonni Oromiyaas ta'ee biyyattii kanaaf waa gumaachan baay'een isaanis dachee bareedduu diriirtuu kana keessaa kan bahanis hedduudha. Kaneen akka G.Taaddasaa Birruu,
Agarii Tulluu,
Asaffaa Shaaroo lammii,
Haylmaaram Gammadaa,
Baqqalaa Mokonnin,
Badhaasaa Magarsaa,
Badhaadha Dilgaasaa,
Jaal Gadaa Gammadaa,
Abbabaa Biqilaa,
Wasanii Diidoo,
Laggasaa Abdii,
Abbabaa Tasammaa,
Shaanbal Dabaleefi kanneen maqaan isaanii hin kaane danuu. dachee Tuulamaa bareedduu Salaaleetu biqilche.

Kana malees Salaale iddoowwan hawata turizimii hawwatoo iddoo haara galfii hedduu qabdi. kanneen akka Tulluu Salaalee,
Tulluu Ali Dheeraa,
HallayyaaCalanqoo,
Holqa Boolee,
Gadaamii Dabra libaanos,
Fincaa'aa Wasarbii,
Bosona Gaara Qacamaa fi Riqicha Poorchugaal dabalatee iddoowwaan hawwata Turiziimii hedduu qabdi.

Uummanni Salaalee uummata aartidhaan guutameedha.Salaaletti Yoo dhakaa garagalchan sirbatu jalaa burqa jedhama.
Uummanni Salaalee yoo bal'innis rakkinnis isa muudatte yoosuma walaloo walaleessuun weellisee waan keessa isaa jiru ibsata. Mee galaana aartii afoola Oromoo salaaleerraa xiqqoo ishii sin yaadachiisa.
" Salaalee bahuu malee barana salaalee bahuu malee
Yaa Waaq nan ajjeesinii
bakkuma garaa koo gahu malee...!

"Salaaleetti galanii shugguxii malee maal hidhatanii?
Magaallee jaalatanii dhukkuba laphee maaf himatanii?

" Salaal Salaal jetti kan salaalee galtuu;sh*ttoo sh*ttoo jetti kan wadaajii qabduu.

"Motubisiin bu'e Adaabbaaa Gan'aalee Nagaatti yaa biyya abbaakoo jette ijoolleen salaalee.

"Yaa biyya Baalee yaa biyya warqeen babal'aa,birraan bahee beenu salaaleetti gallaa.

" Salaale Yaa biyya itti galaa nyaatanii;wajjin gallaa yoo nu daddarbuu baatanii. jedhu haala jiru hunda ilaalanii..!

14/08/2026

Tulluu Taabor tti Ifasaa mullise
Addunyaa hundumaaf Waaqummaasaa ibse

Waaqni keenya
Mootiin moototaa
Karaan jireenyaa
Gooftaan Gooftotaa
Tulluu Taaboritti
Yeroo mullatee
Tulluun Taabori
Ifaan guutamte

Gooftaa Keenyaa
Waaqa Keenyaa
Yoo at jaalattee
Yoo nuuf heyyamte
As jiraachuuni
Nuyiif ba’eessa
Si wajjin ta’uun
Nu gammachiisa

Akka jiraannuuf
Si wajjin taanee
Mana haa ijaarru
Tokko si'ifi
Eeliyaasifis
Tokko museefis
At nuuf heyyami
Ilma Maariyaami

Uumaan jiraattota
Kan du'ootasi
Kan jiraachisuu
Inni ajjeesuus
Isa qofadha
Iyyesuus Kiristoos
Waaqa Eeliyaas
Uumaa museedha

Isan itti gammadu
Kanan jaaladhu
Isa dhagahaa
Isaan jiraadha
Abbaan dhugaa bahee
Samii gubbaatii
Sagalees erge
Kun mucaa kooti

Tokkummaaf sadummaa
Sirratt mullatee
Tulluun Taabori
Akkam carroomte
Ifni addunyaa
Sirratti mullate
Addunyaan hundi
Ifa argate

Waggaadhan nu gahi ilma Maariyaamii/2/
Eegde biyya keenya
Nagaadhani... Nu gahi
Eegde hunda keenya
Banee hafuu irraa
Balaa hamaa irraa
Eegitoo nu gahi
Yaa ilma Maaramii

Bara dhufus geenye
Jaalalaan wal taane
Mana keet argamne
Akka si faarfannu
Gaabbiin qulqulloofne
Mootummaa kee dhaalu

Kiristaanonni hundi
Cimnee amantiini
Kadhannaadhan cimne
Jaalalaan dhaabannee
Inni nu haa gargaaru
Isa wajjin jiraachuuf
Nu gahi/3/ nagaadhani
==•|•==
Faaruu Buhee

12/08/2026

⚜Baga Geessan⚜

Hagayya 07, guyyaa kanatti Qulqulleettii Haannaan gaa'ela qulqulluutiin Qulqulluu Iyyaaqem irraa Haadha Ifaa Dubroo Maariyaamiitiin ulfaa'uu isheetu yaadatama. Kunis ayyaanota Dubroo Maariyaam 33n keessaa isa tokkodha!

➠Abbootni, “Kufanii ka’u harkaan; turanii kabajamu ilmaan” akkuma jedhan gaddii fi giidiraan Addaamii fi Hewaan kan isaan irraa darbe mucaa isaan booda irra turanii argataniinidha. Abbaan Hiriyaaqoos, ‘Jalqabni uumama hundaa siin haaromfame’ akkuma jedhe Durbeen Maariyaam warra ishee Addaam fi Hewaaniin lammaffa kan deesse, mucaa isaaniiti. Abbaan Giyoorgis, ‘Abbaan Hewaan mucaa Hewaanirraa dhalate’ akka jedhe isheen uumaa Addaamii fi Hewaan deessee warra isheef akkoo ta’uu kan dandeessedha.

➠Jarraa hedduuf gaddi ture kan si cabse yaa haadha keenya Hewaan! mucaa kee ishee xiqqoodhaan akka jajjabaattuuf koottu ilaali; Waaqayyo abidda si’ool keessatti kan si gatee fi sababa keen dhalootni hundi gara si’ool seenuu isaanii argitee kan boossu yaa Hewaan, intalli kee firiin ishee gara si’ool dhufee si’iifi ilmaan kee akka baasu dubbachuuf jirra gara keenya kottu. Qulqullichi Efreem, “Egaa har’a Hewaan si’ool keessa teessee haa gammaddu; Ilmi intala ishee akkoo ishee fayyisuuf qoricha ta’ee bu’eera hoo!” jedhee kan si faarfate yaa Hewaan, yaa haadha keenya muka balasii du’a fiddu haammatte! mucaan kee ishee xiqqoon firii jireenyaa haammattee ishee ilaaltee akka ittiin jajjabaattuuf dafii koottu. “Yaa Hewaan jireenya siif fiddee jirtihoo kabaja intala keetti gammaduuf kottu”

➠Durbee Maariyaamiin yeroo hunda gammadi yoo jennuun Hewaaniinis ni yaadanna; “Hidhaan Hewaan miidhu siin kan irraa citeef yaa giiftii Maariyaam gammadi” jenna mitiiree! Yaa’iqoob inni Siruug akkas jedha:- “Gatiin Hewaan irra jiru maalidha? Mee xalayaan murtii ishee bahee haa dubbifamu; gatii Hewaan irratti mallatteessite Ilmi Dubroo Maariyaam amma ni kaffala. Bofti Hewaaniin ciniinee ture; Maariyaam isheen xiqqoon garuu fayyinaaf kan ta’u baala qorichaa kenniteef” Imimmaan Hewaan waggoota kuma shaniif dhibba shan dhangala’e kan haxoofteef, gaaddidduu du’aa jala teessee kan turte haadha ishee Hewaaniif jireenya kan deesse, Haadha ishee dukkana keessa deddeebituuf ifa haammattee kan kenniteef Haati Ifaa Durbee Maariyaam turte.

➠Dogoggora Hewaan mukkeen gannataa keessatti raawwatte Durbeen Maariyaam Naazreet galiilaatti sirreessite. Hewaan Gannata osoo jirtu wanta gochuu dadhabde hunda mucaan xiqqoon garuu raawwattee isheetti agarsiiste. Dhala namaa gannata keessaa kan baase haasawaan bofaa fi Hewaan gidduu ture sun lammaffa nama gara gannataatti kan deebise haasawaa qulqulluu Gabri’eelii fi Maariyaamii gidduu tureen bakka bu’e. Seenaan seexanni bofarra bulee dhala namaa dogongorsuu isaa, “bofti dubartittiin akkas jedhe” jedhamee guyyaa guyyaatti yoo dubbatamuufii boquu namaa cabsaa akkuma ture, amma garuu dabaree keenya dubbii Maariyaamii fi Gabri’eelii, “Ergamichis gara isheetti seenee akkas jedhe” jennee kadhannaa yeroo hundaa keessattillee utuu hin hafiin irra deddeebinee kan kadhanuuf faarfannu yaadannoo kabaja keenyaa ta’e. Simannaa dubaraan gara murteetti kan deeme dhalli namaa simannaa dubaraatiin gara jireenyaatti dhufuufi shirri seexanaa milkaa’uu dhabuu isaa faarfachuun missiraachoo dubbanna. “Har’a Gabri’eel ni dubbata waan ta’eef seexanni haa callisu; sobni ni bada; dhugaan ni mul’ata; kan turan hunduu darbu, Durbeen yeroo deessu hunduu lammaffaa haaraa ta’a” jedha Maar Yaa’iqoob.

Madda: የብርሃን እናት፣ ሄኖክ ኃይሌ (ዲ/ን)!

Eebbi ayyaana ishee nurra haa bulu! Ameeen!

09/08/2026

Nagaan sif haa tahu yaa mana kiristaana qulqulleetti fkn Iyeerusaleem samii
ሰላም ለአንቺ ይሁን ቅ/ቤ/ክን አምሳል እየሩሳሌም ሰማይት
Mana Kiristaanaa Ortodoksii Tawaahidoo Tulluu Qarmeeloos Giyoorgisii Alamganaa.⛪💚❤️

Mi'ooftuu multimedia

23/08/2026

22/08/2026

21/08/2026

18/08/2026

18/08/2026

15/08/2026

15/08/2026

14/08/2026

12/08/2026

09/08/2026

Address

Website

Alerts

Shortcuts

Share

Category

Listing takedown request