Teenya Olluma

29/09/2025

29/09/2025

የመደመር መንግሥት ነገን የተሻለ ለማድረግ የትናንት፣ የዛሬና የነገ ተደራራቢ ኃላፊነቶቻችንን በአስቸኳይ እንድንወጣ ያደርጋል፡፡ እንዲሁም ተለዋዋጭ በሆነው የዓለም ሁኔታ ውስጥ፣ ጥንካሬያችንን ለማረጋገጥና ከግባችን ለመድረስ እንድንፈጥን ያስችላል፡፡ የመደመር መንግሥት ፍጥነትና ፈጠራን መሠረት ያደረገ ዕሳቤ ነው፡፡

29/09/2025

29/09/2025

መሶብ፡ አገልግሎት ከማዘመን በላይ

ኢትዮጵያ በያዘችው የተቋማት ሪፎርም ስራ ለዘመናት የተደራረቡ ችግሮችን እየቀረፈች ትገኛለች። በአገልግሎት አሰጣጥ ዘርፍ የተከማቹ ብልሹ አሰራሮች ለዜጎች የቅሬታ ምንጭ ሆነዋል። ሙስና የተንሰራፋበት ስርዓት ተፈጥሯል። ለሀገር ኢኮኖሚ ዕድገትም ማነቆ ሆኖ ሰንብቷል።

መንግስት በሀገር አቀፍ ደረጃ ያስጠናው "የምስለ ተገልጋይ" ጥናት በአገልግሎት አሰጣጥ ዘርፍ ያለው ችግር የተወሳሰበና ዘላቂ መፍትሄ የሚያስፈልገው እንደሆነ አረጋግጧል።

ሀገራዊ መልክ ያለውን የአገልግሎት አሰጣጥ ችግር ወጥነት ባለው መንገድ በቴክኖሎጂ የታገዘ መፍትሔ መፍጠር ተችሏል። "መሶብ" የአንድ ማዕከል አገልግሎት ዲጂታል ኢትዮጵያ እውን ለማድረግ እየተሰራ የሚገኘው ስራ ውጤታማ እየሆነ መምጣቱን ማረጋገጫ ነው። የዲጂታል ኢኮኖሚ ሽግግር መሰረት እንዲይዝ የሚያደርግ ነው።

"መሶብ" የለውጡ መንግስት የአገልግሎት አሰጣጥ ዘርፍ ችግሮችን ለመቅረፍ ከወሰዳቸው ቆራጥ እርምጃዎች አንዱ ነው።

መሶብ የአንድ ማዕከል አገልግሎት በአንድ ጣራ ስር የተለያዩ የመንግስት አገልግሎቶችን በማጣመር ምርጥ የዲጂታል ቴክኖሎጂዎችን በመጠቀም የሚሰጥ አገልግሎት ነው።

የአሰራር ስርዓቱ ዜጎች የተሟላ የዲጂታል አማራጮችን በመጠቀም በቀላሉ የተለያዩ የመንግስት ተቋማትን አገልግሎት እንዲያገኙ ያስችላል።

ይህም ባለጉዳዮች ወደ ተለያዩ ቢሮዎች የሚያደርጉትን ምልልስ፣ ረጅም የወረፋ ጥበቃ እና ከወረቀት ጋር ተዛማጅ የሆኑ ስራዎችን የሚያሰቀር ነው፡፡

መንግስት በአገልግሎት አሰጣጥ ረገድ ይስተዋሉ የነበሩና ለዜጎች የቅሬታ ምንጭ የሆኑትን ችግሮች በዘላቂነት ለመፍታት እየሰራ ነው።

የመንግሥት አገልግሎትና አስተዳደር ሪፎርም
ዜጎች ፈጣን አገልግሎት እንዲያገኙ ያስችላል።

ይህ ተግባር የዜጎችን እንግልት በማስቀረት በሀገር ኢኮኖሚ ላይም አዎንታዊ ሚና ይጫወታል።

መሶብ የአንድ ማዕከል አገልግሎት ከሙስና የጸዳ ቀልጣፋ አገልግሎት መስጠት ያስችላል። ኢትዮጵያ በዲጂታል ዘርፍ እያደረገች ያለችውን ሪፎርም በመታገዝ መሶብ የአንድ ማዕከል አገልግሎትን ታሳልጣለች።

ሀገራዊ ተቋማትን በተሳለጠ መንገድ እውን ማድረግ የሚኖረው ፋይዳ አገልግሎትን ከማዘመን በላይ ነው።
ለሀገራዊ አንድነት ትርክት መጎልበትም የሚያበረክቱት አስተዋጽኦ የላቀ ነው። ሀገራዊ ትርክት አንዱ የሚፀናው በጠንካራ ሀገራዊ ተቋማት ነውና።

በአጠቃላይ የሀገረ መንግስት ግንባታ ስራ በተቀናጀና በተናበበ የለውጥ አመራር እየተሰራ መሆኑን ያመላክታል። የዜጋ ተኮር ፖሊሲ ተግባራዊነት በመሶብ የተረጋገጠ ሲሆን መንግስት ባለፉት ሰባት ዓመታት የፈፀማቸው የሪፎርም ስራዎች የህዝቡን ሁለንተናዊ ተጠቃሚነት በማረጋገጥ ለሀገር ብልፅግና መሰረት የሚሆኑ ናቸው።

29/09/2025

ከአደጉት ሀገራት ጎራ ለመቀላቀል የሚያስችሉን ሦስት ስልቶች:-

🔥 መፍጠር
🔥 መፍጠን
🔥 መዝለል

የመደመር መንግሥት መጽሐፍ ገጽ 91

28/09/2025