Teenya Olluma

10/06/2026

የፖለቲካ መረጋጋትና መግባባት በሀገር ደረጃ መፍጠር የሚቻለው የሚከተሉት ሁለት ነገሮች ሲኖሩ ነው። የመጀመሪያው የፖለቲካ ሥልጣን ለሰፊው ማኅበረሰብ ለጋራ ጥቅም እንደሚውል ሲታመን ነው። ሁለተኛው ደግሞ መልካም አስተዳደር ማስፈን ግቡ ያደረገ ሥርዓት ሲኖር ነው። ለዚህም ፈጣን ማኅበረሰባዊና ሥርዓታዊ ለውጦችን ማድረግ ይጠይቃል፡፡ እነዚህ ለውጦች በፍጥነት ካልተመሩ የተለያዩ የፖለቲካ ቡድኖችና የማኅበረሰብ ክፍሎች ነጣጣይ አጀንዳ በመፍጠር ስለሚጠመዱ፣ የፖለቲካ አለመረጋጋት በሀገሩ ይንሠራፋል፡፡

የመደመር መንግሥት ገጽ 287

10/06/2026

10/06/2026

ሐረሪን ተመራጭ የቱሪዝም መዳረሻ ለማድረግ ይሰራል - የክልሉ ቱሪዝም ኮሚሽን

ሐረሪ ክልልን ተመራጭ የቱሪዝም መዳረሻ በማድረግ የህዝቡን ተጠቃሚነት ለማረጋገጥ እንደሚሰራ የሐረሪ ቱሪዝም ኮሚሽን አስታወቀ።

የሐረሪ ክልል ቱሪዝም ኮሚሽን በደንብ ራሱን ችሎ እንዲዋቀር በክልሉ መስተዳደር ምክር ቤት ከቀናት በፊት መጽደቁ ይታወሳል።

የክልሉ የቱሪዝም ኮሚሽን ኮሚሽነር ሳሚ አብዱልዋሲ የኮሚሽኑ መቋቋምን እና በቀጣይ ሊሰሩ የታቀዱ ስራዎችን አስመልክቶ መግለጫ ሰጥተዋል።

ኮሚሽነሩ በሰጡት መግለጫ በክልሉ በዩኒስኮ የተመዘገቡ ሁለት ቀርሶችን ጨምሮ በርካታ ቀሳዊና መንፈሳዊ ቅርሶች መገኛ ነው።

የክልሉ መንግስት "ክልሉን ለጎብኚዎች ቀዳሚና ተመራጭ መዳረሻ ሆኖ ማየት" በሚል መሪ ሐሳብ ኮሚሽኑን በአዲስ መልክ ማቋቋሙን ተናግረዋል።

የክልሉ መንግሥት የቱሪዝም ልማትን ከአገር በቀል ኢኮኖሚ አውታሮች እንደ አንዱ ይዞ በሰጠው ትኩረት መቋቋሙን ገልጸዋል።

ክልሉ ያለውን እምቅ የቱሪዝም መስህብ ለሀገር ውስጥና ለውጭ ሀገር ጎብኚዎች በማስተዋወቅ ሐረሪን የቱሪዝም መዳረሻ ማድረግ የኮሚሽኑ ዋና ዓላማ መሆኑን አመላክተዋል።

እንደ ኮሚሽነር ሳሚ ገለጻ በክልሉ ያሉት የቱሪዝም መስህቦች እንዲለሙ ከማድረግ ባሻገር የቱሪዝም እሳቤን የማሳደግ፣ ዘርፉን የማዘመን፣ ሀብቶችንና መዳረሻዎችን የዲጂታል ፕላትፎርሞችን በመጠቀም የማስተዋወቅ ስራዎች ይሰራል ብለዋል።

ኮሚሽኑ የተቋቋመበት ዋና ዓላማ በክልሉ ውስጥ ያሉ ልዩ ልዩ ቁሳዊና መንፈሳዊ እንዲሁም ታሪካዊ ቅርሶችን እና የባህል መስህቦችን ሌሎች መዳረሻዎችን ለሀገር ውስጥ እና ለዓለም አቀፍ ጎብኚዎች በማስተዋወቅ በዘርፉ ኢኮኖሚያዊ ተጠቃሚነትን ማሳደርግ ነው ብለዋል።

በቱሪዝም ዘርፍ ለአካባቢው ወጣቶች የስራ እድሎችን በመፍጠር እንዲሁም ኢንቨስትመንትን ለመሳብ ይሰራል ብለዋል።

የቱሪዝም ሀብትን ለማስተዋወቅ፣ ዘርፉን ለማነቃቃት እንዲሁም የባለድርሻ አካላትን ትስስር ለመፍጠር ዓመታዊ የሐረሪ ቱሪዝም ሳምንትን ያዘጋጃል ብለዋል።

10/06/2026