12/08/2026
🎖️🎖️🎖️
𝐒𝐚𝐠𝐚𝐥𝐞𝐞 𝐃𝐚𝐫𝐠𝐚𝐠𝐠𝐨𝐨𝐧𝐧𝐢 𝐆𝐨𝐝𝐢𝐧𝐚 𝐇𝐚𝐫𝐚𝐫𝐠𝐞𝐞 𝐁𝐚𝐡𝐚𝐚 𝐀𝐦𝐚𝐚𝐧𝐚 𝐍𝐮𝐭𝐭𝐢 𝐊𝐞𝐧𝐧𝐞𝐞, 𝐈𝐬𝐚𝐚𝐧𝐢𝐢𝐟 𝐌𝐢𝐫𝐤𝐚𝐧𝐞𝐞𝐬𝐬𝐢𝐧𝐞𝐞𝐫𝐚! 👈🔥
Dargaggoonni humna jijjiiramaa, abdii boruu fi abbootii gahee guddaa ta’anidha. Addatti immoo dargaggoonni Godina Harargee Bahaa, rakkoo fi carraa jiru sirriitti hubachuun, tokkummaa, jaalala biyyaa, hojii fi kalaqaan egeree isaanii ijaaruu qabu.
Harargeen Bahaa qabeenya uumamaa, qabeenya namaa fi aadaa badhaadhaa qabduudha. Qabeenya kana gara misoomaatti jijjiiruuf gaheen dargaggootaa olaanaadha. Dargaggeessi har’aa yoo beekumsa isaa cimsate, hojii uumuu irratti xiyyeeffate, nageenya naannoo isaa eeguuf gahee isaa bahe, akkasumas hawaasa isaa waliin ta’ee hojjete, boruun Harargee Bahaa daran ifa ta’a.
🤝 𝐓𝐨𝐤𝐤𝐮𝐦𝐦𝐚𝐚𝐧 𝐇𝐮𝐦𝐧𝐚 𝐊𝐞𝐞𝐧𝐲𝐚!
Dargaggoonni keenya garaagarummaa yaadaa fi ilaalchaa yoo qabaatanillee, dhimma waliinii irratti tokko ta’uun barbaachisaadha. Tokkummaan keenya bu’uura nageenyaa, misoomaa fi guddinaati. Wal kabajuu, wal dhaggeeffachuu, yaada gaarii wal irraa barachuu fi rakkoo keenya mariidhaan furuun dhaloota cimaa ijaara.
Dargaggeessi tokko yoo milkaa’e, maatii isaa qofa osoo hin taane hawaasa isaa fi biyya isaa fayyada. Kanaafuu, dargaggoonni keenya carraa argatan hundatti fayyadamuun of ijaaruu, ogummaa horachuu, hojii uumuu fi dhaloota itti aanuuf fakkeenya gaarii ta’uu qabu.
🌱 𝐃𝐚𝐫𝐠𝐚𝐠𝐠𝐨𝐨𝐧𝐧𝐢 𝐇𝐚𝐫𝐚𝐫𝐠𝐞𝐞 𝐁𝐚𝐡𝐚𝐚 𝐀𝐦𝐚𝐚𝐧𝐚 𝐌𝐢𝐫𝐤𝐚𝐧𝐞𝐞𝐬𝐬𝐮!
Amma yeroo dargaggeessi tokko waa’ee egeree isaa murteeffatuudha. Yeroo hojii uumuu, kalaqa babal’isuu, teknooloojii fayyadamuufi hawaasa isaa keessatti jijjiirama fiduuf carraa guddaan jiruudha.
Kanaaf, dargaggoonni Godina Harargee Bahaa:
Dinaraas Harargee Page
