06/02/2026
ማራማዊታ 300 ሺህ ብሩን ለአርቲስት ቤዛነሽ ትስጣት!!💔🙏
ተወዳጇ አርቲስት ማራማዊት አባተ በፒኤስጂ እና አርሰናል ጨዋታ ፒኤስጂ ያሸንፋል ብላ 300ሺ ብር ቁማር መብላቷን ይፋ ማድረጓ ይታወቃል ። አርቲስቷ የቁማር ገንዘብ አካውንቴ ውስጥ እንዲገባ አልፈልግም፣ ቤተክርስቲያንም አይቀበለውም ምን ላድርገው?" ስትል ጠይቃለች ።
ይሄንኑ ተከትሎ ማራማዊት አሁን በችግር ላይ ለምትገኘው አንጋፋዋ አርቲስት ቤዛነሽ አያሌው ገንዘቡን እንድትሰጥ በርካቶች እየጠየቁ ይገኛል ። አጋጣሚ ዝም ብሎ የመጣ አለመሆኑን በመጥቀስ ፤ አንቺ ገንዘቡ "እጄን አይንካው" ብለሻል፤ እግዚአብሔር ደግሞ በኪነጥበብ ውስጥ የብዙዎቻችን እናት የሆነችውን የቤዛነሽን በር እንድታንኳኪ መንገድ እየመራሽ ነው ሲሉ ማራማዊት ለተቸገረችው ቤዛነሽ ብሩን ድጋፍ እንድታደርግ ሃሳብ አቅርበዋል ።
ይህንን 300 ሺህ ብር ለእናታችን ለቤዛነሽ አያሌው ብታበረክቺላት ፣ ለኪነጥበቡ ቤተሰብ ትልቅ ክብርና ኩራት ትሆኛለሽ። ለራስሽ ህሊና ማንም ሊሰጥሽ የማይችለውን ታላቅ ሰላምና በረከት ታገኚበታለሽ። ለእናታችን ቤዛነሽ በጭንቋ ቀን የደረስሽላት ውድ ልጅዋ ትሆኛለሽ።
አንጋፋዋ አርቲስት ቤዛነሽ ፤ በኢትዮጵያ ኪነጥበብ በተለይም በእናትነት ትወናዋና በድንቅ ብቃቷ ትታወቃለች ። ለብዙ ዓመታት ለህዝብ ሻማ የሆነችው አርቲስት ቤዛነሽ አያሌው መጠለያ አጥታ መቸገሯን ተናግራለች ። አሁን ያለሁበትን ችግር ከንቲባ አዳነች አበቤ ይወቁልኝ ፤ መልዕክቴን አድርሱልኝ ስትል ሀዘን በተቀላቀለ ስሜት በቲክቶክ ገጿ ሀሳቧን ማጋራቷ ይታወቃል ።
ለዚህም ይመስላል ማራማዊት በቁማር የበላችውን ገንዘብ በችግር ላይ ለምትገኘው አርቲስት ብትሰጥ ለኪነጥበቡም ሆነ ለህሊናዋ ትልቅ ትርጉም ይኖረዋል ። ከዚህ አንፃር በርካቶችም ገንዘቡን ለዚህች እናታችን እንዲሰጥልን ድምጻቸውን እያሰሙ ነው። ማርያማዊት ይህንን የወገን ጥሪ ሰምታ የሁላችንንም ልብ እንደምታስደስት እናምናለን!
