Techviewspro

Techviewspro နည္းပညာသတင္းအခ်က္အလက္ေတြအတြက္ Likes လုပ္ထားလိုက္ပါ

26/10/2025

Infinix Hot 60i ဝယ်ဖို့စဉ်းစားနေလား? ဒီဗီဒီယိုထဲမှာတော့ Infinix Hot 60i ကိုခဏသုံးကြည့်ထားတဲ့အတွေ့အကြုံအပေါ် အခြေခံပြီး အမြင်တချို့ကိုပြောပြပေးထားပါတယ်။ Performance မှစပြီး Battery Life, ကင်မရာရုပ်ထွက်အရည်အသွေး စတာတွေက ပေးရတဲ့ဈေးနဲ့ တန်မလားဆိုတာ အချက်အလက်တွေအရ သိရမှာပါ။
#ခံနိုင်ရည်ကြမ်းဘက်ထရီလန်း

AI စနစ်တွေဦးစားပေးလာတဲ့ Galaxy A17 ဖုန်း မြန်မာနိုင်ငံမှာ မိတ်ဆက်လိုက်ပါတယ်။-----------------------------------------Sam...
23/10/2025

AI စနစ်တွေဦးစားပေးလာတဲ့ Galaxy A17 ဖုန်း မြန်မာနိုင်ငံမှာ မိတ်ဆက်လိုက်ပါတယ်။
-----------------------------------------
Samsung က ဖုန်းအသစ်နှစ်မျိုးကို မြန်မာပြည်အတွက် တရားဝင် မိတ်ဆက်လိုက်တယ်။ အဲ့ဖုန်း ၂ မျိုးက Galaxy A17 5G နဲ့ Galaxy A17 ဆိုတဲ့ ဖုန်းတွေပါ။ သူ့မှာက Awesome Galaxy AI လုပ်ဆောင်ချက်တွေ အများကြီးပါလာတယ်လို့ သိရပါတယ်။

ဒီဖုန်းတွေမှာ AI စနစ်တွေက တော်တော်မိုက်တယ်လို့ ပြောလို့ရတယ်။ သူ့မှာအဆင့်မြှင့်ထားတဲ့ Galaxy AI လုပ်ဆောင်ချက်တွေ ပါလာတာ။ ဥပမာ- Circle to Search မှာ သီချင်းရှာတာအပြင်၊ ဖုန်းခေါ်ဆိုတာတွေ၊ အီးမေးလ်ပို့တာတွေကို တစ်ချက်နှိပ်ရုံနဲ့ လွယ်လွယ်ကူကူ မြန်မြန်ဆန်ဆန် လုပ်ဆောင်နိုင်မယ့် AI စနစ်တွေ ပါလာတယ်။ ပြီးတော့ Gemini Live နဲ့လည်း အပြန်အလှန် စကားပြောပြီး သိချင်တာတွေကို တိုက်ရိုက်မေးမြန်းနိုင်မယ်ဆိုတော့ တော်တော်လေးအဆင်ပြေလိမ့်မယ်။

ကင်မရာ ပိုင်းဆိုရင်လည်း ရုပ်ထွက်ပြတ်သားဖို့အတွက် OIS (Optical Image Stabilization) စနစ် ပါတဲ့ 50MP Main ကင်မရာ ပါတယ်။ နောက်ထပ် 5MP Ultra-Wide နဲ့ 2MP Macro ကင်မရာတွေလည်း ပါသေးတယ်။ ရှေ့ကင်မရာကတော့ 13MP Selfie ကင်မရာ ထည့်ပေးထားတာမို့လို့ ပုံကောင်းတွေ ရိုက်လို့ရမယ့် ဖုန်းတွေပေါ့။

နောက်ပြီး ဖုန်းမလဲဘဲ အကြာကြီး သုံးချင်သူတွေအတွက်လည်း အားသာချက်တွေ အများကြီးရှိတယ်။ ဖုန်းကို နှစ်တွေအကြာကြီး သုံးနိုင်အောင်လို့ OS Update နဲ့ Security Upgrade တွေကို ၆ နှစ်အထိ ပေးထားတယ် ။ မတော်တဆ မှန်ကွဲတာ၊ ထိခိုက်တာမျိုး ဖြစ်ခဲ့ရင်လည်း Samsung Care+ ကို ၂ နှစ်အထိ တိုးမြှင့်ကာကွယ်ပေးထား လို့ စိတ်ပူစရာမလိုတော့ဘူး။ IP54 အဆင့် ရေစိုဒဏ်ခံနိုင်စွမ်းလည်း ပါတယ်။ လုံခြုံရေးအတွက်ဆိုရင် ကမ္ဘာ့အဆင့်မီ လက်မှတ်ရထားတဲ့ Samsung Knox Vault ကိုလည်း ထည့်ပေးထားတယ်။

ဖုန်းရဲ့ ဒီဇိုင်းကလည်း ကိုင်ရတာ အဆင်ပြေအောင် ပေါ့ပါးကျစ်လျစ်တယ်။ 7.5mm လောက်ပဲ ထူပြီး 192g ပဲ လေး တာကြောင့် လက်မှာ ကိုင်သုံးရတာ သက်သောင့်သက်သာ ရှိတယ်။ အရှေ့ဘက် Display ဆိုရင် Gorilla Glass Victus ကို သုံးထားတော့ အကြမ်းခံတယ်။

Display ပိုင်းကို ပြောရမယ်ဆိုရင် 6.7" အရွယ်အစားရှိတဲ့ Super AMOLED Infinity-U Display ကို 90Hz refresh rate နဲ့ သုံးရမှာဖြစ်ပြီးတော့ HDM 800nitsအထိ အလင်းထုတ်ပေးနိုင် တာမို့လို့ အပြင်ဘက် နေရောင်ခြည် များတဲ့ နေရာတွေမှာတောင် အဆင်ပြေပြေ ကြည့်သုံးလို့ရမယ်။

Chipset ကတော့ Exynos 1330 5nm ကို ထည့်ပေးထားတာမို့လို့ ရုပ်ရှင်ကြည့်တာ၊ ဂိမ်းကစားတာနဲ့ တစ်ချိန်တည်းမှာ အလုပ်မျိုးစုံ လုပ်တာတွေကို သွက်သွက်လက်လက်နဲ့ လုပ်လို့ရမယ်။

ဘက်ထရီ အားခံဖို့ဆိုရင်လည်း သူ့မှာက 5,000 mAh ဘက်ထရီ ထည့်ပေးထားလို့ အားပြန်သွင်းရင် 25W Super-Fast Charging နဲ့ အမြန်ဆုံး အားပြန်သွင်းပေးနိုင်မှာပါ။

ဈေးနှုန်းနဲ့ မော်ဒယ်တွေ ကို ပြောပြရရင်တော့

Galaxy A17 5G မော်ဒယ် က

8GB RAM / 256GB ROM - ၁,၀၅၃,၀၀၀ ကျပ်

8GB RAM / 128GB ROM - ၉၂၇,၀၀၀ ကျပ်

အရောင်တွေဆိုရင် Black နဲ့ Blue နှစ်ရောင် ရွေးလို့ရတယ်။

Galaxy A17 မော်ဒယ်က

8GB RAM / 256GB ROM - ၉၁၆,၀၀၀ ကျပ်

8GB RAM / 128GB ROM - ၇၉၅,၀၀၀ ကျပ်

6GB RAM / 128GB ROM - ၆၇၄,၀၀၀ ကျပ်

အရောင်တွေဆိုရင် Black၊ Grey၊ Light Blue သုံးရောင် ရွေးနိုင်တယ်။

ဝယ်ရင်ရမယ့် လက်ဆောင်နဲ့ ခံစားခွင့်တွေ ကိုလည်း ပြောပြပေးမယ်။

လက်ဆောင်အနေနဲ့ 25W Charger နဲ့ Silicone Cover ပါတဲ့ Free Gift Bundle Box ကို ပစ္စည်းလက်ကျန်ရှိသလောက် ရမယ်။

အရစ်ကျ ဝယ်မယ်ဆိုရင် AYA Pay ဒါမှမဟုတ် Blue Season တို့နဲ့ ချိတ်ဆက်ပြီး ၆ လ အတိုးမဲ့ အရစ်ကျစနစ် နဲ့ ဝယ်ယူနိုင်တယ်။ Rent 2 Own အစီအစဉ်နဲ့ဆိုရင်လည်း ပျမ်းမျှ ၂.၄% ဝန်းကျင် အတိုးနှုန်းနဲ့ ၁၂ လ အရစ်ကျ ဝယ်ယူနိုင်ပါမယ်။

ATOM SIM Card သုံးတဲ့သူတွေအတွက်ဆိုရင် လစဉ် ဖုန်းဘေလ် ဖြည့်သွင်းရုံနဲ့ ဒေတာ 3GB ကနေ 8GB အထိကို ၆ ကြိမ် အခမဲ့ ရဦးမှာ ဖြစ်ပါတယ်။

အဲဒီ Galaxy A17 စမတ်ဖုန်းအသစ်တွေကို နီးစပ်ရာ Samsung Showroom တွေ၊ အရောင်းကိုယ်စားလှယ်ဆိုင်တွေနဲ့ Samsung ရဲ့ တရားဝင် eStore တို့ကနေ ဝယ်ယူရရှိနိုင်မယ်လို့ သိရတယ်။

19/10/2025

Huawei ရဲ့ Pura 80 Utra နဲ့ Pura 80 က ဘယ်လိုဖုန်းတွေလဲဆိုတာနဲ့ ဘယ်သူတွေအတွက် ပိုအဆင်ပြေမလဲဆိုတာကို Launch ပွဲမှာတွေ့ခဲ့ရတာကိုအခြေခံပြီး First Impression အမြင်ကိုပြောပေးထားတယ်။

ကင်မရာကြမ်းတဲ့ Huawei ရဲ့ Flagship model တွေဖြစ်တဲ့ Pura 80 Base နဲ့ Pura 80 ultra ဖုန်း ၂ မျိုးကို မြန်မာပြည်မှာ မိတ်ဆ...
18/10/2025

ကင်မရာကြမ်းတဲ့ Huawei ရဲ့ Flagship model တွေဖြစ်တဲ့ Pura 80 Base နဲ့ Pura 80 ultra ဖုန်း ၂ မျိုးကို မြန်မာပြည်မှာ မိတ်ဆက်လာပါတယ်။
-------------------------------

Pura 80 ရဲ့ဈေးက ၂,၃၄၉,၀၀၀ ကျပ်နဲ့စရောင်းမှာဖြစ်ပြီးတော့ Pura 80 Ultra ကတော့ သိန်း ၄၀ ကျော်ဝန်းကျင်လောက်ရှိမယ်လို့သိရတယ်။

Pura 80 က base မော်ဒယ်ဖြစ်တာအပြင်ကိုမှ ဈေးကလည်း တော်တော်လေး သက်သာပြီးတော့ သူရဲ့ စွမ်းဆောင်ရည်တွေကလည်း မနိမ့်ပါဘူး။

Pura 80 ဆိုတာ Pura 80 စီးရီးရဲ့ Standard Model ပါ။ တကယ်တော့ ဒီဖုန်းလေးဟာ ကင်မရာပိုင်းနဲ့ ဒီဇိုင်းပိုင်းကို အဓိကထားပြီး ထုတ်ထားတဲ့ High-end စမတ်ဖုန်း တစ်လုံးလို့ ပြောလို့ရတယ်။
သူ့ရဲ့အဓိက အချက်ထဲမှာ ကင်မရာပိုင်းဆိုရင် အနောက်ကင်မရာတွေကတော့ အားရဖို့ကောင်းတယ်။

50MP Ultra Lighting ကင်မရာ တစ်လုံးပါတယ်။ သူက F1.4 ကနေ F4.0 အထိ Aperture ကို ပြောင်းလဲသုံးလို့ရသလို OIS လည်း ပါတယ်။
13MP Ultra-Wide Angle နဲ့ 12MP Periscope Telephoto ကင်မရာ တစ်လုံးလည်း ထည့်ပေးထားပြီး 5x optical zoom ဆွဲလို့ရတယ်၊ OIS လည်း Support ပေးထားတယ်။ နောက်ပြီး 1.5MP Multi-spectral/Ultra Chroma ကင်မရာ လည်း ပါသေးတယ်။

ရှေ့ကင်မရာကတော့ 13MP (Wide Angle, Autofocus) ပါ။ ကင်မရာတွေရဲ့ထူးခြားချက်အနေနဲ့ Ultra Chroma XMAGE နည်းပညာ ကြောင့် ဓာတ်ပုံတွေရဲ့ အရောင်အသွေးက တကယ့်ကို မိုက်တယ်။ နောက်ပြီး 50x Digital Zoom အထိလည်း ဆွဲရိုက်လို့ရတယ်။

Display အရွယ်အစားကတော့ 6.6 လက်မ ပါ။ LTPO OLED အမျိုးအစား ဖြစ်ပြီး ရုပ်ထွက်က 2760 x 1256 pixels ရှိတယ်။ Refresh Rate က 1-120 Hz အထိ လိုက်လျောညီထွေ ပြောင်းလဲပေးနိုင်လို့ ဖုန်းသုံးရတာ အရမ်းချောမွေ့နေလိမ့်မယ်။ Kunlun Glass 2 လိုမျိုး ပိုခိုင်မာတဲ့ မှန် ကို သုံးပေးထားတယ်။

Brightness အမြင့်ဆုံး 2800 nits အထိ ရတာမို့လို့ နေရောင်အောက်မှာတောင် ရှင်းရှင်းလင်းလင်း မြင်ရတယ်။

Chipset က Kirin 9010s ကို အသုံးပြုထားတယ်။ Operating System က EMUI 15 နဲ့လာတယ်။ Memory က 12GB RAM ပါဝင်ပြီးတော့ Internal Storage ကိုတော့ 256GB / 512GB ရွေးချယ်လို့ရမယ်။

ဘက်ထရီက 5170 mAh ဆိုတော့ လုံလောက်ပါတယ်။ အားသွင်းစနစ် အနေနဲ့ 66W ကြိုးတပ် Supercharge နဲ့ 50W ကြိုးမဲ့ Supercharge နှစ်မျိုးလုံးကို Support လုပ်ပေးထားတယ်။ မြန်မြန်ဆန်ဆန် အားပြန်ဖြည့်လို့ရမယ်။

တခြား ထူးခြားချက်တွေကတော့ ကိုယ်ထည်က ရှေ့နောက် ဖန်သားနဲ့လုပ်ထားပြီး ဘောင်ကတော့ အလူမီနီယမ် ကို သုံးထားတာပါ။

ရေနဲ့ ဖုန်ဒဏ်ခံနိုင်မှု ကတော့ IP68 အဆင့် ရထားတာမို့ ရေအနက် ၂ မီတာအထိ မိနစ် ၃၀ ခံနိုင်ရည်ရှိတယ်။ 5G ကွန်ရက် ကိုလည်း သုံးလို့ရပါတယ်။

AI (Artificial Intelligence) စနစ်အသစ်တွေ လည်း ပါလာတယ်။ ဒီ Huawei Pura 80 က ဒီဇိုင်းလည်းလှ၊ ကင်မရာလည်း အစွမ်းထက်၊ အားသွင်းတာလည်း မြန်ဆန်လို့ စိတ်ဝင်စားဖို့ကောင်းတဲ့ Base model ပေါ့နော်။

နောက်ထပ် Pura 80 Series ရဲ့ အမြင့်ဆုံး မော်ဒယ် Pura 80 Ultra ကတော့ ၂၀၂၅ ခုနှစ်ရဲ့ အကောင်းဆုံး Flagship ဖုန်းလို့ ပြောလို့ရပြီးတော့ သူ့ရဲ့ ထူးခြားချက်ကတော့ ကင်မရာစနစ် ပါပဲ။ ဘာလို့လဲဆိုတော့ တခြားဖုန်းတွေမှာ မတွေ့ရသေးတဲ့ လဲလှယ်သုံးလို့ရတဲ့ Telephoto မှန်ဘီလူးနှစ်ခု ကို တစ်ပြိုင်နက်တည်း ထည့်သွင်းပေးထားလို့ပါပဲ။ ဓာတ်ပုံရိုက်တာမှာတော့ တကယ့်ကို အစွမ်းထက်တယ်။

Main camera 50MP က 1 inch အရွယ်အစားရှိတဲ့ Ultra Lighting HDR Sensor ကို သုံးထားတယ်။ ဒါ့အပြင်၊ f/1.6 ကနေ f/4.0 အထိ ကိုယ်တိုင်လှည့်ပြီး ပြောင်းလဲလို့ရတဲ့ Aperture လည်း ပါတော့ အလင်းနည်းတဲ့ နေရာတွေမှာတောင် ဓာတ်ပုံရိုက်ရင် Detail အရမ်းကောင်းပြီး အလင်းအမှောင် ကောင်းတဲ့ ဓာတ်ပုံတွေရတာတွေ့ရတယ်။

Telephoto မှန်ဘီလူးနှစ်ခုက တကယ်ကို ဆန်းသစ်တယ်။ သူက Sensor တစ်ခုတည်းကိုသုံးပြီး မှန်ဘီလူးနှစ်ခု ကို ထည့်ထားတာပါ။ ဒါကြောင့် 3.7x ရော၊ 9.4x optical zoom ရော နှစ်မျိုးလုံးကို အရမ်းကြည်လင်ပြတ်သားစွာ ရိုက်ကူးနိုင်တယ်။ အဝေးက အရာတွေကို Detail ကျကျ ဖမ်းယူဖို့အတွက် တကယ်ကို အားကောင်းပါတယ်။

Ultra-wide ကင်မရာ အနေနဲ့ပါလာတဲ့ Ultra-wide မှန်ဘီလူးကလည်း 40MP ရှိပြီး Autofocus ပါတာကြောင့် သာမန် Ultra-wide ရိုက်တာအပြင် Macro ကင်မရာ အနေနဲ့လည်း အနီးကပ်ပုံတွေကို ထင်ရှားပြတ်သားစွာ ရိုက်ယူနိုင်ပါသေးတယ်။

Display အမျိုးအစားက 6.8 လက်မ LTPO OLED ကို သုံးထားပြီး ဘေးဘောင်လေးဘက်စလုံး ကွေးနေတဲ့ Quad-curved ပုံစံ Display ကိုသုံးထားတယ်။ 1–120 Hz အထိ အလိုအလျောက် ပြောင်းလဲပေးနိုင်တဲ့ Refresh Rate ပါဝင်လို့ ဖုန်းသုံးရတာ အရမ်းချောမွေ့နေမှာပါ။ 3,000 Nits အထိ တောက်ပမှု အမြင့်ဆုံး ထုတ်ပေးနိုင်တာမို့လို့ နေရောင်အောက်မှာတောင် ဖုန်းကို ရှင်းရှင်းလင်းလင်း ကြည့်လို့ရတယ်။ Display အကြမ်းခံတာကတော့ ဒုတိယမျိုးဆက် Crystal Armor Kunlun Glass နဲ့ ကာကွယ်ထားတဲ့အတွက် ခြစ်ရာတွေနဲ့ ပြုတ်ကျတာမျိုးကို ပိုပြီး ခံနိုင်ရည်ရှိတယ် လို့ Huawei က ပြောတယ်။

ဘက်ထရီအား: 5,170 mAh ဘက်ထရီကို ထည့်ပေးထားတယ်။ အားသွင်းနှုန်းက ကြိုးနဲ့အားသွင်းရင် 100W နဲ့ အားသွင်းလို့ရမယ် Wireless Charger ဆိုရင် 80W အားသွင်းစနစ်ကို Huawei ရဲ့ သီးသန့်ထုတ်ကုန်တွေနဲ့ အသုံးပြုပြီး အရမ်းလျင်လျင်မြန်မြန် အားသွင်း လို့ရတယ်။

ဒီဖုန်းအမျိုးအစား ၂ ခုလုံးကို အခုကစပြီးတော့ မြန်မာပြည်ရဲ့ မိုဘိုင်းဖုန်းအရောင်းဆိုင်ကြီးတွေတိုင်းမှာ ဝယ်လို့ရနေပါပြီ။ Flagship ဖုန်းကိုမှ Upper Midrange ဈေးနှုန်းမျိုးနဲ့ ဝယ်ချင်တယ်ဆိုရင် Pura 80 ကသင့်တော်ပြီးတော့ DXOMARK မှာ No 1 Camera Ranking ဖုန်းကို သုံးချင်တယ်ဆိုရင်တော့ Pura 80 Ultra ကိုဝယ်သင့်ပါဝယ်။

Player Vs Player ဂိမ်းမျိုးတွေက ကလေးတွေရဲ့ စိတ်ပိုင်းဆိုင်ရာ ကြမ်းတမ်းမှုကို လွှမ်းမိုးလာနိုင်တယ်။----------------------...
18/10/2025

Player Vs Player ဂိမ်းမျိုးတွေက ကလေးတွေရဲ့ စိတ်ပိုင်းဆိုင်ရာ ကြမ်းတမ်းမှုကို လွှမ်းမိုးလာနိုင်တယ်။
---------------------------------------------
ကျွန်တော်တို့ ငယ်ငယ်က ဂိမ်းတွေစပေါ်လာတဲ့ အချိန်ဆိုတော့ ဂိမ်းကစားဖြစ်တဲ့ ဂိမ်းတွေတော်တော်များများက ကိုယ်က Hero၊ လူဆိုးကြီးကို နှိမ်နှင်းရတာတို့ အခက်အခဲကို ကျော်ဖြတ်ရတဲ့ Adventure ဂိမ်းတို့ အားကစားဂိမ်းတို့ Strategy ဂိမ်းတို့ အဲ့လိုဂိမ်းတွေကိုပဲ အများစု ကစားခဲ့တာပေါ့။

ဒါပေမယ့် ခေတ်တွေပြောင်းလာလို့ မိုဘိုင်းဖုန်းတွေ လူတိုင်းလက်ထဲရောက်တဲ့အချိန်မှာ လူကြိုက်များတဲ့ ဂိမ်းတော်တော်များများက Player versus Player ဂိမ်းတွေကို လူကြိုက်များလာတယ်။ Playstation လိုမျိုး Console ဂိမ်းတွေထက်ကို လက်ထဲလွယ်လွယ်ဝယ်ကိုင်လို့ရတဲ့ Mobile ဖုန်းနဲ့ပဲ ဂိမ်းကစားကြတယ်။ ဂိမ်းကစားရင်လည်း အဓိကကစားကြတာ PVP ဂိမ်းတွေကိုပဲ အဓိကထားကစားကြတယ်။ ပြောချင်တာက အသက်ပြည့်တဲ့ လူတွေက PVP ဂိမ်းတွေကစားတာပြဿနာမရှိပေမယ့် ကလေးတွေကပါ MLBB (Mobile Legends: Bang Bang) လို Roblox ပေါ်က PvP (Player-versus-Player) ဂိမ်းမျိုးတွေကိုပါ ကစားလာကြတာတွေ့ရ တော့ အဲ့ဒိဂိမ်းတွေရဲ့ သဘောသဘာဝကိုက ပြိုင်ဘက်ကို အနိုင်ယူဖို့၊ ဖျက်ဆီးဖို့၊ ဒါမှမဟုတ် Tတ်ဖို့ကို အဓိကရည်ရွယ်တဲ့ ဂိမ်းတွေဖြစ်တဲ့အတွက် ကလေးတွေရဲ့ စိတ်ပိုင်းဆိုင်ရာ လွှမ်းမိုးမှုအပေါ် တော်တော်လေးကိုမှ စိုးရိမ်စရာအနေအထားဖြစ်တယ်။ လတ်တလော သတင်းတွေမှာ မြင်ကြရတဲ့ ကလေးအရွယ်လူငယ်တွေရဲ့ အနိုင်ကျင့်တဲ့သတင်းတွေ တခြားတယောက်ကို ရက်ရက်စက်စက် ပြုမူလိုက်တဲ့အဖြစ်တွေက သူတို့ လက်ထဲမှာရှိတဲ့ ဖုန်းတစ်လုံးနဲ့ ကစားနေတဲ့ ဂိမ်းတွေရဲ့ စိတ်ပိုင်းဆိုင်ရာ လွှမ်းမိုးနေမှုကလည်း တစိတ်တပိုင်းအနေနဲ့ ရှိနေတယ်ဆိုတာ သတိထားရမယ့် အချိန်ဖြစ်လာပါပြီ။

ဒီလိုမျိုး တစ်ယောက်ယောက်ထိခိုက်နစ်နာပြီးမှ စိတ်ကျေနပ်မှုရမယ့် ဂိမ်းတွေကစားတဲ့အတွက် ကလေးတွေရဲ့ စိတ်ပိုင်းဆိုင်ရာအပေါ် ရေရှည်မှာ ဖြစ်ပေါ်လာနိုင်မယ့် ဆိုးကျိုးတွေကို အချက်အလက်အရ နည်းနည်းပြောကြည့်မယ်။

#ပြိုင်ဘက်ကို လေးစားမှု ပျောက်ဆုံးလာခြင်း (Loss of Respect for Competitors)

Player vs Player ဂိမ်းတွေမှာ ပြိုင်ဘက်ကို နိုင်ဖို့ဆိုတာ "သူတို့ ‌ေTဆုံးမှ" ဒါမှမဟုတ် "သူတို့ရဲ့ အခြေခံစခန်း ပျက်စီးမှ" ရတာမျိုးပါ။ ဒါက ဂိမ်းရဲ့ ပုံစံ (Game Design) ဖြစ်ပြီး၊ ပြိုင်ဘက်ကို လေးစားရမယ့်အစား ပြိုင်ဘက်က ကိုယ့်ပန်းတိုင်ကို အတားအဆီး ဆိုတဲ့ အတွေးမျိုးကို ဦးစားပေးလာစေနိုင်ပါတယ်။

ဆိုတော့ ဒီဂိမ်းကို ကစားနေနဲ့ အရာရာကိုသင်ယူနေစ ကလေးငယ်တစ်ယောက်က ဂိမ်းကစားတာ ကြာလာတဲ့အခါ ပြင်ပဘဝက ပြိုင်ဆိုင်မှုတွေ (ဥပမာ- စာမေးပွဲ၊ အားကစား၊ အလုပ်အကိုင်) မှာလည်း ပြိုင်ဘက်ကို အနိုင်ယူရုံသာမကဘဲ၊ လုံးဝ ဖြိုဖျက်ပစ်ရမယ်၊ အပြီးသတ် ဖယ်ရှားပစ်ရမယ် ဆိုတဲ့ "ရုန်းရင်းဆန်ခတ်စိတ်ဓာတ်" ကို ရလာနိုင်ပါတယ်။ ပုံမှန်အားဖြင့် ပြိုင်ဆိုင်မှု (Competition) ဟာ ကျန်းမာတဲ့ စိန်ခေါ်မှုနဲ့ တစ်ဦးချင်း တိုးတက်မှုကို ဖြစ်စေသင့်ပေမယ့်လို့ ဂိမ်းကနေ ရလာတဲ့ အလေ့အကျင့်က "Win at All Costs" (ဘယ်လိုပဲဖြစ်ဖြစ် နိုင်ရမယ်) ‌ေ-စမ်း ‌ေ-စမ်း လို့အော်နေတဲ့ ကလေးတယောက်ကို မြင်နေရမယ်ဆို သင်ဘယ်လိုဖြစ်မယ်လို့ထင်လဲ။

#အကြမ်းဖက်မှုအပေါ် စိတ်ခံစားမှု ထုံကျင်လာခြင်း (Desensitization to Violence)

ဂိမ်းထဲက အကြမ်းဖက်မှု (Violent Actions) ကို ထပ်ခါတလဲလဲ မြင်တွေ့ရတာရယ်နဲ့ ကိုယ်တိုင်ကပါဝင်ပြီး အဲလိုလုပ်နေတဲ့ ကလေးတွေရဲ့ စိတ်ပိုင်းဆိုင်ရာ တုံ့ပြန်မှုက မနှစ်မြိုစရာလို့မမြင်တော့ပဲ ဒီခံစားချက်က ထုံကျင်လာတယ်။ ဒီဖြစ်စဉ်ကို Desensitization လို့ခေါ်ပါတယ်။

ဒါကြောင့် တကယ့်လက်တွေ့ဘဝမှာ အကြမ်းဖက်မှု သို့မဟုတ် ရန်လိုမှုတစ်ခုခုကို မြင်တဲ့အခါ ကြောက်ရွံ့တာ၊ စိတ်မကောင်းဖြစ်တာ ဒါမှမဟုတ် စာနာတာ တွေ နည်းသွားပြီးတော့ အဲ့ဒီအပြုအမူတွေကို ပုံမှန်ဖြစ်ရိုးဖြစ်စဉ်တွေပါလို့သတ်မှတ်လာနိုင်တယ်။

#ရန်လိုသော အပြုအမူ တိုးလာခြင်း (Increased Aggression)

သုတေသနအများအပြားက အကြမ်းဖက်မှုပါဝင်တဲ့ တစ်ယောက်နဲ့တစ်ယောက် အပြတ်ချနေတဲ့ ဂိမ်းတွေကို ကစားနေခြင်းက ရန်လိုတဲ့ အတွေးအမြင်တွေ၊ ဒေါသထွက်လွယ်တာတွေနဲ့ ရန်လိုတဲ့ အပြုအမူ တွေကြားမှာ ဆက်စပ်မှုရှိနေတယ်လို့ ဖော်ပြထားကြတယ်။

ပြိုင်ဆိုင်မှုပြင်းထန်တဲ့ အွန်လိုင်းဂိမ်းတွေ (Competitive Games) မှာ ရှုံးနိမ့်လိုက်တဲ့အတွက် ဖြစ်လာတဲ့ စိတ်ပျက်အားငယ်မှုနဲ့ ဒေါသထွက်မှု (Frustration) တွေကို လက်တွေ့ဘဝကို သယ်ဆောင်လာနိုင်ပြီးတော့ ပြဿနာကို ဖြေရှင်းတဲ့အခါမှာ ရန်လိုတဲ့နည်းလမ်းကို ပိုပြီး အသုံးပြုဖို့ အလားအလာများလာစေနိုင်တယ်။

#လက်ရှိလူငယ် အကြမ်းဖက်မှုများနှင့် ဆက်စပ်နိုင်မှု (Link to Real-life Youth Violence)

အခုဆိုရင် သတင်းတွေမှာ ငယ်ရွယ်တဲ့သူတွေရဲ့ အကြမ်းဖက်မှုတွေ တိုးလာတာကို မြင်တွေ့ရပါတယ်။ စိတ်ပိုင်းဆိုင်ရာ ပညာရှင်တွေက ဒီလိုအကြမ်းဖက်မှုတွေ ဖြစ်ပေါ်ရတဲ့ အကြောင်းရင်းကို ပေါင်းစပ်ရှုမြင်တာတွေ့ရတယ်။ ဂိမ်းကစားခြင်းဟာ တစ်ခုတည်းသော အကြောင်းရင်း မဟုတ်ပေမယ့် အရေးပါတဲ့ အန္တရာယ်ဖြစ်စေနိုင်သော အကြောင်းရင်း (Risk Factor) တစ်ခုအဖြစ် သတ်မှတ်ထားကြတယ်။

ဆိုလိုတာကတော့... မူလကတည်းက စိတ်ပိုင်းဆိုင်ရာ ပြဿနာရှိနေတဲ့ ဒါမှမဟုတ် မိသားစု/လူမှုဝန်းကျင်မှာပံ့ပိုးမှု အားနည်းတဲ့ ကလေးငယ်တွေအတွက် တစ်ယောက်နဲ့တစ်ယောက်အကြမ်းဖက်နေတဲ့ဂိမ်းတွေက အကြမ်းဖက်စိတ်ကို ပိုပြီးအားဖြည့်ပေးနိုင်တယ်။

ဆိုတော့ ဘယ်လိုနည်းနဲ့ပဲဖြစ်ဖြစ် အနိုင်ယူဖို့ကိုသာ ရည်ရွယ်ထားပြီး ပြိုင်ဘက်ကို ဖျက်ဆီးရတဲ့ အွန်လိုင်းဂိမ်းတွေဟာ ကောင်းကျိုးထက် ဆိုးကျိုးက ပိုများလာနိုင်ချေရှိတယ်။ အထူးသဖြင့် ကလေးတွေရဲ့ စာနာစိတ်၊ လူမှုဆက်ဆံရေးစွမ်းရည်နဲ့ ကျန်းမာတဲ့ ပြိုင်ဆိုင်လိုစိတ်ကို ဖွံ့ဖြိုးတိုးတက်စေဖို့ ပုံဖော်နေချိန်မှာ ဒီလိုဂိမ်းတွေက အချိန်ကြာကြာ လွှမ်းမိုးမှုရှိနေခြင်းက လူမှုပတ်ဝန်းကျင်နဲ့ မညီညွတ်တဲ့ စိတ်ပိုင်းဆိုင်ရာ ပုံစံတွေကို ဖြစ်ပေါ်လာစေနိုင်တယ်။

ဒါကြောင့် မိဘတွေအနေနဲ့ ဂိမ်းကစားချိန်ကို ကန့်သတ်တာမျိုး ဂိမ်းရဲ့ အကြမ်းဖက်မှု အဆင့်အတန်းကို စိစစ်တာမျိုးနဲ့ ကလေးတွေရဲ့ အပြုအမူပြောင်းလဲမှုတွေကို အနီးကပ် စောင့်ကြည့်တာမျိုးတွေက အရမ်းကို အရေးကြီးပါတယ်။

၃သိန်းကျော်နဲ့ Samsung ဖုန်းကိုင်ချင်တယ်ဆို Galaxy A07 ဆိုတဲ့ ဖုန်းမော်ဒယ်အသစ်ကို Samsung က မြန်မာပြည်ဈေးကွက်ထဲ မိတ်ဆက်လ...
17/10/2025

၃သိန်းကျော်နဲ့ Samsung ဖုန်းကိုင်ချင်တယ်ဆို Galaxy A07 ဆိုတဲ့ ဖုန်းမော်ဒယ်အသစ်ကို Samsung က မြန်မာပြည်ဈေးကွက်ထဲ မိတ်ဆက်လိုက်ပါတယ်။
---------------------------

Samsung Myanmar ကနေပြီးတော့ ရိုးရှင်းလှပတဲ့ ဒီဇိုင်းနဲ့ လုပ်ဆောင်ချက်တွေ အများကြီး မြှင့်တင်ထားတဲ့ Galaxy A07 စမတ်ဖုန်းအသစ်ကို မြန်မာနိုင်ငံမှာ တရားဝင်မိတ်ဆက်လိုက်ပြီဖြစ်ပါတယ်။

ဒီအသစ်ထွက် Galaxy A Series စမတ်ဖုန်းတွေကို ငွေကျပ် သုံးသိန်းကျော်ကနေစပြီးတော့ အသက်သာဆုံးစျေးနှုန်းနဲ့ ဝယ်ယူရရှိနိုင်မှာပဲ ဖြစ်ပါတယ်။

အထူးခြားဆုံးအချက်ကတော့ ဒီ Galaxy A07 Series မှာ ပထမဆုံးအကြိမ်အဖြစ် IP54 အဆင့် ရေစိုဒဏ်ခံနိုင်စွမ်း ပါဝင်လာတာပါပဲ။ ဒါ့အပြင် မတော်တဆ ထိခိုက်မှန်ကွဲမှုတွေအတွက် Samsung Care+ နဲ့ နှစ်နှစ်အထိ တိုးမြှင့်ကာကွယ်ပေးထားလို့ စိတ်ချလက်ချ အသုံးပြုနိုင်မှာပါ။ OS Update နဲ့ Security Upgrade ကိုပါ ၆ နှစ်အထိ ပေးသွားမှာဖြစ်လို့ စုစုပေါင်း ၆ နှစ်အထိ စိတ်ကြိုက်သုံးနိုင်ပြီပေါ့နော်။

Galaxy A07 ရဲ့ ဒီဇိုင်းပိုင်းကို ကြည့်မယ်ဆိုရင် ခေတ်မီလှပတဲ့ ကင်မရာဒီဇိုင်း၊ သပ်ရပ်တဲ့ ဘေးဘောင်ဒီဇိုင်းတွေကြောင့် ပရီမီယမ်ဆန်တဲ့ ခံစားမှုကို ရရှိစေမှာပါ။ အလေးချိန်ကလည်း ၁၈၄ ဂရမ်သာ ရှိပြီး GFRP Materials ကို သုံးထားလို့ ပေါ့ပါးကျစ်လျစ်သလို အကြမ်းခံမှုကိုပါ ခံစားရစေမှာပါ။

မျက်နှာပြင်ကတော့ ၆.၇ လက်မ PLS LCD Display ကို 90Hz refresh rate နဲ့ သုံးပေးထားပါတယ်။ စွမ်းဆောင်ရည်ပိုင်းမှာလည်း MediaTek Helio G99 (6nm) AP ကို ထည့်သွင်းပေးထားလို့ ရုပ်ရှင်ကြည့်တာ၊ ဂိမ်းကစားတာနဲ့ multi-tasking လုပ်တာတွေကို စိုပြေတောက်ပတဲ့ မျက်နှာပြင်နဲ့ သွက်လက်မြန်ဆန်စွာ အသုံးပြုနိုင်မှာပါ။

ဘက်ထရီကတော့ 5,000 mAh ပါဝင်တာကြောင့် ကြာရှည်စွာ အသုံးပြုနိုင်ပြီး 25W Super-Fast Charging ပါဝင်လို့ အားပြန်သွင်းရာမှာလည်း အထူးမြန်ဆန်စေမှာပါ။

ကင်မရာစနစ်ကလည်း မဆိုးပါဘူး။ 50MP Main ကင်မရာ နဲ့ 2MP Depth ကင်မရာ ပါဝင်လာတာကြောင့် ပိုမိုကျယ်ပြန့်ပြီး ဝေဝါးမှုနည်းတဲ့ ဓာတ်ပုံတွေကို ရိုက်ကူးနိုင်မှာပါ။ ရှေ့ကင်မရာကတော့ 8MP Selfie ကင်မရာ ဖြစ်ပြီး Studio Quality ဆန်တဲ့ Self Portraits တွေကို ကြည်လင်ပြတ်သားစွာ ရိုက်ကူးနိုင်မှာပဲ ဖြစ်ပါတယ်။

လုံခြုံရေးအတွက်ဆိုရင်တော့ စိတ်အချရဆုံး လုံခြုံရေးစနစ်ဖြစ်တဲ့ EAL5+ ကမ္ဘာ့အဆင့်မီ လုံခြုံရေးစနစ်အသိအမှတ်ပြုလက်မှတ်ရထားတဲ့ Samsung Knox Vault ကို Galaxy A07 မှာ ထည့်သွင်းပေးထားပါတယ်။ ဒါကြောင့် မိုဘိုင်းဖုန်းရဲ့ Software နဲ့ Hardware နှစ်မျိုးလုံးကို ကာကွယ်ပေးနိုင်ပြီး သင့်ရဲ့ ဒေတာတွေကို ခိုးယူဝင်ရောက်ခြင်း မပြုနိုင်အောင် တားဆီးပေးထားနိုင်မှာပါ။

Galaxy A07 စမတ်ဖုန်းအသစ်ကို လူငယ်ဆန်ပြီး လှပတဲ့ Black (အနက်)၊ Light Violet (ခရမ်းဖျော့) နဲ့ Green (အစိမ်း) အရောင်တွေနဲ့ ရရှိနိုင်မှာပါ။ ဈေးနှုန်းတွေကတော့ -

Galaxy A07 (6GB/128GB) – ၅၃၇,၀၀၀ ကျပ်

Galaxy A07 (4GB/128GB) – ၄၇၄,၀၀၀ ကျပ်

Galaxy A07 (4GB/64GB) – ၃၉၉,၀၀၀ ကျပ် တို့ပဲ ဖြစ်ပါတယ်။

ဒီဖုန်းအသစ်ကို နီးစပ်ရာ Samsung Showroom နဲ့ အရောင်းကိုယ်စားလှယ်ဆိုင်တွေမှာ ဝယ်ယူနိုင်သလို Samsung ရဲ့ တရားဝင် eStore လင့်ခ်ဖြစ်တဲ့ https://bit.ly/buy-galaxya07 ကနေလည်း လွယ်ကူအဆင်ပြေစွာ ဝယ်ယူနိုင်ပြီလို့ သိရပါတယ်။

ဝယ်ယူသူတွေအတွက် အထူးခံစားခွင့်တွေအနေနဲ့ -

25W Charger နဲ့ Silicone Cover တို့ပါဝင်တဲ့ Free Gift Bundle Box ကို ပစ္စည်းလက်ကျန်ရှိသလောက် လက်ဆောင်ရရှိမှာပါ။

အတိုးမဲ့ ၆ လ အရစ်ကျ စနစ်ကိုလည်း AYA Pay ဒါမှမဟုတ် Blue Season အစီအစဥ်တွေနဲ့ ချိတ်ဆက်ပြီး ဝယ်ယူနိုင်မှာပါ။

ATOM SIM Card အသုံးပြုသူတွေအတွက် လစဉ် ဖုန်းဘေလ် ၃,၀၀၀ မှ ၁၀,၀၀၀ ကျပ်အထိ ဖြည့်သွင်းရုံနဲ့ ဖြည့်သွင်းတဲ့ ငွေပမာဏအလိုက် ဒေတာ 3GB မှ 8GB အထိကို ၆ ကြိမ် အခမဲ့ ရရှိသွားမှာပဲ ဖြစ်ပါတယ်။

Samsung Care+ ရဲ့ No Worry Crack ဝန်ဆောင်မှုအနေနဲ့ မတော်တဆ ဖုန်းအနောက်မျက်နှာပြင် ပျက်စီးရင် လက်ခနဲ့ ပစ္စည်းတန်ဖိုး ၁၀၀% သက်သာခွင့်၊ ဖုန်းအရှေ့မျက်နှာပြင် ပျက်စီးရင် လက်ခနဲ့ ပစ္စည်းတန်ဖိုး ၆၀% သက်သာခွင့် စတဲ့ ခံစားခွင့် ၁ ကြိမ်ကို ဝယ်ယူတဲ့နေ့မှ ၂ နှစ်အတွင်း ရရှိသွားနိုင်ဦးမှာ ဖြစ်ပါတယ်။

Galaxy A07 စမတ်ဖုန်းအသစ်အကြောင်း အသေးစိတ်သိချင်ရင်တော့ Samsung Myanmar page မှာ ဝင်ရောက်ကြည့်ရှုနိုင်တယ်လို့ သိရပါတယ်။

17/10/2025

realme က အသစ်ထွက်တဲ့ realme GT 8 Pro က မိုက်တယ်။ Replaceable Deco Design လို့ခေါ်တဲ့ Camera Module နေရာက Camera Bump ဒီဇိုင်းကို ကိုယ်ကြိုက်သလို ဖြုတ်လဲလို့ရတယ်။ DIY ပုံစံလုပ်လို့ရတာက ဆန်းသစ်တဲ့ အပြောင်းအလဲတစ်ခုလို့ပြောရမယ်။ ဆန်းသစ်တီထွင်တဲ့ ဖုန်းပြိုင်ပွဲထဲမှာ သူကလည်း ပုံစံတစ်မျိုးနဲ့ လန်း‌နေတယ်လို့ ပြောလို့ရတယ်။ အခု Video ကတော့ တရုတ်နိုင်ငံက Bloggerတစ်ဦး realme GT 8 Pro ကို Unbox လုပ်ပြီး Module ပုံစံတွေကို အဖြုတ်အတပ်လုပ်ပြထားတာပါ။ ဘယ်လိုလဲ.... ဒီလို ဆန်းသစ်တာကိုလည်း သဘောကျကြလား။

OriginOS6 ကို Official မိတ်ဆက်ပြီဗျာ။——————OriginOS6 ကို နိုဝင်ဘာလ အစောပိုင်း ကစရပါမယ်။ Timeline အတိုင်း update ပေးသွားလ...
15/10/2025

OriginOS6 ကို Official မိတ်ဆက်ပြီဗျာ။
——————
OriginOS6 ကို နိုဝင်ဘာလ အစောပိုင်း ကစရပါမယ်။ Timeline အတိုင်း update ပေးသွားလိမ့်မယ်။ Update ရမှာက Vivo X စီးရီး၊ V စီးရီး၊ T စီးရီး နဲ့ Y စီးရီး တွေအကုန်ရမယ် (မှတ်ချက်။ ။ OS Update တစ်ကြိမ် ဒါမှမဟုတ် တစ်ကြိမ်ထက် ပို ရဖို့ ကျန်သေးတဲ့ ဖုန်းတွေအားလုံးဟာ ဒီ OriginOS 6 Update ကို ရရှိဖို့ အရည်အချင်း ပြည့်မီပါတယ်ဗျ။)
ဒီ Update ကို ခင်ဗျားတို့ရဲ့ ဖုန်းတွေ ရနိုင် မရနိုင် အောက်က ပုံထဲမှာ ဖြဲကြည့်လိုက်ကြတော့ဗျာ။

15/10/2025

Content Creator သမားတစ်ယောက်မဟုတ်ရင် အခုဖြစ်နေတဲ့ ကင်မရာအလန်းစားတွေထည့်ပေးတဲ့ Smart Phone Trend က Daily User တွေအတွက် တကယ်သုံးဖြစ်ပါ့မလား။

ကင်မရာ ဆရာကြီးလို့ ၃ ခါခေါ်ရအောင် ဖန်တီးထားတဲ့ vivo ရဲ့ X300 series ဖုန်းတွေကိုမိတ်ဆက်သွားပါပြီ။ ဘာထူးခြားမလဲ အောက်မှာဆက...
13/10/2025

ကင်မရာ ဆရာကြီးလို့ ၃ ခါခေါ်ရအောင် ဖန်တီးထားတဲ့ vivo ရဲ့ X300 series ဖုန်းတွေကိုမိတ်ဆက်သွားပါပြီ။ ဘာထူးခြားမလဲ အောက်မှာဆက်ဖတ်
👇👇👇👇👇
လပေါင်းများစွာ ကောလာဟလလိုဘာလိုလို သတင်းပေါက်ကြားသလိုဘာလိုလိုနဲ့ ပုံစံတွေထူးခြားချက်တွေ ထုတ်ပြခဲ့ပြီးဖြစ်တဲ့ vivo ရဲ့ Flagship စမတ်ဖုန်း စီးရီးအသစ် X300 နဲ့ X300 Pro ကို China မှာတရားဝင် မိတ်ဆက်လိုက်ပါပြီ။
ဒီဖုန်းတွေမှာ အဓိကအသားပေးထားတာကတော့ ပရော်ဖက်ရှင်နယ် မိုဘိုင်းလ် ဓာတ်ပုံရိုက်ကူးရေး ပိုင်းကို အဓိကထားဖန်တီးထားတယ်။ အဲ့ဖုန်းတွေမှာက နောက်ဆုံးပေါ် ကင်မရာဆင်ဆာတွေ၊ ချစ်ပ်ပြား နှစ်ခုပါတဲ့ ပရိုဆက်ဆာနဲ့ ZEISS ရယ် Samsung ရယ်တို့နဲ့ ပူးပေါင်းဖန်တီးထားတဲ့ နည်းပညာတွေကို ပေါင်းစပ်ထားတာ‌ တွေ့ရတယ်။ ဒီလိုမျိုး အလန်းစားဖန်တီးထားတဲ့ ရည်ရွယ်ချက်ကလည်း Contents ဖန်တီးသူတွေနဲ့ ဓာတ်ပုံရိုက်ကူးတာကို ဝါသနာပါသူတွေကို ဆွဲဆောင်ဖို့ဆိုတဲ့ရည်ရွယ်ချက်လို့‌ပြောရမယ်။
ဖုန်းနှစ်မျိုးစလုံးက "dual-chip" နည်းလမ်းကို အသုံးပြုထားတာ တွေ့ရတယ်။ ဒါက MediaTek ရဲ့ Dimensity 9500 Chip နဲ့ ဓာတ်ပုံ၊ ဗီဒီယိုတွေကို သီးခြားစီ စီမံဆောင်ရွက်ပေးမယ့် vivo ရဲ့ Blueprint V3+ ဆိုတဲ့ Chip ကို တွဲဖက်ထားတာ တွေ့ရတယ်။
ဆိုတော့ အဲ့ Chip ၂ ခုပေါင်းရဲ့ ရလဒ်က တကယ့်ကို Amazing ပါပဲ။ X300 Pro ဆိုရင် AnTuTu စမ်းသပ်ချက်မှာ ရမှတ် ၄.၁ သန်းကျော် အထိ ရရှိခဲ့တယ်။ အဲ့ဒါ့အပြင်ကိုမှ Android 16 ကို အခြေခံထားတဲ့ OriginOS 6 စနစ်ကလည်း User Experience ကိုလည်း ပိုပြီး ချောမွေ့မြန်ဆန်နေလိမ့်မယ်။

ရဲ့ထူးခြားတဲ့ကင်မရာစနစ်
vivo X300 Pro ရဲ့ အထူးခြားဆုံး အားသာချက်ကတော့ သူ့ရဲ့ အဆင့်မြင့် ကင်မရာစနစ်ပါပဲ။
အဓိကကတော့ 200 MP ZEISS APO (Telephoto) မှန်ဘီလူးအသစ် တပ်ထားပြီး Samsung နဲ့ ပူးပေါင်းဖန်တီးထားတဲ့ 1/1.4 လက်မ အရွယ် HPB ဆင်ဆာ၊ Apature f/2.67 နဲ့ C**A 5.5 စနစ်တွေ ပါဝင်တာကြောင့် အဝေးကနေ Zoom ဆွဲ ရိုက်ကူးတဲ့ ဓာတ်ပုံတွေမှာ တကယ်ကို အကောင်းဆုံးဖြစ်လိမ့်မယ်လို့ ပြောတယ်။
Main Camera က 1/1.28 လက်မ အရွယ် Sony LYT-828 ဆင်ဆာ နဲ့ Apature f/1.57 နဲ့ \pm 1.5^\circ အကျယ်အဝန်းအထိ တည်ငြိမ်အောင် လုပ်ပေးနိုင်တဲ့ “gimbal-grade” stabilizer စနစ်တွေ ထည့်ပေးထားတယ်။
Ultra Wide-Angleဆိုရင် 50 MP ISOCELL JN1 ဆင်ဆာ ကို သုံးထားတယ်။ ဗီဒီယိုရိုက်ရင်လည်း X300 Pro က လန်းနေဦးမယ်။ Portrait mode နဲ့ 4K 60 fps ရိုက်ကူးတာတွေ Dual EIS စနစ်နဲ့ 4K 120 fps ရိုက်ကူးတာတွေအပြင် ပရော်ဖက်ရှင်နယ် ကင်မရာတွေလိုမျိုး ACES ကို ထောက်ပံ့တဲ့ 10-bit log ဗီဒီယို ရိုက်ကူးတာတွေပါ လုပ်လို့ရမယ်။
Display က 6.78 လက်မ အရွယ် နဲ့ 1260 x 2800 ရုပ်ထွက်ရှိတဲ့ AMOLED မျက်နှာပြင်ကလည်း ဒီဖုန်းရဲ့ အားသာချက်လို့‌ ပြောလို့ရတယ်။

vivo X300 ကတော့ ပိုပြီး ကျစ်လစ်တဲ့ ဒီဇိုင်းနဲ့ ဆိုပေမယ့် စွမ်းဆောင်ရည်ကတော့ မပြောင်းသွားဘူး။
Main ကင်မရာဆို X300 Pro မှာ ပါတဲ့ 200 MP HPB ဆင်ဆာ အတူတူကိုပဲ အသုံးပြုထားတယ်။ အဲ့ဒါ့အပြင် 50 MP Sony LYT-602 Telephoto မှန်ဘီလူးနဲ့ 50 MP ultra wide-angle ကင်မရာတွေလည်း ထည့်ပေးထားတယ်။
Display က 6.31 လက်မ အရွယ်၊ 1216 x 2640 ရုပ်ထွက်နဲ့ 120 Hz refresh rate ရှိတဲ့ Display ကို သုံးထားတာမို့လို့ မြင်ကွင်းပိုင်းမှာ အကောင်းဆုံး အတွေ့အကြုံကို ပေးနိုင်လိမ့်မယ်။ ဒီဇိုင်းကလည်း 7.95 mm ပဲ ထူပြီး အလေးချိန် 190 g ပဲ ရှိတာကြောင့် သယ်ရတာ လွယ်မယ်။
အရောင်တွေဆို အနက်၊ အပြာ၊ ပန်းရောင်နဲ့ အနီရောင်ဆိုပြီး ရွေးလို့ရမယ်။
ဖုန်းနှစ်ခုစလုံးရဲ့ တူညီတဲ့အချက်တွေက
Display ဆို 120 Hz 8T LTPO Display ကို သုံးထားပြီး ZEISS Master Color Display စံနှုန်းနဲ့ ချိန်ညှိထားတယ်။ အဲ့ဒါအပြင် မျက်စိကို သက်တောင့်သက်သာဖြစ်စေဖို့အတွက် 2160 Hz PWM dimming နည်းပညာလည်းပါတယ်။
X300 Pro မှာ 6510 mAh BlueVolt ဘက်ထရီ ပါရှိပြီးတော့ X300 မှာ 6040 mAh ဘက်ထရီ ပါတယ်။ နှစ်မျိုးစလုံးက 90W ကြိုးတပ် အမြန်အားသွင်းစနစ် နဲ့ 40W ကြိုးမဲ့ အားသွင်းစနစ် ကို ထောက်ပံ့‌ေပးထားတယ်။
ရှေ့ကင်မရာ‌တွေဆို နှစ်မျိုးစလုံးက တူညီတဲ့ 50 MP ISOCELL JN1 ကင်မရာ ချည်းပဲ။
ရေနဲ့ ဖုန်ဒဏ်ခံနိုင်တဲ့ IP68 နဲ့ IP69 လက်မှတ်တွေ ရရှိထားသလို USB 3.2 ချိတ်ဆက်မှုလည်း ပါတယ်ဗျာ။

Launch ပွဲမှာ ပိုထူးခြားတဲ့အချက်က ကင်မရာစွမ်းဆောင်ရည်မှာ တကယ်ကို အမြင့်ဆုံး တွန်းတင်ချင်တယ်ဆိုရင် Vivo X300 Pro မှာ Tele Converter (တယ်လီ ကွန်ဗာတာ) ကို ထပ်တပ်လို့ရအောင်လုပ်လို့ရတယ်။
ဒါက တကယ့်ကို ပရော်ဖက်ရှင်နယ် အဆင့်အထိမြင့်လိုက်နိုင်တယ်ဆိုတဲ့သဘောပဲ!
ဒါပေမယ့် အိတ်ဆောင်ဖုန်းမျိုးကိုပဲကြိုက်တတ်တဲ့သူတွေကတော့ ဒီလို Lens ထပ်တပ်သုံးရတဲ့အနေအထားမျိုးကိုတော့အရမ်းကြီး သဘောကျမိလိမ့်မယ်လို့‌ တော့မထင်ဘူး။ ဘာလို့လဲဆိုတော့ သွားရင်းလာရင်း ဓာတ်ပုံရိုက်ဖို့ ရည်ရွယ်ချက်တစ်ခုသာမရှိရင် ဖုန်းကို အိတ်ကပ်ထဲ ထည့်သွားကြတာပဲ‌ လေ။
ဒါပေမဲ့ ဒီလို Lens တတ်လို့ရတယ်ဆိုတာကလည်း ရွေးချယ်စရာကောင်းကောင်းတစ်ခုပဲ။ Vivo ကတော့ ပထမမျိုးဆက်မှာရှိတဲ့ Teleconverter lens တပ်ရတဲ့ ပြဿနာတချို့ကိုတော့ ပြင်ဆင်ပေးလိုက်နိုင်တယ်လို့သိရတယ်။

X300 series ကို တရုတ်နိုင်ငံမှာရောင်းမယ့် ဈေးနှုန်းတွေက
vivo X300:
12 GB + 256 GB ဗားရှင်းက 4,399 ယွမ် (ယူရို 620 ခန့်) ကနေ စတင်တယ်။
16 GB + 1 TB ဗားရှင်းကတော့ 5,799 ယွမ် (ယူရို 815 ခန့်) အထိ ရှိတယ်။
vivo X300 Pro:
စတင်ဈေးက 5,299 ယွမ် (ယူရို 745 ခန့်) ဖြစ်တယ်။
အမြင့်ဆုံး ဗားရှင်းက 6,699 ယွမ် (ယူရို 940 ခန့်) အထိ ရှိတယ်။
ဂြိုလ်တုဆက်သွယ်ရေး ပါဝင်တဲ့ အထူးထုတ်ဗားရှင်း (Satellite Edition) ကတော့ 8,299 ယွမ် (ယူရို 1,165 ခန့်) ရှိတယ်လို့ သိရတယ်ဗျာ။

ပျင်းစရာကောင်းတဲ့ User Experience ကို စွန့်လွှတ်တော့မယ့် vivo နဲ့ OriginOS 6 ကို သုံးလို့ရမယ့် List ထဲမှာ ကိုယ့်ဖုန်းပါမ...
13/10/2025

ပျင်းစရာကောင်းတဲ့ User Experience ကို စွန့်လွှတ်တော့မယ့် vivo နဲ့ OriginOS 6 ကို သုံးလို့ရမယ့် List ထဲမှာ ကိုယ့်ဖုန်းပါမပါ ကြည့်လို့ရပါမယ်။
----------------------------

OriginOS ကိုတော့ တရုတ်နိုင်ငံပြင်ပက vivo နဲ့ iQOO သုံးတဲ့သူတွေဆီကို နောက်ဆုံးတော့ရောက်လာပါပြီ။ ပြောရရင် ဒါက အခုနှစ်ပိုင်းတွေထဲမှာ အကြီးမားဆုံးသော ဆော့ဖ်ဝဲလ် အဆင့်မြှင့်တင်မှုတစ်ခု ဖြစ်လာနိုင်ပါတယ်။ OriginOS 6 ကို Global အနေနဲ့ အောက်တိုဘာလ ၁၅ ရက်နေ့ မှာ တရားဝင် မိတ်ဆက်သွားမယ်လို့ အတည်ပြုထားပြီး ဖြစ်ပါတယ်။

မိတ်ဆက်ပြီးတာနဲ့ Update လုပ်လို့ရမယ့်ရရှိမယ့် ဖုန်းတွေဆီကို စပြီး ဖြန့်ချိပေးသွားမှာ ဖြစ်ပါတယ်။ ဒါကြောင့် Android 16 ကို အခြေခံတဲ့ OriginOS 6 Update ကို စောင့်နေတယ်ဆိုရင်တော့ ကိုယ့်ရဲ့ ဖုန်းက update ရတဲ့ ဖုန်း list ထဲပါမပါဆိုတာ သိလို့ရအောင်တော့ အောက်က စာရင်းထဲမှာကြည့်လို့ရတယ်။

OriginOS 6 update ရနိုင်တဲ့ ဖုန်းစာရင်း
vivo X စီးရီး ဖုန်းများ
vivo X စီးရီး ဖုန်းတွေက အနည်းဆုံး အဓိက Android update သုံးကြိမ် ရလေ့ရှိတယ်။ X200 စီးရီး ကတော့ OS အဆင့်မြှင့်တင်တာတွေကို တစ်ကြိမ် ပိုမိုပေးမယ်လို့ ကတိပြုထားတယ်။ ဆိုတော့ Android 16 ကို အခြေခံထားတဲ့ OriginOS 6 ကို အဆင့်မြှင့်တင်နိုင်မှာဖြစ်ပါတယ်။

Update ရမယ့် List ကတော့

vivo X200

vivo X200 Pro

vivo X200 Ultra

vivo X200 FE

Vivo X200s

vivo X200 Pro mini

vivo X100

vivo X100 Pro

vivo X100 Ultra

vivo X100s

vivo X100s Pro

vivo X90

vivo X90 Pro

vivo X90 Pro+

vivo X90s

vivo X စီးရီး Foldable Phones များ
ပုံမှန် စမတ်ဖုန်းများတွေလိုပဲ Foldable ဖုန်းတွေမှာလည်း အနည်းဆုံး အဓိက Update သုံးကြိမ် ရမှာမလို့ စည်းကမ်းသတ်မှတ်ချက်ကတော့ အတူတူပဲ။ ဆိုတော့ List က

vivo X Fold 5

vivo X Fold 3 Pro

vivo X Fold 2

vivo X Flip

ရနိုင်ခြေရှိတဲ့ vivo V စီးရီး ဖုန်းများ

vivo V60

vivo V60e

vivo V60 Lite

vivo V60 Lite 4G

vivo V50

vivo V50e

vivo V50 Lite

vivo V50 Lite 4G

MLBB ရဲ့ ၉ နှစ်ပြည့် အထိမ်းအမှတ်အနေနဲ့ OPPO နဲ့ MLBB တို့ ပူးပေါင်းးမှုရဲ့ တစ်စိတ်တစ်ပိုင်းအဖြစ် MLBB ပရိသတ်တွေအတွက် Dia...
01/10/2025

MLBB ရဲ့ ၉ နှစ်ပြည့် အထိမ်းအမှတ်အနေနဲ့ OPPO နဲ့ MLBB တို့ ပူးပေါင်းးမှုရဲ့ တစ်စိတ်တစ်ပိုင်းအဖြစ် MLBB ပရိသတ်တွေအတွက် Diamond Giveaway post မှာ ကံထူးသူတွေပါ။ ပျော်ရွှင်ကြပါစေ။

ကံထူးရှင်တွေက ကိုယ်ကံထူးရှင်ဖြစ်ကြောင်း သက်သေပြပြီး အောက်တိုဘာလ ၃ ရက်နေ့ နောက်ဆုံးထားကာ OPPO Myanmar Official page မှာ Diamond တွေကို ထုတ်ယူနိုင်ပါတယ်။

Address

16. 788194, 96. 127531
Rangoon Ahlone

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 17:00

Telephone

+959792955666

Website

Alerts

Be the first to know and let us send you an email when Techviewspro posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Techviewspro:

Shortcuts

Share

Category