Barangay RU 92.9 Super Radyo Kalibo

12/05/2026

ATTENTION: PROVINCIAL GOVERNMENT COLLEGE SCHOLARSHIP PROGRAM(PGCSP SCHOLARS) FROM GCT, ASU MAKATO & ASU NEW WASHINGTON

NEW PAYOUT VENUE: NVC-CSQ Gymnasium, Estancia, Kalibo, Aklan
Date: May 13, 2026
Time: 8:30 a.m.

For your information and guidance. Thank you very much!

Source: Aklan Information and Media Affairs Division

12/05/2026

Ninahan ro sangka 49-anyos nga eaki sa waea nga porsyon it uyahon ag waea nga butkon matapos daya eab-on it anang kaeapit bangod sa diskusyon sa linya it tubi sa Sitio Talisay, Brgy. Aquino, Ibajay kabii.

Ginkilaea ro biktima kay alyas "Joel", samtang ro suspek hay sangka 48-anyos nga eaki, nga mga residente it Brgy. Solido, Nabas.

Base sa imbestigasyon it Ibajay Municipal Police Station, nag-umpisa ro mainit nga saeabtanan sa tunga it daywa bandang alas-6:20 kabii. Nagareklamo kuno ro suspek nga pirme nga ginahukas it biktima ro andang hose it tubi ag ginasukot pa sanda para sa koneksyon.

Bangod sa kaakig, ginabot it suspek ro anang daeang sanduko ag einabu ro biktima. Gintinguha pa kunta nga magdepensa it biktima gamit ro sangka kahoy apang natamaan gihapon daya.

Nagsurrender ro suspek sa Nabas PNP bago daya gintransfer sa Ibajay MPS, kon siin narekober man ro gingamit nga sanduko. Gindaea insigida ro biktima sa Ibajay District Hospital apang gin-refer daya sa Aklan Provincial Hospital sa Kalibo kon siin padayon imaw nga nagapamayad.

Sa makaron, nagdesisyon ro pamilya it biktima nga indi eon magpasaka it kaso ag magapangayo lang it pinansyal nga bulig halin sa suspek para sa pagpabueong.

12/05/2026

AKELCO POWER ADVISORY (Ref.No.2026-05-135)


The AKELCO Area Operations Department, through the Kalibo Substation, will conduct a scheduled maintenance activity within the Kalibo SS coverage area.

For inquiries or further information, you may contact the AKELCO Consumer Care Center Hotline at 144 or 0907-422-3629, or send us a direct message through our official page.

Thank you for your understanding and continued support

12/05/2026

PSA-AKLAN, NAGAPATIGAYON IT SURVEY SA MGA PANIMALAY AGOD MAPABAKOD RO DATOS SA TURISMO

Nagapatigayon makaron it Household Survey on Domestic Visitors (HSDV) ro Philippine Statistics Authority (PSA) - Aklan sa mga napili nga panimaeay sa probinsya agod mas mapabakod ro datos sa industriya it turismo sa nasyon.

Tinutuyo it nasambit nga survey nga mabuoe ro mga impormasyon angot sa pagbyahe it mga miyembro it panimaeay agod makabuoe it datos sa volume it mga domestic ag international visitors. Do nasambit nga impormasyon hay magaserbi man nga giya para sa pag-obra it mga polisiya ag development plans para sa lokal nga turismo.

Suno sa ahensya, ro mga datos nga andang ginakolekta hay nakasentro sa pagbyahe it mga indibidwal nga may edad 15 pataas, eakip eon ro andang mga gin-agtunan, pamaagi it transportasyon, pag-avail it mga package tours, ag ro andang mga plano sa pagbyahe sa masunod nga 12 buean. Tanan nga impormasyon nga ginakolekta hay nagasakop sa mga byahe halin ku Enero hasta Disyembre 2025.

Nag-hire ro PSA-Aklan it an-om nga statistical researchers agod magkolekta it datos halin sa 396 ka sample households sa 22 ka barangay sa probinsya. May daywa man ka team supervisors nga gintaeana agod masiguro ro maayos nga pagpatigayon it survey nga sambilog ka joint undertaking it PSA ag Department of Tourism (DOT).

Base sa nasyonal nga resulta it 2022 HSDV, nagaabot sa 39.1 porsyento it mga Pilipino nga may edad 15 pataas ro nagbyahe sa sueod it nasyon kon siin mas abo ro mga baye nga nagarehistro sa 52.9% kumpara sa mga eaki nga una sa 47.1%. Do nagapangunang rason it pagbyahe hay para sa bakasyon (39.7%), ginasundan it pagbisita sa mga abyan ukon himata (32.9%), ag para sa rason nga medikal (11.6%).

Courtesy: PSA Aklan

12/05/2026

WATER DELIVERY ADVISORY

Nagpagwa ro National Irrigation Administration (NIA) it update parte sa pag-umpisa it water delivery para sa Wet Cropping Season sa Aklan River Irrigation System.

Schedule it water delivery:
• Aklan RIS East – Hunyo 1, 2026
• Aklan RIS West – Hunyo 1, 2026
• Panakuyan RIS – Mayo 7, 2026

Ro pagka-delay it schedule hay bangud sa pagnaba it suplay it tubig epekto it El Niño ag pagka-damage it Aklan River Dam.

Ginapangayo ro pag-intyende ag kooperasyon it tanan nga mangunguma. Padayon ro aton nga pagmonitor sa kondisyon it panahon ag tubig agud masigurado ro pangabuhian it aton nga mga mangunguma.

Sa dugang nga impormasyon magbisita eamang sa opisina it NIA sa Brgy. Linabuan Sur, Banga, Aklan o magtawag sa telepono (036) 267-6764

12/05/2026

TOP-7 ro sangka Aklanon sa Licensure Examination for Professional Teachers (LEPT)

Top-7 si Mardina Puod Taglay sa Licensure Examination for Professional Teachers (LEPT) it Professional Regulation Commission. Nakaangkon si Taglay it 93.80 nga rating sa nasambit nga eksaminasyon.

Nag-graduate imaw ra sa Aklan State University – Makato Campus sa kursong Bachelor of Technology and Livelihood Education Major in Home Economics ku 2025.

CONGRATULATIONS MARDINA PUOD TAGLAY

12/05/2026

WATCH: Interview kay Leadro Lenciano, jeep driver sa Banga Kalibo Jeepney Transport Cooperative, angot sa ayuda nga nabaton halin sa LTFRB.

12/05/2026

12/05/2026

Sa pihak ku pagpatawad it nagareklamo sa sangka eaeaki nga habue-an it video nga nagahampang ku anang kinatawo maeapit sa isaeang ka baeay sa Barangay Tigayon, ginsuherer nga pahalinon lang sa lugar ro eaeaki.

Sa pahayag ni PLt. Vargas, Hepe it Kalibo MPS, sa pakig-istorya nanda sa eaeaki, gin-aku kara ro nahimo nga paghampang ku anang kinatawo pero nagpamalibad raya nga ginahungod kara nga magpakita-kita sa iba.

Ro lugar nga ginkakitaan kana hay ginahambae na nga bakante nga baeay nga gina-ubra man nanda nga pahuwayan bilang construction worker ag natamaan eamang nga sa likod raya it baeay it naga-reklamo.

Sa paghinun-anon man nanda kaibahan ro Barangay Council, gin-ayu kara nga buligan lang ro eaeaki nga makahalin sa lugar agud indi eon maglala ro dangatan ku eaeaki ngara nga 27 anyos.

Samtang, nalipay man ro Hepe sa madasig nga aksyon it Barangay bangud naging madali para kanda nga matungod ag ma-respondehan ro reklamo. Ro makarondaya nga insidente hay dapat gid man nanda nga tutukan para indi magtuga it kabaeaka pa sa iba pang mga pumueoyu.

12/05/2026

12/05/2026

May 12, 2026
Talk to Papa
Problem of the Day
Dear Papa Ken,
"Ano baea ang himo-on para makumbinsi ko ang asawa nga mag ampon kami para man makompleto eon do among pamilya?" - Jenny

Dear Papa Ken,

Mayad nga adlaw sa tanan! Tawga eang ako sa pangaeang Jenny, 40 anyos ag may asawa nga seaman nga tawgon eang naton kay Jimmy 35 anyos. Mas mabata imaw kakon it limang dag-on.

15 years eon kaming kasae pero hasta makaron owa pa gihapon kami it onga. Tanan man nga pahito gin obra namon mabuntis eang ako pero owa gid ah it epekto.

Pamatyagan nakon may kueang sang kabuhi. Nainggit gid ang sa akong mga kabatchmates nga may mga onga eot ah ag pilang bilog pa.

Gusto ko gid kunta nga mag ampon pero ro problema tag ginkonseho ko sa ang asawa ang plano hay indi ta imaw magsugot.

Ro akon pa nga ginakahadlokan basi magloko ro akong asawa dahil indi ko imaw mataw-an it onga dahil sa pang edaron nakon ngara.

Ano baea ang himo-on para makumbinsi ko ang asawa nga mag ampon kami para man makompleto eon do among pamilya?

Saeamat gid,
Jenny

Ikomento eon ro inyong advice kay Jenny ag maging Best Advisee of the Day ag magda-og it Gcash 200 halin kay Papa Ken & Friends ag Villa Rosia - Your Transient Home in Kalibo.

Please like & share..